ನವದೆಹಲಿ: ಎಂಎಸ್ಎಂಇ ರಫ್ತು ಉತ್ತೇಜನ ಮಂಡಳಿ ಜತೆ ಯಾವುದೇ ವಿಧದ ಸಂಬಂಧವಿಲ್ಲ ಮತ್ತು ಈ ಮಂಡಳಿಗೆ ಸಂಬಂಧಪಟ್ಟ ಯಾವುದೇ ಹುದ್ದೆಯ ನೇಮಕಾತಿಗೆ ಅಧಿಕಾರ ನೀಡಿಲ್ಲ ಎಂದು ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳ ಸಚಿವಾಲಯ (ಎಂಎಸ್ಎಂಇ) ಸ್ಪಷ್ಟಪಡಿಸಿದೆ.
ಎಂಎಸ್ಎಂಇ ರಫ್ತು ಉತ್ತೇಜನ ಮಂಡಳಿಯು 'ನಿರ್ದೇಶಕ' ಹುದ್ದೆಗೆ ನೇಮಕಾತಿ ಪತ್ರ ನೀಡುವ ಬಗ್ಗೆ ಮಾಧ್ಯಮ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಸಂದೇಶಗಳು ಹರಿದಾಡುತ್ತಿರುವುದು ಗಮನಕ್ಕೆ ಬಂದಿದೆ. ಈ ಸಂಸ್ಥೆ ಎಂಎಸ್ಎಂಇ ಸಚಿವಾಲಯದ ಹೆಸರನ್ನು ಬಳಸುತ್ತಿರುವುದು ಕಂಡುಬರುತ್ತದೆ ಎಂದು ಎಂಎಸ್ಎಂಇ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.
ಎಂಎಸ್ಎಂಇ ಸಚಿವಾಲಯ, ಕೇಂದ್ರ ಸರ್ಕಾರವು ಎಂಎಸ್ಎಂಇ ರಫ್ತು ಉತ್ತೇಜನ ಮಂಡಳಿಯೊಂದಿಗೆ ಯಾವುದೇ ರೀತಿಯ ಸಂಬಂಧ ಹೊಂದಿಲ್ಲ ಎಂದು ಈ ಮೂಲಕ ಸ್ಪಷ್ಟಪಡಿಸಲಾಗಿದೆ. ಈ ಮಂಡಳಿ ಸಂಬಂಧಿಸಿದ ಯಾವುದೇ ಹುದ್ದೆಗೆ, ಯಾವುದೇ ವಿಧದ ಪೋಸ್ಟ್ ಅಥವಾ ನೇಮಕಾತಿಯನ್ನು ಎಂಎಸ್ಎಂಇ ಸಚಿವಾಲಯವು ಅಧಿಕೃತಗೊಳಿಸಿಲ್ಲ. ಸಾರ್ವಜನಿಕ ಅಂತಹ ಸಂದೇಶಗಳಿಗೆ ಅಥವಾ ಅಂತಹ ಅಂಶಗಳಿಗೆ ಕಿಗೊಡದಂತೆ ಈ ಮೂಲಕ ತಿಳಿಸುತ್ತೇವೆ ಎಂದು ಹೇಳಿದೆ.
