ನವದೆಹಲಿ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಐಸಿಐಸಿಐ ಬ್ಯಾಂಕ್ ಮತ್ತು ಆಕ್ಸಿಸ್ ಬ್ಯಾಂಕ್ ಸೇರಿದಂತೆ ಒಂಭತ್ತು ಬ್ಯಾಂಕ್ಗಳ ರೇಟಿಂಗ್ ಪರಿಷ್ಕರಿಸಲಾಗಿದೆ ಎಂದು ರೇಟಿಂಗ್ ಏಜೆನ್ಸಿ ಫಿಚ್ ತಿಳಿಸಿದೆ.
ಕೊರೊನಾ ವೈರಸ್ ಸಾಂಕ್ರಾಮಿಕವು ದೇಶದ ಆರ್ಥಿಕತೆ ಮೇಲೆ ಈಗಾಗಲೇ ಗಂಭೀರ ಪರಿಣಾಮ ಬೀರಿದೆ. ದೇಶಾದ್ಯಂತ ದಿನದಿಂದ ದಿನಕ್ಕೆ ಪಾಸಿಟಿವ್ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಭಾರತದ ಸಾವರಿನ್ ರೇಟಿಂಗ್ ಕಡಿಮೆಗೊಳಿಸಿದ ಬಳಿಕ ರೇಟಿಂಗ್ ಏಜೆನ್ಸಿ ಫಿಚ್, ಭಾರತದ ಪ್ರಮುಖ ಬ್ಯಾಂಕ್ಗಳ ಬಗ್ಗೆ ನೆಗೆಟಿವ್ ಅಭಿಪ್ರಾಯ ನೀಡಿದೆ.
ರೇಟಿಂಗ್ ಏಜೆನ್ಸಿಯು ರಫ್ತು-ಆಮದು ಬ್ಯಾಂಕ್ ಆಫ್ ಇಂಡಿಯಾ (ಎಕ್ಸಿಮ್), ಎಸ್ಬಿಐ, ಬ್ಯಾಂಕ್ ಆಫ್ ಬರೋಡಾ, ಬ್ಯಾಂಕ್ ಆಫ್ ಬರೋಡಾ (ನ್ಯೂಜಿಲೆಂಡ್), ಬ್ಯಾಂಕ್ ಆಫ್ ಇಂಡಿಯಾ, ಕೆನರಾ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಆಕ್ಸಿಸ್ ಬ್ಯಾಂಕ್ಗಳ ರೇಟಿಂಗ್ ಪರಿಷ್ಕರಿಸಿದೆ.
ಐಡಿಬಿಐ ಬ್ಯಾಂಕ್ ಲಿಮಿಟೆಡ್ (ಐಡಿಬಿಐ) ರೇಟಿಂಗ್ ದೃಢಪಡಿಸಿದ್ದರೂ ದೃಷ್ಟಿಕೋನವನ್ನು ನೆಗೆಟಿವ್ನಲ್ಲಿ ಇರಿಸಿದೆ.
ಭಾರತದ ಆರ್ಥಿಕತೆಯ ಮೇಲೆ ಹೆಚ್ಚುತ್ತಿರುವ ಕೊರೊನಾ ವೈರಸ್ ಸಾಂಕ್ರಾಮಿಕದ ಪ್ರಭಾವದಿಂದಾಗಿ 2020ರ ಜೂನ್ 18ರಂದು ದೇಶದ 'ಬಿಬಿಬಿ-' ರೇಟಿಂಗ್ಅನ್ನು ಸ್ಥಿರದಿಂದ ಋಣಾತ್ಮಕವಾಗಿ ಪರಿಷ್ಕರಿಸಿತ್ತು. ಇತ್ತೀಚೆಗೆ ಆರ್ಬಿಐ ಬಡ್ಡಿ ದರಗಳನ್ನು ಕಡಿತಗೊಳಿಸಿ, ಎಲ್ಲಾ ಬ್ಯಾಂಕ್ಗಳಿಗೆ ಅದನ್ನು ಅಳವಡಿಸಿಕೊಳ್ಳುವಂತೆ ಸೂಚಿಸಿತ್ತು. ಬಹುತೇಕ ಬ್ಯಾಂಕ್ಗಳು ಕೇಂದ್ರೀಯ ಬ್ಯಾಂಕ್ ಅನ್ವಯ ಬಡ್ಡಿ ದರ ಪರಿಷ್ಕರಣೆ ಮಾಡಿದ್ದವು.
