IRCTC Magical Madhya Pradesh Package: ಮಧ್ಯಪ್ರದೇಶ ದೇಶದ ಅತ್ಯುತ್ತಮ ಪ್ರವಾಸಿ ರಾಜ್ಯಗಳಲ್ಲಿ ಒಂದು. ಇಲ್ಲಿ ವೀಕ್ಷಿಸಲು ಅನೇಕ ಆಧ್ಯಾತ್ಮಿಕ, ಐತಿಹಾಸಿಕ, ವಿಶ್ವ ಪರಂಪರೆಯ ತಾಣಗಳು, ನೈಸರ್ಗಿಕ ಸೌಂದರ್ಯ ತಾಣ ಮತ್ತು ವನ್ಯಜೀವಿ ಅಭಯಾರಣ್ಯಗಳಿವೆ. ಭಾರತೀಯ ರೈಲ್ವೆ ಕ್ಯಾಟರಿಂಗ್ ಮತ್ತು ಪ್ರವಾಸೋದ್ಯಮ ನಿಗಮವು ಈ ಕೆಲವು ಸ್ಥಳಗಳನ್ನು ವೀಕ್ಷಿಸಲು ಟೂರ್ ಪ್ಯಾಕೇಜ್ ಘೋಷಿಸಿದೆ. ಮತ್ತು ಈ ಪ್ಯಾಕೇಜ್ ಯಾವಾಗ ಪ್ರಾರಂಭವಾಗುತ್ತದೆ? ಟೂರ್ ಪ್ಯಾಕೇಜ್ನ ಬೆಲೆ ಎಷ್ಟು? ಯಾವ ಸ್ಥಳಗಳನ್ನು ನೋಡಬಹುದು ಎಂಬುದರ ವಿವರಗಳು ಹೀಗಿವೆ.
ಪ್ಯಾಕೇಜ್ನ ಒಟ್ಟು ಅವಧಿ 5 ರಾತ್ರಿ ಮತ್ತು 6 ದಿನ. ಹೈದರಾಬಾದ್‌ನಿಂದ ರೈಲು ಪ್ರಯಾಣದ ಮೂಲಕ ನೀವು ಮಧ್ಯಪ್ರದೇಶದ ಸುತ್ತಲೂ ಪ್ರಯಾಣಿಸಬಹುದು. ಭೋಪಾಲ್, ಜಬಲ್ಪುರ್, ಪಚ್ಮರ್ಹಿ ಮುಂತಾದ ಸ್ಥಳಗಳಿಗೆ ಭೇಟಿ ನೀಡಬಹುದು.
ಹೀಗಿರುತ್ತೆ ಟೂರ್:
- ಸಂಪರ್ಕ ಕ್ರಾಂತಿ ರೈಲು ಹೈದರಾಬಾದ್‌ನ ಕಾಚಿಗುಡ ರೈಲು ನಿಲ್ದಾಣದಿಂದ ಮೊದಲ ದಿನ ಸಂಜೆ 4.40ಕ್ಕೆ ಹೊರಡಲಿದೆ. ಇಡೀ ರಾತ್ರಿ ಪ್ರಯಾಣ ಇರುತ್ತದೆ.
- ಎರಡನೇ ದಿನ ಬೆಳಗ್ಗೆ 8 ಗಂಟೆಗೆ ರೈಲು ಭೋಪಾಲ್ ತಲುಪುಲಿದೆ. ನಿಮ್ಮನ್ನು ಅಲ್ಲಿಂದ ಮೊದಲೇ ಬುಕ್ ಮಾಡಿದ ಹೋಟೆಲ್‌ಗೆ ಕರೆದೊಯ್ಯುತ್ತಾರೆ. ಅಲ್ಲಿ ಫ್ರೆಶ್ ಆದ ನಂತರ ಸಾಂಚಿಗೆ ತೆರಳುವುದು. ಸಾಂಚಿ ಸ್ತೂಪಕ್ಕೆ ಭೇಟಿ.
- ನಂತರ ಭೋಜೇಶ್ವರ ಮಹಾದೇವ ದೇವಸ್ಥಾನಕ್ಕೆ ಭೇಟಿ. ಭೋಪಾಲ್ಗೆ ಹಿಂತಿರುಗಿ ಸಂಜೆ ಬುಡಕಟ್ಟು ವಸ್ತು ಸಂಗ್ರಹಾಲಯಕ್ಕೆ ಭೇಟಿ. ಅಂದು ರಾತ್ರಿ ಭೋಪಾಲ್ನಲ್ಲಿ ತಂಗುವುದು.
