ನವದೆಹಲಿ: ಲೆಕ್ಕಪರಿಶೋಧನೆ ದುಷ್ಕೃತ್ಯಗಳನ್ನು ತಡೆಯು ಉದ್ದೇಶದಿಂದ ಪ್ರತಿಯೊಂದು ವ್ಯವಹಾರದ ಸಂಪೂರ್ಣ ಲೆಕ್ಕಪರಿಶೋಧಕ ಮಾರ್ಗ ರಕ್ಷಿಸಲು ಸಾಫ್ಟ್‌ವೇರ್ ಪ್ರೋಗ್ರಾಂ ಬಳಸುವ ಎಲ್ಲ ಕಂಪನಿಗಳಿಗೆ ತಮ್ಮ ಖಾತೆಗಳ ಪುಸ್ತಕಗಳನ್ನು ನಿರ್ವಹಿಸಲು ಕಾರ್ಪೊರೇಟ್ ವ್ಯವಹಾರಗಳ ಸಚಿವಾಲಯ ಕಡ್ಡಾಯಗೊಳಿಸಿದೆ. ಪ್ರೋಗ್ರಾಮಿಂಗ್ ವೈಶಿಷ್ಟ್ಯವು ಆಡಿಟ್ ನಮೂದಿನಲ್ಲಿ ಮಾಡಿದ ಪ್ರತಿಯೊಂದು ಬದಲಾವಣೆಯನ್ನು ಸಮಯದೊಂದಿಗೆ ದಾಖಲಿಸಬೇಕು ಮತ್ತು ಆಡಿಟ್ ದಾಖಲು ನಿಷ್ಕ್ರಿಯಗೊಳಿಸಲು ಯಾವುದೇ ಅವಕಾಶ ಇರಕೂಡದು ಎಂದು ಸರ್ಕಾರ ಹೇಳಿದೆ.
ಖಾತೆಗಳ ಪುಸ್ತಕಗಳ ಕುಶಲತೆ (ಮ್ಯಾನಿಪುಲೇಷನ್) ತಡೆಯುವ ಉದ್ದೇಶ ಹೊಂದಿದೆ. ಇದರಲ್ಲಿ ವಹಿವಾಟು ಹೆಚ್ಚಿಸುವ ಅಥವಾ ನಕಲಿ ಜಿಎಸ್‌ಟಿ ಇನ್‌ವಾಯ್ಸ್‌ ಬಳಕೆ ಒಳಗೊಂಡಿರುತ್ತದೆ. ಮೋಸದಿಂದ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಹೇಳಿಕೊಳ್ಳುವ ಮೂಲಕ ತೆರಿಗೆ ವಂಚನೆ ಎಸಗಲಾಗುತ್ತದೆ.
ಬುಧವಾರ ಹೊರಡಿಸಲಾದ ಗೆಜೆಟ್ ಅಧಿಸೂಚನೆಯಲ್ಲಿ, ನಿಯಮ 3ರ ಉಪ-ನಿಯಮ (1)ರಲ್ಲಿ ನಿಬಂಧನೆ ಸೇರಿಸುವ ಮೂಲಕ, ಅಗತ್ಯ ನಿಬಂಧನೆ ಸೇರಿಸಲು ಸರ್ಕಾರವು 2014ರ ಕಂಪನಿಗಳ (ಖಾತೆಗಳು) ನಿಯಮಗಳಲ್ಲಿ ಬದಲಾವಣೆ ಮಾಡಿತು.
2021ರ ಏಪ್ರಿಲ್ 1ರಂದು ಅಥವಾ ಆ ನಂತರ ಪ್ರಾರಂಭವಾಗುವ ಹಣಕಾಸು ವರ್ಷದಲ್ಲಿ ತಮ್ಮ ಖಾತೆಯ ಪುಸ್ತಕಗಳನ್ನು ನಿರ್ವಹಿಸಲು ಅಕೌಂಟಿಂಗ್ ಸಾಫ್ಟ್‌ವೇರ್ ಬಳಸುವ ಪ್ರತಿಯೊಂದು ಕಂಪನಿಯು ಲೆಕ್ಕಪರಿಶೋಧಕ ಸಾಫ್ಟ್‌ವೇರ್ ಮಾತ್ರ ಬಳಸುತ್ತದೆ. ಅದು ಪ್ರತಿಯೊಂದರ ಲೆಕ್ಕಪರಿಶೋಧಕ ವಹಿವಾಟಿನ ಚಟುವಟಿಕೆ ದಾಖಲಿಸುವ ವೈಶಿಷ್ಟ್ಯ ಹೊಂದಿದೆ ಎಂದು ಸರ್ಕಾರ ಅಧಿಸೂಚನೆಯಲ್ಲಿ ತಿಳಿಸಿದೆ.
ಇದನ್ನೂ ಓದಿ: ಸುವರ್ಣ ಮಹೋತ್ಸವ ಸಂಭ್ರಮ: ಪ್ರಧಾನಿ ಮೋದಿ ಸ್ವಾಗತಿಸಲು ಬಾಂಗ್ಲಾ ಜನ ಸಜ್ಜು
ಸಾಫ್ಟ್‌ವೇರ್ ಪ್ರೋಗ್ರಾಂ ಖಾತೆಯ ಪುಸ್ತಕಗಳಲ್ಲಿ ಮಾಡಿದ ಪ್ರತಿಯೊಂದು ಬದಲಾವಣೆಯ ಸಂಪಾದನೆಯ ಲಾಗ್ ಅನ್ನು ರಚಿಸಬೇಕು. ಯಾವುದೇ ಬದಲಾವಣೆಗಳನ್ನು ಮಾಡಿದ ದಿನಾಂಕ ಮತ್ತು ಆಡಿಟ್ ಮಾರ್ಗ ನಿಷ್ಕ್ರಿಯಗೊಳಿಸಲಾಗುವುದಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು.
ಅದೇ ಅಧಿಸೂಚನೆಯೊಂದಿಗೆ, ಕಂಪನಿಗಳು 2016ರ ದಿವಾಳಿತನ ಸಂಹಿತೆಯಡಿ ಬಾಕಿ ಇರುವ ಯಾವುದೇ ಅರ್ಜಿ ಅಥವಾ ವಿಚಾರಣೆಯ ವಿವರಗಳನ್ನು ಕಂಪನಿಗಳಿಗೆ ಕಡ್ಡಾಯಗೊಳಿಸಿದೆ. ಕಂಪನಿಗಳು ಹಣಕಾಸಿನ ವರ್ಷದಲ್ಲಿ ಮಾಡಿದ ಯಾವುದೇ ಅರ್ಜಿಯ ವಿವರ ಮತ್ತು ಹಣಕಾಸಿನ ವರ್ಷದ ಕೊನೆಯಲ್ಲಿ ಅಂತಹ ಅರ್ಜಿಯ ಸ್ಥಿತಿ ಎರಡನ್ನೂ ಒದಗಿಸಬೇಕಾಗುತ್ತದೆ.
