ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದ ಅಂತ್ಯದ ವೇಳೆಗೆ ಡಿಸ್ಕಾಮ್ಗಳ (ಸರ್ಕಾರಿ ಸ್ವಾಮ್ಯದ ವಿದ್ಯುತ್ ವಿತರಣಾ ಕಂಪನಿಗಳ) ಸಾಲ ಸಾರ್ವಕಾಲಿಕ ಗರಿಷ್ಠ 4.5 ಲಕ್ಷ ಕೋಟಿ ರೂ.ಗೆ ತಲುಪಲಿದೆ ಎಂದು ಕ್ರಿಸಿಲ್ ರೇಟಿಂಗ್ಸ್ ತಿಳಿಸಿದೆ.
ಕಳೆದ ತಿಂಗಳು ಸರ್ಕಾರ ಘೋಷಿಸಿದ 90,000 ಕೋಟಿ ರೂ. ದ್ರವ್ಯತೆ ಪ್ಯಾಕೇಜ್ ಕಂಪನಿಗಳಿಗೆ ತಾತ್ಕಾಲಿಕ ರಿಲೀಫ್ ನೀಡುತ್ತದೆ. ಆದರೆ, ಡಿಸ್ಕಾಮ್ಗಳ ಸುಸ್ಥಿರತೆಗೆ ರಚನಾತ್ಮಕ ಸುಧಾರಣೆಗಳು ನಿರ್ಣಾಯಕವಗಲಿವೆ ಎಂದು ರೇಟಿಂಗ್ ಏಜೆನ್ಸಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಕೋವಿಡ್-19 ಸಾಂಕ್ರಾಮಿಕದ ಮಧ್ಯೆ ವಿದ್ಯುತ್ ಬೇಡಿಕೆ ದುರ್ಬಲವಾಗಿ ನಗದು ನಷ್ಟ ಹೆಚ್ಚಾಗಿದೆ. ಡಿಸ್ಕಾಮ್ಗಳ ಸಾಲದ ಪ್ರಮಾಣ 2020-21ರ ಅಂತ್ಯದ ವೇಳೆಗೆ 4.5 ಲಕ್ಷ ಕೋಟಿ ರೂ. ಅಥವಾ ಕಳೆದ ಹಣಕಾಸು ವರ್ಷಕ್ಕಿಂತ ಶೇ 30ರಷ್ಟು ಹೆಚ್ಚಾಗಲಿದೆ ಎಂದು ಹೇಳಿದೆ.
ಸಾಲದ ಏರಿಕೆಯು ಡಿಸ್ಕಾಮ್ಗಳ ಕ್ರೆಡಿಟ್ ಪ್ರೊಫೈಲ್‌ ಹದಗೆಡಿಸುತ್ತದೆ. ಅವುಗಳ ಸುಸ್ಥಿರತೆಗೆ ರಚನಾತ್ಮಕ ಸುಧಾರಣೆಗಳನ್ನು ನಿರ್ಣಾಯಕವಾಗಿಸಲಿವೆ. 15 ರಾಜ್ಯಗಳಿಂದ 34 ರಾಜ್ಯ ಡಿಸ್ಕೋಮ್‌ಗಳು ಭಾರತದ ವಿದ್ಯುತ್ ಬೇಡಿಕೆಯ ಶೇ 80ಕ್ಕಿಂತಲೂ ಹೆಚ್ಚಿನದನ್ನು ಪೂರೈಸುತ್ತವೆ ಎಂದು ಕ್ರೈಸಿಲ್ ಹೇಳಿದೆ.
