ನವದೆಹಲಿ: ದೇಶದ ವ್ಯಾಪಾರ ಮತ್ತು ಸರುಕು ಸೇವೆಗಳ ರಫ್ತು-ಆಮದು ವಹಿವಾಟಿನ ಅಂಕಿ-ಅಂಶ ಕೈಗಾರಿಕಾ ಮತ್ತು ವಾಣಿಜ್ಯ ಇಲಾಖೆ ಬಿಡಗಡೆ ಮಾಡಿದ್ದು, ಪ್ರಸಕ್ತ ಸಾಲಿನ ಏಪ್ರಿಲ್-ಸೆಪ್ಟೆಂಬರ್ ಅವಧಿಯಲ್ಲಿ ರಫ್ತು ವಹಿವಾಟು ಶೇ.1.93 ರಷ್ಟು ಏರಿಕೆ ಕಂಡಿದೆ.
ಒಟ್ಟಾರೆ 267.21 ಬಿಲಿಯನ್ ಡಾಲರ್ ಮೌಲ್ಯದ ಸರಕುಗಳು ರಫ್ತಾಗಿವೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಪ್ರಮುಖ ಕ್ಷೇತ್ರಗಳಲ್ಲಿ ಮಾತ್ರ ರಫ್ತು ವಹಿವಾಟು ಹೆಚ್ಚಾಗಿರುವುದು ಈ ಪ್ರಗತಿಗೆ ಸಾಧ್ಯವಾಗಿದೆ.
ಆದರೆ, ಆಮದು ವಹಿವಾಟು ಮಾತ್ರ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಶೇ 3.15ರಷ್ಟು ಇಳಿಕೆ ಕಂಡಿದೆ. ಏಪ್ರಿಲ್-ಸೆಪ್ಟೆಂಬರ್ ಅವಧಿಯಲ್ಲಿ ಒಟ್ಟಾರೆ ಆಮದು 312.16 ಬಿಲಿಯನ್ ಡಾಲರ್ ಎಂದು ಅಂದಾಜಿಸಲಾಗಿದೆ. ಅಲ್ಲದೆ, 44.95 ಬಿಲಿಯನ್ ಡಾಲರ್ ವ್ಯಾಪಾರದ ಕೊರತೆ ಉಂಟಾಗಿದೆ ಎಂದು ಕೈಗಾರಿಕಾ ಮತ್ತು ವಾಣಿಜ್ಯ ಇಲಾಖೆ ತಿಳಿಸಿದೆ.
