ನೇಪಾಳ: ಭಾರತದ ನಕಲಿ ನೋಟು ಜಾಲ ವಿಸ್ತರಿಸುತ್ತಿದ್ದ ಕಿಂಗ್ ಪಿನ್ ಯುನೂಸ್ ಅನ್ಸಾರಿ ಹಾಗೂ ಪಾಕಿಸ್ತಾನ ಮೂಲದ ಮೂವರನ್ನು ಕಠ್ಮಂಡು ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ.
ಅನ್ಸಾರಿ ಜೊತೆ ಮೂವರು ಪಾಕಿಸ್ತಾನಿ ಹಾಗೂ ಇಬ್ಬರು ನೇಪಾಳಿ ಪ್ರಜೆಗಳನ್ನು ತ್ರಿಭುವನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಶಕ್ಕೆ ಪಡೆಯಲಾಗಿದೆ. ಅನ್ಸಾರಿಯಿಂದ ₹ 7 ಕೋಟಿ ರೂ ಭಾರತದ ನಕಲಿ ನೋಟುಗಳನ್ನು ಜಫ್ತಿ ಮಾಡಿಕೊಂಡಿರುವುದಾಗಿ ನೇಪಾಳದ ಅಧಿಕಾರಿಗಳು ತಿಳಿಸಿದ್ದಾರೆ.
ಬಂಧಿತ ಆರೋಪಿಗಳು ಕತಾರ್ನಿಂದ ನೇಪಾಳಕ್ಕೆ ಬಂದಿದ್ದರು. ಆದರೆ, ಅವರ ಪಾಸ್ಪೋರ್ಟ್ನಲ್ಲಿ ಪಾಕಿಸ್ತಾನದಿಂದ ಪ್ರಯಾಣ ಆರಂಭ ಎಂದು ನಮೂದಿಸಿದೆ ಎಂದು ಹೇಳಿದ್ದಾರೆ.
ಬಂಧಿತರಿಂದ ನಾಲ್ಕು ಸೂಟ್ಕೇಸ್ ವಶಪಡಿಸಿಕೊಂಡಿದ್ದು, ಅದರಲ್ಲಿ ಭಾರತದ ₹ 2000 ಮುಖಬೆಲೆಯ ₹ 7.67 ಲಕ್ಷ ಕೋಟಿ ನಕಲಿ ನೋಟುಗಳು ಇರುವುದಾಗಿ ವಿವರಿಸಿದ್ದಾರೆ.
ಸಾಹೆಲ್ ಖಾನ್ (ಯುನೂಸ್ ಸಂಬಂಧಿ) ಹಾಗೂ ಸುಜಾನಾ ರಾಣಾಭಟ್ (ಯುನೂಸ್ ಚಾಲಕ) ಸೇರಿದಂತೆ ಇಬ್ಬರು ಪೊಲೀಸರ ವಶದಲ್ಲಿದ್ದಾರೆ.ಕಾನೂನು ಬಾಹಿರ ನೋಟುಗಳ ದಂಧೆಗೆ ಸಂಬಂಧಿಸಿದಂತೆ ಕೆಲ ತಿಂಗಳಿಂದ ಅನ್ಸಾರಿ ಜೈಲಿನಿಂದ ಬಿಡುಗಡೆಯಾಗಿದ್ದ. ಈಗ ಮತ್ತೆ ಪೊಲೀಸರ ಅತಿಥಿಯಾಗಿದ್ದಾನೆ.
