ನವದೆಹಲಿ: ವರ್ಕ್ ಫ್ರಮ್ ಹೋಮ್ ಮತ್ತು ಆನ್ಲೈನ್ ಅಧ್ಯಯನದಂತಹ ಪ್ರವೃತ್ತಿ ಹೆಚ್ಚುತ್ತಿದ್ದು, ಇದರಿಂದ ಸೃಷ್ಟಿಯಾದ ಬೇಡಿಕೆ ಪೂರೈಸಲು ಫ್ಲಿಪ್‌ಕಾರ್ಟ್ 59,990 ರೂ.ಬೆಲೆಯ ನೋಕಿಯಾ ಬ್ರಾಂಡ್ ಲ್ಯಾಪ್‌ಟಾಪ್‌ಗಳನ್ನು ಭಾರತೀಯ ಮಾರುಕಟ್ಟೆಗೆ ತರಲಿದೆ.
ವಾಲ್ಮಾರ್ಟ್ ಒಡೆತನದ ಫ್ಲಿಪ್‌ಕಾರ್ಟ್ ನೋಕಿಯಾ ಪ್ಯೂರ್‌ಬುಕ್ ಎಕ್ಸ್ 14 ಲ್ಯಾಪ್ಟಾಪ್ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಎಚ್‌ಪಿ, ಡೆಲ್, ಲೆನೊವೊ, ಏಸರ್ ಮತ್ತು ಆಸಸ್‌ನಂತಹ ದೈತ್ಯರು ಪ್ರಾಬಲ್ಯ ಹೊಂದಿರುವ ಭಾರತದ ಲ್ಯಾಪ್ಟಾಪ್ ಮಾರುಕಟ್ಟೆಗೆ ನೋಕಿಯಾ ಬ್ರಾಂಡ್‌ನ ಪ್ರವೇಶಿಸಲಿದೆ.
40 ದಿನಗಳಲ್ಲಿ 30 ಸಾವಿರ ಹೊಸ ಐ-20 ಕಾರ್ ಬುಕ್ಕಿಂಗ್: 10,000 ವಿತರಣೆ
ಆನ್ಲೈನ್ ಶಿಕ್ಷಣ ಮತ್ತು ಮನೆಯಿಂದ ಕೆಲಸ ಮಾಡುವ ಪ್ರವೃತ್ತಿ ಗಣನೀಯವಾಗಿ ಹೆಚ್ಚಳವಾಗುತ್ತಿದೆ, ಇದು ಲ್ಯಾಪ್‌ಟಾಪ್‌ಗಳ ಬೇಡಿಕೆ ಗಮನಾರ್ಹವಾಗಿ ತಂದಿದೆ. ಲಕ್ಷಾಂತರ ಗ್ರಾಹಕರ ವಿಮರ್ಶೆ ವಿಶ್ಲೇಷಣೆ ಮತ್ತು ಲ್ಯಾಪ್ಟಾಪ್ ಮಾರುಕಟ್ಟೆಯ ಅಧ್ಯಯನದ ಬಳಿಕ ಪ್ರೀಮಿಯಂ ಪಿಕ್ಚರ್ ಗುಣಮಟ್ಟ, ಬಹು - ಕಾರ್ಯಕ್ಷಮತೆ, ಅಲ್ಟ್ರಾ-ಲೈಟ್‌ವೈಟ್ ಮತ್ತು ನಯವಾದ ವಿನ್ಯಾಸದಂತಹ ಗುಣಲಕ್ಷಣಗಳಿಗೆ ಹೆಚ್ಚಿನ ಬೇಡಿಕೆ ಇದೆ ಎಂದು ಫ್ಲಿಪ್‌ಕಾರ್ಟ್ ಹೇಳಿದೆ.
ನೋಕಿಯಾ ಪ್ಯೂರ್‌ಬುಕ್ ಎಕ್ಸ್ 14 1.1 ಕೆ.ಜಿ ಅಲ್ಟ್ರಾಲೈಟ್ ಮತ್ತು 16.8 ಎಂಎಂ ನಯವಾದ ಫಾರ್ಮ್ - ಫ್ಯಾಕ್ಟರ್‌ನಲ್ಲಿ ಮಾರುಕಟ್ಟೆಗೆ ಬರಲಿದೆ. 14 ಇಂಚಿನ ಪೂರ್ಣ ಎಚ್‌ಡಿ ಪರದೆ ಹೊಂದಿದ್ದು, ಡಾಲ್ಬಿ ವಿಷನ್ ಮತ್ತು ಇಂಟೆಲ್ ಐ 5 10ನೇ ಜನರೇಷನ್ನ ಕ್ವಾಡ್-ಕೋರ್ ಪ್ರೊಸೆಸರ್ನಿಂದ ನಿಯಂತ್ರಿತವಾಗಿರುತ್ತದೆ. ಈ ಲ್ಯಾಪ್ಟಾಪ್ ಬಿಡುಗಡೆ ವೇಳೆ 59,990 ರೂ. ಇರಲಿದೆ. ಡಿಸೆಂಬರ್ 18ರಂದು ಮುಂಗಡ ಬುಕ್ಕಿಂಗ್ ಆರಂಭವಾಗಲಿದೆ.