- ಮೂರನೇ ದಿನ, ಹೋಟೆಲ್ನಲ್ಲಿ ಉಪಹಾರದ ನಂತರ, ಪಚ್ಮರ್ಹಿಗೆ ಹೊರಡಬೇಕಾಗುತ್ತದೆ. ಅಲ್ಲಿಯ ಹೋಟೆಲ್ನಲ್ಲಿ ಚೆಕ್ ಔಟ್ ಆದ ನಂತರ ಬಿಡುವಿನ ವೇಳೆಯಲ್ಲಿ ಅಲ್ಲಿನ ಸ್ಥಳಗಳನ್ನು ನೋಡಬಹುದು. ಅದರ ನಂತರ, ರಾತ್ರಿ ಹೋಟೆಲ್ನಲ್ಲಿ ತಂಗಬೇಕಾಗುತ್ತದೆ.
- ನಾಲ್ಕನೇ ದಿನ, ಉಪಹಾರದ ನಂತರ, ಪಂಚ ಪಾಂಡವ್ ಗುಹೆಗಳು ಮತ್ತು ಜಟಾ ಶಂಕರ್ ದೇವಾಲಯ ಭೇಟಿ. ಬಿ ಫಾಲ್ಸ್ ಮತ್ತು ಸನ್‌ಸೆಟ್ ಪಾಯಿಂಟ್‌ಗಳ ವೀಕ್ಷಣೆ. ಅದರ ನಂತರ ಹೋಟೆಲ್‌ಗೆ ಹಿಂತಿರುಗಿ ರಾತ್ರಿ ಅಲ್ಲಿಯೇ ತಂಗುವುದು.
- ಐದನೇ ದಿನದ ಉಪಹಾರದ ನಂತರ, ಜಬಲ್ಪುರಕ್ಕೆ ಹೊರಡುವುದು. ಹೋಟೆಲ್ ಚೆಕ್ ಔಟ್ ಆದ ನಂತರ ಮಧ್ಯಾಹ್ನ ಮಾರ್ಬಲ್ ರಾಕ್ಸ್ ಮತ್ತು ಧುಂಧರ್ ಜಲಪಾತಗಳಿಗೆ ಭೇಟಿ ನೀಡುವುದು.
- ಬಳಿಕ ಜಬಲ್‌ಪುರ ರೈಲು ನಿಲ್ದಾಣದಲ್ಲಿ ಬಿಡುತ್ತಾರೆ. ಅಲ್ಲಿಂದ ಸಿಕಂದರಾಬಾದ್‌ಗೆ ಹಿಂದಿರುಗುವ ಪ್ರಯಾಣ 2 ಗಂಟೆಗೆ ಪ್ರಾರಂಭವಾಗಲಿದೆ.
- ಆರನೇ ದಿನ ರಾತ್ರಿ 10 ಗಂಟೆಗೆ ಸಿಕಂದರಾಬಾದ್ ತಲುಪುವ ಮೂಲಕ ಪ್ರವಾಸ ಪೂರ್ಣಗೊಳ್ಳಲಿದೆ.
ಟೂರ್ ಖರ್ಚೆಷ್ಟು?:
- ಕಂಫರ್ಟ್ (3AC)ನಲ್ಲಿ ಟ್ವಿನ್ ಹಂಚಿಕೆಯ ಬೆಲೆ ₹23,940. ಟ್ರಿಪಲ್ ಹಂಚಿಕೆಗೆ ₹18,290 ನಿಗದಿಪಡಿಸಲಾಗಿದೆ.
- 5ರಿಂದ 11 ವರ್ಷ ವಯಸ್ಸಿನ ಮಕ್ಕಳಿಗೆ ಹಾಸಿಗೆ ಇದ್ದರೆ ₹13,430 ದರವಿದೆ.
ಪ್ಯಾಕೇಜ್ನಲ್ಲಿ ಇವೆಲ್ಲ ಒಳಗೊಂಡಿರುತ್ತೆ:
ರೈಲು ಟಿಕೆಟ್‌ಗಳು:
- ಪ್ಯಾಕೇಜ್ ಅವಲಂಬಿಸಿ ಸಾರಿಗೆ ವಾಹನ
- ಉಪಹಾರ ಸೇರಿದಂತೆ 3 ದಿನಗಳ ವಸತಿ
- ಪ್ರಯಾಣ ವಿಮೆ
- ಪ್ರಸ್ತುತ ಪ್ರವಾಸವು ಅಕ್ಟೋಬರ್ 4, 18, ನವೆಂಬರ್ 1, 15 ಮತ್ತು 29ರಂದು ಲಭ್ಯವಿದೆ.
- ಈ ಪ್ಯಾಕೇಜ್ನ ಸಂಪೂರ್ಣ ವಿವರಗಳಿಗಾಗಿ, ಪ್ಯಾಕೇಜ್ ಬುಕಿಂಗ್‌ಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ..
- ಹೆಚ್ಚಿನ ಮಾಹಿತಿಗಾಗಿ IRCTC ವೆಬ್ಸೈಟ್ ವೀಕ್ಷಿಸಿ: https://www.irctctourism.com/tourpackageBooking?packageCode=SHR100
