ಟೇಕ್​​ಆಪ್​​ ಆಗದ ಎಲೆಕ್ಟ್ರಿಕ್​ ವಾಹನ​ ಮಾರಾಟ : ಸಬ್ಸಿಡಿ ಕೊಟ್ಟರೂ ಕೇಳುವವರಿಲ್ಲ ಏಕೆ?

ಗ್ರಾಹಕರ ಅರಿವಿನ ಕೊರತೆ (ಸರ್ಕಾರದ ಸಬ್ಸಿಡಿಗೆ ಸಂಬಂಧ), ಉತ್ಪನ್ನ ಜ್ಞಾನದ ಕೊರತೆಯಿಂದಾಗಿ ಕಡಿಮೆ ಆರ್ಡರ್​ ಮತ್ತು ಮಾರಾಟದ ನಂತರದ ಸೇವೆಯ ಕಾಳಜಿಗಳು ಯೋಜನೆಯ ಕಳಪೆ ಕಾರ್ಯಕ್ಷಮತೆಗೆ ಮತ್ತೊಂದು ಪ್ರಮುಖ ಕಾರಣಗಳಾಗಿವೆ ಎಂದು ಸೂಚಿಸಿದೆ..

ನವದೆಹಲಿ : ಸರ್ಕಾರದ ಸಬ್ಸಿಡಿಯ ಹೊರತಾಗಿಯೂ ಭಾರತದಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ (ಇ -2 ಡಬ್ಲ್ಯೂ) ಮಾರಾಟವು ಕಳಪೆಯಾಗಿದೆ. ಮಾರುಕಟ್ಟೆ ದೃಷ್ಟಿಕೋನವು ಯಾವುದೇ ವಿಧದಲ್ಲಿ ಬದಲಾಗದೆ ಉಳಿದಿದೆ ಎಂದು ರೇಟಿಂಗ್ ಏಜೆನ್ಸಿ ಇಕ್ರಾ ತಿಳಿಸಿದೆ.

ಫೇಮ್​-II ಯೋಜನೆಯ ಮೂರು ವರ್ಷಗಳ ಅಧಿಕಾರಾವಧಿಯ 2020-22ರ ನಡುವಿನ ಹಣಕಾಸು ವರ್ಷಗಳಲ್ಲಿ 2020ರ ಸೆಪ್ಟೆಂಬರ್ 30ರ ವೇಳೆಗೆ ಇ-2 ಡಬ್ಲ್ಯೂ ಮಾರಾಟವು ಉದ್ದೇಶಿತ 10 ಲಕ್ಷ ಯುನಿಟ್​ನಲ್ಲಿ ಕೇವಲ 2 ಪ್ರತಿಶತದಷ್ಟಿದೆ ಎಂದು ಇಕ್ರಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಎಲೆಕ್ಟ್ರಿಕ್ ವಾಹನ (ಇವಿ) ಅಳವಡಿಸಿಕೊಳ್ಳುವಂತೆ ಸರ್ಕಾರದ ಒತ್ತಡದ ಹೊರತಾಗಿಯೂ ಇತ್ತೀಚಿನ ವರ್ಷಗಳಲ್ಲಿ ಇ -2 ಡಬ್ಲ್ಯೂಗಳ ಬೇಡಿಕೆ ಮತ್ತು ಪ್ರಮಾಣ ಬಹಳ ಕುಂಠಿತವಾಗಿದೆ. ಸಾಂಕ್ರಾಮಿಕ ರೋಗದಿಂದ ಉಂಟಾದ ಬೇಡಿಕೆಯ ಆಘಾತವು 2021ರ ಹಣಕಾಸು ವರ್ಷದಲ್ಲಿ ಬದಲಾಗುವುದಿಲ್ಲ ಎಂದಿದೆ.

ಇದನ್ನೂ ಓದಿ: ಮಹಾರಾಷ್ಟ್ರದಲ್ಲಿ 498 ಕೋಟಿ ರೂ. ಮೌಲ್ಯದ ತೆರಿಗೆ ವಂಚನೆ ಪತ್ತೆಹಚ್ಚಿದ ಜಿಎಸ್​ಟಿ ಗುಪ್ತದಳ

ನವೆಂಬರ್‌ನಲ್ಲಿ ನಡೆದ 16 ಇ-2 ಡಬ್ಲ್ಯೂ ಮಾರಾಟಗಾರರ ರಾಷ್ಟ್ರವ್ಯಾಪಿ ಸಮೀಕ್ಷೆ ಉಲ್ಲೇಖಿಸಿದ ಇಕ್ರಾ, ಕೇಂದ್ರದ ಪ್ರಮುಖ ಯೋಜನೆಯಾದ ಹೈಬ್ರಿಡ್ ಮತ್ತು ಎಲೆಕ್ಟ್ರಿಕ್ ವಾಹನಗಳ ಎರಡನೇ ಹಂತದ ವೇಗ ಮತ್ತು ಉತ್ಪಾದನೆ (ಎಫ್‌ಎಎಂಇ -2) ಅಡಿಯಲ್ಲಿ ಸಬ್ಸಿಡಿ ಪಡೆಯಲು ಕಠಿಣ ಮಾನದಂಡಗಳನ್ನು ವಿಧಿಸಲಾಗುತ್ತಿದೆ. ಮುಖ್ಯವಾಗಿ ಕನಿಷ್ಠ ಸ್ಥಳೀಕರಣ ಮತ್ತು ಸಬ್ಸಿಡಿಗಾಗಿ ಸೀಸ-ಆಮ್ಲ ಆಧಾರಿತ ಇ -2 ಡಬ್ಲ್ಯೂ ಹೊರಗಿಟ್ಟಿದ್ದು ಎಂದು ಹೇಳಿದೆ.

ಗ್ರಾಹಕರ ಅರಿವಿನ ಕೊರತೆ (ಸರ್ಕಾರದ ಸಬ್ಸಿಡಿಗೆ ಸಂಬಂಧ), ಉತ್ಪನ್ನ ಜ್ಞಾನದ ಕೊರತೆಯಿಂದಾಗಿ ಕಡಿಮೆ ಆರ್ಡರ್​ ಮತ್ತು ಮಾರಾಟದ ನಂತರದ ಸೇವೆಯ ಕಾಳಜಿಗಳು ಯೋಜನೆಯ ಕಳಪೆ ಕಾರ್ಯಕ್ಷಮತೆಗೆ ಮತ್ತೊಂದು ಪ್ರಮುಖ ಕಾರಣಗಳಾಗಿವೆ ಎಂದು ಸೂಚಿಸಿದೆ.

ಎಲೆಕ್ಟ್ರಿಕ್ ವೆಹಿಕಲ್​ನತ್ತ (ಇವಿ) ತಳ್ಳುವ ಗುರಿ ಇರಿಸಿಕೊಂಡಿರುವ ಫೇನ್​-II, 2020ರ ಸೆಪ್ಟೆಂಬರ್ 30ರಂದು ತನ್ನ ಮೂರು ವರ್ಷಗಳ ಅಧಿಕಾರಾವಧಿಯ (2020-2022ರ ಹಣಕಾಸು ವರ್ಷಗಳು) ಅರ್ಧದಷ್ಟು ದಾಟಿದೆ. ಈ ಅವಧಿಯಲ್ಲಿ ತನ್ನ ಗುರಿಯ ಶೇ.2ರಷ್ಟು (10 ಲಕ್ಷ ಇ -2 ಡಬ್ಲ್ಯೂ ಸೇರಿ) ಮಾತ್ರವೇ ಸಾಧಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಇಕ್ರಾ ಹೇಳಿದೆ.