ನವದೆಹಲಿ: 40 ಕೋಟಿ ಭಾರತೀಯ ಬಳಕೆದಾರರನ್ನು ಹೊಂದಿರುವ ಫೇಸ್ಬುಕ್ ಒಡೆತನದ ವಾಟ್ಸ್ಆ್ಯಪ್ ಬಿಜೆಪಿ ಪಕ್ಷದ ಹಿಡಿತದಲ್ಲಿದೆ ಎಂದು ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಟ್ವಿಟರ್ನಲ್ಲಿ ಆರೋಪಿಸಿದ್ದಾರೆ.
ಇದಕ್ಕು ಮೊದಲು ಮತದಾರರ ಮೇಲೆ ಪ್ರಭಾವ ಬೀರುವುದಕ್ಕಾಗಿ ಸಾಮಾಜಿಕ ಜಾಲತಾಣಗಳ ವೇದಿಕೆಯ ಮೂಲಕ ಸುಳ್ಳು ಸುದ್ದಿ, ದ್ವೇಷವನ್ನು ಹರಡಲಾಗುತ್ತಿದೆ. ಬಿಜೆಪಿ ಮತ್ತು ಆರ್ಎಸ್ಎಸ್ ಫೇಸ್ಬುಕ್ ಹಾಗೂ ವಾಟ್ಸ್ಆ್ಯಪ್ ತನ್ನ ಹಿಡಿತದಲ್ಲಿ ಇರಿಸಿಕೊಂಡಿವೆ ಎಂದು ಗಂಭೀರ ಆರೋಪ ಮಾಡಿದ್ದರು.
ಟೈಮ್ ನಿಯತಕಾಲಿಕೆಯ ವರದಿ ಟ್ಯಾಗ್ ಮಾಡಿದ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಅವರು ಟ್ವಿಟರ್ನಲ್ಲಿ 'ವಾಟ್ಸ್ಆ್ಯಪ್-ಬಿಜೆಪಿ ನೆಕ್ಸಸ್' (ವಾಟ್ಸ್ಆ್ಯಪ್-ಬಿಜೆಪಿ ಸಂಬಂಧಿ) ಎಂದು ಬರೆದುಕೊಂಡಿದ್ದಾರೆ.
40 ಕೋಟಿ ಭಾರತೀಯ ಬಳಸುತ್ತಾರೆ, ವಾಟ್ಸ್ಆ್ಯಪ್ ಸಹ ಮೋದಿ ಸರ್ಕಾರದ ಅನುಮೋದನೆ ಅಗತ್ಯವಿರುವ ಪಾವತಿಗಳನ್ನು ಮಾಡಲು ಬಯಸಿದೆ. ಹೀಗಾಗಿ, ಬಿಜೆಪಿಗೆ ವಾಟ್ಸ್ಆ್ಯಪ್ ಮೇಲೆ ಹಿಡಿತವಿದೆ ಎಂದು ಆರೋಪಿಸಿ ಬರೆದುಕೊಂಡಿದ್ದಾರೆ.
