ಮುಂಬೈ: ಏಷ್ಯಾ ಹಾಗೂ ವಿಶ್ವ ಮಾರುಕಟ್ಟೆಯಲ್ಲಿ ಕಂಡು ಬಂದ ಸಕಾರಾತ್ಮಕ ಅಂಶಗಳಿಂದ ಇಂದು ಷೇರುಪೇಟೆ ಆರಂಭಿಕ ಭಾರಿ ಏರಿಕೆ ದಾಖಲಿಸಿದೆ. ಮುಂಬೈ ಷೇರು ಪೇಟೆ 350 ಅಂಕಗಳಷ್ಟು ಏರಿಕೆ ದಾಖಲಿಸುವ ಮೂಲಕ 48,429 ಅಂಕಗಳೊಂದಿಗೆ ವ್ಯವಹಾರ ನಿರತವಾಗಿತ್ತು.
ಇನ್ನು ನಿಫ್ಟಿ ಕೂಡಾ ಏರಿಕೆ ದಾಖಲಿಸಿ 14,237 ಅಂಕಗಳೊಂದಿಗೆ ವ್ಯವಹಾರ ಮುಂದುವರಿಸಿತ್ತು. ಇಂದು ಟಿಸಿಎಸ್ ಹಾಗೂ ಐದು ಐಟಿ ಕಂಪನಿಗಳು ಡಿಸೆಂಬರ್ ತಿಂಗಳ ತ್ರೈಮಾಸಿಕ ವರದಿ ಬಹಿರಂಗ ಪಡಿಸುವ ಹಿನ್ನೆಲೆಯಲ್ಲಿ ಈ ಉತ್ಸಾಹ ಕಂಡುಬಂದಿದೆ ಎನ್ನಲಾಗಿದೆ.
ಇನ್ನು ಅಮೆರಿಕದ ಡಾ. ಜೋನ್ಸ್ ಹಾಗೂ ಎಸ್ ಅಂಡ್ ಪಿ ಸುಮಾರು ಶೇ 1.48 ರಷ್ಟು ಏರಿಕೆ ದಾಖಲಿಸಿ ಹೂಡಿಕೆದಾರರಲ್ಲಿ ಮಂದಹಾಸ ಮೂಡುವಂತೆ ಮಾಡಿವೆ.
