ಕೊರೊನಾ ಕರಿಛಾಯೆ; ಯುರೋಪ್​ನಿಂದ ಅಮೆರಿಕಕ್ಕೆ ಪ್ರಯಾಣ ನಿಷೇಧ, ಷೇರುಪೇಟೆ ಅಲ್ಲೋಲ-ಕಲ್ಲೋಲ!

ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಯುರೋಪಿನಿಂದ ಅಮೆರಿಕಾಗೆ ತಾತ್ಕಾಲಿಕ ಪ್ರಯಾಣ ನಿಷೇಧ ಘೋಷಿಸಿದ ನಂತರ ಜಾಗತಿಕ ಷೇರುಗಳು ಕುಸಿತ ಕಂಡಿವೆ. ಈ ನಿರ್ಬಂಧಗಳಿಂದ ವ್ಯಾಪಾರ ಹಾಗೂ ವ್ಯವಹಾರಕ್ಕೆ ಯಾವುದೇ ಪ್ರಭಾವ ಬೀರುವುದಿಲ್ಲ ಎಂದು ಟ್ರಂಪ್ ಹೇಳಿದ್ದರೂ, ಹೂಡಿಕೆದಾರರು ಮಾತ್ರ ವ್ಯವಹಾರ ಹಾಗೂ ಜಾಗತಿಕ ಆರ್ಥಿಕತೆಗೆ ಈ ನಿರ್ಬಂಧ ಹೆಚ್ಚಿನ ಅಡೆತಡೆಗಳನ್ನು ಎದುರಿಸೋ ಭೀತಿಯಲ್ಲಿದ್ದಾರೆ.

‘

ಮುಂಬೈ: ಕೊರೊನಾ ವೈರಸ್​ ಭೀತಿಯಿಂದಾಗಿ, ಟ್ರಂಪ್​ ಯುರೋಪಿನಿಂದ ಅಮೆರಿಕಕ್ಕೆ ಪ್ರಯಾಣಿಸುವವರಿಗೆ 30 ದಿನಗಳ ನಿಷೇಧವನ್ನು ಘೋಷಿಸಿದ್ದಾರೆ. ಈ ಘೋಷಣೆ ಮಾರುಕಟ್ಟೆಯನ್ನೇ ತಲ್ಲಣಗೊಳಿಸಿದೆ. ವಿಶ್ವಾದ್ಯಂತ ಇಕ್ವಿಟಿ ಸೂಚ್ಯಂಕಗಳು ಕುಸಿಯುತ್ತಿವೆ.

ವಿಶ್ವ ಆರೋಗ್ಯ ಸಂಸ್ಥೆ(WHO)ಯು ಕೊರೊನಾ ವೈರಸ್ ​ಅನ್ನು ಜಾಗತಿಕ ಸಾಂಕ್ರಾಮಿಕ ರೋಗವೆಂದು ಘೋಷಿಸಿದ ಒಂದು ದಿನದ ಬಳಿಕ ಮತ್ತು ಯುಎಸ್ ಅಧ್ಯಕ್ಷ ಟ್ರಂಪ್ ಕೋವಿಡ್ -19 ಹರಡುವ ಭೀತಿಯಿಂದಾಗಿ ಯುರೋಪಿನಿಂದ ಅಮೆರಿಕಕ್ಕೆ 30 ದಿನಗಳ ಪ್ರಯಾಣ ನಿಷೇಧವನ್ನು ಘೋಷಿಸಿದ ಬಳಿಕ ಗುರುವಾರ ಮುಂಜಾನೆ ಈಕ್ವಿಟಿ ಸೂಚ್ಯಂಕಗಳು ತೀವ್ರ ಕುಸಿತ ಕಂಡಿದೆ.

ರಷ್ಯಾ ಮತ್ತು ಸೌದಿ ಅರೇಬಿಯಾ ಉತ್ಪಾದನೆಯನ್ನು ಹೆಚ್ಚಿಸಿ, ಬೆಲೆ ಕುಸಿತ ಕಂಡಂತೆ ತೈಲ ಬೆಲೆಯೂ ಮತ್ತಷ್ಟು ಕುಸಿದಿದೆ.

ಬೆಳಿಗ್ಗೆ 10 ಗಂಟೆಗೆ BSE S&P ಸೆನ್ಸೆಕ್ಸ್ 2,400 ಪಾಯಿಂಟ್ ( ಒಂದು ಹಂತದಲ್ಲಿ 2700 ಅಂಕ) ಅಥವಾ ಶೇ 5.02 ರಷ್ಟು ಇಳಿಕೆ ಕಂಡು 33,904 ಕ್ಕೆ ತಲುಪಿದ್ದರೆ, ನಿಫ್ಟಿ50, 526 ಪಾಯಿಂಟ್ ಇಳಿಕೆ ಕಂಡು 9,932 ಕ್ಕೆ ಬಂದು ತಲುಪಿದೆ.

ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದಲ್ಲಿನ ಎಲ್ಲ ವಲಯ ಸೂಚ್ಯಂಕಗಳು, ನಿಫ್ಟಿ ಮೆಟಲ್​ ಶೇ. 7.1, ಪಿಎಸ್‌ಯು ಬ್ಯಾಂಕ್ ಶೇ 7, ರಿಯಾಲ್ಟಿ ಶೇ. 6.8 ಮತ್ತು ಆಟೋ ಶೇ, 5.4 ರಷ್ಟು ಇಳಿಕೆಯಾಗಿದೆ.

