ನವದೆಹಲಿ: ಪ್ರಸಕ್ತ 2020 - 21ರ (2019-20ರ ಆರ್ಥಿಕ ವರ್ಷ) ಡಿಸೆಂಬರ್ 21ರವರೆಗೆ 3.75 ಕೋಟಿ ತೆರಿಗೆದಾರರು ತಮ್ಮ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಿದ್ದಾರೆ ಎಂದು ಆದಾಯ ತೆರಿಗೆ ಇಲಾಖೆ ತಿಳಿಸಿದೆ.
3.75 ಕೋಟಿ ತೆರಿಗೆದಾರರು ಈಗಾಗಲೇ 2020-21ರ ಹಣಕಾಸು ವರ್ಷದ ಆದಾಯ ತೆರಿಗೆ ರಿಟರ್ನ್ಸ್ ಅನ್ನು ಡಿಸೆಂಬರ್ 21ರವರೆಗೆ ಸಲ್ಲಿಸಿದ್ದಾರೆ ಎಂದು ನಿಮಗೆ ತಿಳಿದಿದೆಯೇ? ನೀವು ಸಲ್ಲಿಸಿದ್ದೀರಾ? ಇಲ್ಲದಿದ್ದರೆ ಈಗ ಫೈಲ್ ಮಾಡಿ! ಎಂದು ಆದಾಯ ತೆರಿಗೆ ಇಲಾಖೆ ಟ್ವೀಟ್ ಮಾಡಿದೆ.
ಕೃಷಿ ಒಪ್ಪಂದ ನಮ್ಮ ಸಮಸ್ಯೆಗಳಿಗೆ ಫುಲ್ಸ್ಟಾಪ್ ಹಾಕಬಹುದು: ಬಾಂಗ್ಲಾಗೆ ಭಾರತ ಆಹ್ವಾನ
2.17 ಕೋಟಿ ತೆರಿಗೆ ಪಾವತಿದಾರರು ಐಟಿಆರ್-1, 79.82 ಲಕ್ಷ ತೆರಿಗೆದಾರರು ಫೈಲಿಂಗ್ ಐಟಿಆರ್ - 4, 43.18 ಲಕ್ಷ ಟ್ಯಾಕ್ಸ್ಪೇಯರ್ ಐಟಿಆರ್ -3 ಮತ್ತು 26.56 ಲಕ್ಷ ತೆರಿಗೆದಾರರು ಐಟಿಆರ್ -2 ಸಲ್ಲಿಕೆ ಮಾಡಿದ್ದಾರೆ.
2019-20ರ ಹಣಕಾಸು ವರ್ಷದ (ಮೌಲ್ಯಮಾಪನ ವರ್ಷ 2020-21) ವೈಯಕ್ತಿಕ ತೆರಿಗೆದಾರರು ಐ-ಟಿ ರಿಟರ್ನ್ಸ್ ಸಲ್ಲಿಸುವ ಗಡುವು 2020ರ ಡಿಸೆಂಬರ್ 31ಕ್ಕೆ ಕೊನೆಗೊಳ್ಳುತ್ತದೆ. ಆದರೆ, ಲೆಕ್ಕಪರಿಶೋಧನೆಗೆ ಅಗತ್ಯವಿರುವ ತೆರಿಗೆದಾರರಿಗೆ 2021 ಜನವರಿ 31ರ ತನಕ ನೀಡಲಾಗಿದೆ.
ಕೋವಿಡ್ ಸಾಂಕ್ರಾಮಿಕ ದೃಷ್ಟಿಯಿಂದ ನಿಗದಿತ ದಿನಾಂಕವನ್ನು ಕ್ರಮವಾಗಿ 2020ರ ಜುಲೈ 31 ಮತ್ತು ಅಕ್ಟೋಬರ್ 31ಕ್ಕೆ ವಿಸ್ತರಿಸಲಾಗಿದೆ. 2018-19ರ ಹಣಕಾಸು ವರ್ಷಕ್ಕೆ (ಮೌಲ್ಯಮಾಪನ ವರ್ಷ 2019-20) ತಡವಾಗಿ ಶುಲ್ಕ ಪಾವತಿಸದೆ ಐಟಿಆರ್ ಸಲ್ಲಿಸಲು ಗಡುವು ಮುಗಿದ ನಂತರವೂ ತೆರಿಗೆದಾರರು 5.65 ಕೋಟಿಗೂ ಹೆಚ್ಚು ರಿಟರ್ನ್ಸ್ ಸಲ್ಲಿಸಿದ್ದಾರೆ. ಕಳೆದ ವರ್ಷ ಗಡುವನ್ನು ಆಗಸ್ಟ್ 31ರವರೆಗೆ ವಿಸ್ತರಿಸಲಾಗಿತ್ತು.
