ನವದೆಹಲಿ: ಸಾಮಾಜಿಕ ಜಾಲತಾಣದ ಮೆಸೇಂಜರ್ ತಂತ್ರಾಂಶ ವಾಟ್ಸ್ಆ್ಯಪ್ ಸೇವೆಯು ಜಾರಿಗೆ ಬಂದು ಈ ವರ್ಷಕ್ಕೆ 10 ವರ್ಷ ಕಳೆಯಲಿದೆ. ಇದನ್ನೇ ನೆಪ ಮಾಡಿಕೊಂಡ ಹ್ಯಾಕಿಂಗ್ ವಂಚಕರು 1,000 ಜಿಬಿ ಉಚಿತ ಇಂಟರ್ನೆಟ್ ಆಮಿಷಯೊಡ್ಡುವ ಲಿಂಕ್ ಹರಿಬಿಟ್ಟಿದ್ದಾರೆ.
1,000 ಜಿಬಿ ಉಚಿತ ಇಂಟರ್ನೆಟ್ ಡೇಟಾ ಎಂಬ ವಾಟ್ಸ್ಆ್ಯಪ್ ಸಂದೇಶದ ಲಿಂಕ್ ಒಂದು ಸಾಕಷ್ಟು ವೈರಲ್ ಆಗುತ್ತಿದ್ದು, ಈ ಬಗ್ಗೆ ಬಳಕೆದಾರರು ಜಾಗರೂಕರಾಗಿರಬೇಕು ಎಂದು ಸೈಬರ್ ಭದ್ರತಾ ಸಂಸ್ಥೆ ಇಸೆಟ್ ಎಚ್ಚರಿಸಿದೆ.
ಪ್ರಸಿದ್ಧ ಬ್ರ್ಯಾಂಡ್ಗಳ ಹೆಸರಲ್ಲಿ ನಡೆಯುವ ಇಂತಹ ಉಚಿತ ಕೊಡುಗೆಗಳನ್ನು ವ್ಯವಸ್ಥಿತವಾಗಿ ಪ್ರಚಾರಪಡಿಸುತ್ತಾರೆ. ವಾಟ್ಸ್ಆ್ಯಪ್ಗಳಲ್ಲಿ ಹರಿದಾಡುತ್ತಿರುವ 1,000 ಜಿಬಿ ಡೇಟಾ ಯುಆರ್ಎಲ್ ಅಧಿಕೃತವಾಗಿಲ್ಲ ಎಂದು ಬ್ಲಾಗ್ ಸಂಶೋಧಕರು ಹೇಳಿದ್ದಾರೆ.
ಒಂದು ವೇಳೆ ಬಳಕೆದಾರ ಲಿಂಕ್ ಕ್ಲಿಕ್ ಮಾಡಿದರೆ ಸಮೀಕ್ಷೆಯ ರೂಪದಲ್ಲಿ ಹಲವು ಪ್ರಶ್ನೆಗಳನ್ನು ಕೇಳಲಾಗುತ್ತದೆ. ಉತ್ತರಿಸುತ್ತಾ ಹೋದಂತೆ ದೊಡ್ಡ ಮೊತ್ತದ ಬಹುಮಾನದ ಭಾಗವಾಗಿ ಇತರೆ 30 ಜನರಿಗೆ ಲಿಂಕ್ ಕಳುಹಿಸುವಂತೆ ಕೋರುತ್ತಾರೆ. ಇದು ವೈರಲ್ನ ವ್ಯಾಪ್ತಿ ವಿಸ್ತಾರ ಪಡೆದುಕೊಳ್ಳುತ್ತದೆ.
2017 ರಲ್ಲಿ ಇದೇ ರೀತಿಯ ವಾಟ್ಸ್ಆ್ಯಪ್ ಹಗರಣವೊಂದು ನಡೆದು, ಉಚಿತ ಇಂಟರ್ನೆಟ್ ಆಮಿಷಯೊಡ್ಡಲಾಯಿತು. ಈ ವೇಳೆ ಪ್ರೀಮಿಯಂ ಮತ್ತು ದುಬಾರಿ ಎಸ್‌ಎಂಎಸ್ ಸೇವೆಗಳಿಗೆ ಬಳಕೆದಾರರು ಒಳಗಾಗಿದ್ದರು. ಈ ರೀತಿ ಬಳಕೆದಾರರು ಆಯ್ಕೆ ಮಾಡಿಕೊಳ್ಳುವ ಮೂಲಕ ಫೋನ್‌ಗಳಲ್ಲಿ ತೃತೀಯ ಅಪ್ಲಿಕೇಷನ್ಗಳು ಸೇರಿಕೊಂಡವು.
2018ರಲ್ಲಿ, 'ಉಚಿತ ಅಡಿಡಸ್' ಬೂಟುಗಳು ಎಂಬ ವಂಚನೆಯ ಲಿಂಕ್ ಹರಿದಾಡಿತ್ತು ಎಂದು ಬ್ಲಾಗ್ ಸಂಶೋಧಕರು ತಿಳಿಸಿದ್ದಾರೆ.