ಟಾಟಾ ಮೋಟಾರ್ಸ್ ಷೇರುಗಳಲ್ಲಿ ಶೇ. 11 ರಷ್ಟು ಕುಸಿದ ನಂತರ ಪ್ರತಿ ಷೇರಿಗೆ 87.80 ರೂ. ಯೆಸ್​ ಬ್ಯಾಂಕ್ ಮತ್ತು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಕ್ರಮವಾಗಿ ಶೇ 9.7 ಮತ್ತು ಶೇ 7.3 ರಷ್ಟು ಕುಸಿತ ಕಂಡಿವೆ.

ಟ್ರಂಪ್​ ಆ ಒಂದು ನಿರ್ಧಾರದಿಂದ ಅಮೆರಿಕ ಮಾರುಕಟ್ಟೆಗಳಲ್ಲಿ ತಲ್ಲಣ

ಈ ಮಧ್ಯೆ, ಕೊರೊನಾ ವೈರಸ್ ಹರಡುವುದನ್ನು ತಡೆಯುವ ಪ್ರಯತ್ನದಲ್ಲಿ ಟ್ರಂಪ್, ಯುರೋಪಿನಿಂದ ಅಮೆರಿಕಾಗೆ ತಾತ್ಕಾಲಿಕ ಪ್ರಯಾಣ ನಿಷೇಧ ಘೋಷಿಸಿದ ನಂತರ ಜಾಗತಿಕ ಷೇರುಗಳು ಕುಸಿತ ಕಂಡಿವೆ. ಈ ನಿರ್ಬಂಧಗಳಿಂದ ವ್ಯಾಪಾರ ಹಾಗೂ ವ್ಯವಹಾರಕ್ಕೆ ಯಾವುದೇ ಪ್ರಭಾವ ಬೀರುವುದಿಲ್ಲ ಎಂದು ಟ್ರಂಪ್ ಹೇಳಿದ್ದರೂ, ಹೂಡಿಕೆದಾರರು ಮಾತ್ರ ವ್ಯವಹಾರ ಹಾಗೂ ಜಾಗತಿಕ ಆರ್ಥಿಕತೆಗೆ ಈ ನಿರ್ಬಂಧ ಹೆಚ್ಚಿನ ಅಡೆತಡೆಗಳನ್ನು ಎದುರಿಸೋ ಭೀತಿಯಲ್ಲಿದ್ದಾರೆ.

ಅಮೆರಿಕದ ಡಾ ಜೋನ್ಸ್​​ 1400 ಅಂಕ ಇಳಿಕೆ ದಾಖಲಿಸಿದರೆ, ನ್ಯೂಯಾರ್ಕ್​ ಮಾರುಕಟ್ಟೆಯಲ್ಲಿ 370 ಅಂಕಗಳ ಕುಸಿತ ಕಂಡು ಬಂದಿದೆ.

ಏಷ್ಯಾ ಮಾರುಕಟ್ಟೆಯಲ್ಲೂ ಆತಂಕ

ಜಪಾನ್‌ನ ಹೊರಗಿನ ಏಷ್ಯಾ ಪೆಸಿಫಿಕ್ ಷೇರುಗಳ MSCIನ ಬ್ರಾಡೆಸ್ಟ್​ ಸೂಚ್ಯಂಕವು 2019 ರ ಆರಂಭದಿಂದೀಚೆಗೆ ಶೇಕಡಾ 4.1 ರಷ್ಟು ಕುಸಿದಿದ್ದರೆ, ಜಪಾನ್‌ನ ನಿಕ್ಕಿ ಶೇಕಡಾ 5.3 ರಷ್ಟು ಕುಸಿದಿದೆ.

ದಕ್ಷಿಣ ಕೊರಿಯಾದ ಕೋಸ್ಪಿ ಸಹ ಶೇ 4.16 ರಷ್ಟು ಕುಸಿದಿದೆ. ಶಾಂಘೈ ಕಾಂಪೋಸಿಟ್ ಶೇ. 0.96 ಮತ್ತು ಹಾಂಗ್ ಕಾಂಗ್‌ನ ಹ್ಯಾಂಗ್ ಸೆಂಗ್ ಸೂಚ್ಯಂಕವು ಶೇಕಡಾ 3.59 ರಷ್ಟು ಕುಸಿದಿದೆ.

ಇಲ್ಲೆಲ್ಲ ಕುಸಿತ ಕಂಡಿದ್ದರಿಂದ ಭಾರತದ ಷೇರು ಮಾರುಕಟ್ಟೆ ಕಳೆದೆರಡು ವರ್ಷದ ಕನಿಷ್ಠ ಮಟ್ಟಕ್ಕೆ ಕುಸಿತ ಕಂಡು, ಹೂಡಿಕೆದಾರರನ್ನು ಬೆವರಿಳಿಸಿದೆ. ಹಲವರು ತಮ್ಮ ಹಣವನ್ನೆಲ್ಲ ಕಳೆದುಕೊಂಡು ದಿಕ್ಕುತೋಚದಂತಾಗಿದ್ದಾರೆ.