ನವದೆಹಲಿ: ಟೆಲಿಕಾಂ ಆಪರೇಟರ್ ವೊಡಾಫೋನ್- ಐಡಿಯಾ, 7,854 ಕೋಟಿ ರೂ. ಶಾಸನಬದ್ಧ ಬಾಕಿ ಮೊತ್ತದ ಪೈಕಿ 1,000 ಕೋಟಿ ರೂ.ಗಳನ್ನು ಸರ್ಕಾರಕ್ಕೆ ಪಾವತಿಸಿದೆ ಎಂದು ತಿಳಿಸಿದೆ.
ಹೊಂದಾಣಿಕೆಯ ಒಟ್ಟು ಆದಾಯ (ಎಜಿಆರ್) ಪಾವತಿಯ ಸಂಬಂಧ ಸುಪ್ರೀಂ ಕೋರ್ಟ್ನಲ್ಲಿ ವಿಚಾರಣೆ ನಡೆದಿತ್ತು. ಈ ಹಿಂದೆ ಕಂಪನಿಯು 6,854 ಕೋಟಿ ರೂ.ಗಳನ್ನು ಮೂರು ಕಂತುಗಳಲ್ಲಿ ಠೇವಣಿ ಇರಿಸಿತ್ತು ಎಂದು ವೊಡಾಫೋನ್- ಐಡಿಯಾ ನಿಯಂತ್ರಕ ಫೈಲಿಂಗ್ನಲ್ಲಿ ತಿಳಿಸಿದೆ.
ಕಂಪನಿಯು ನಿನ್ನೆ (ಜುಲೈ 17ರಂದು) ಎಜಿಆರ್ ಬಾಕಿಗಾಗಿ ಟೆಲಿಕಾಂ ಇಲಾಖೆಗೆ 1,000 ಕೋಟಿ ರೂ. ಪಾವತಿಸಿದೆ. ಕಂಪನಿಯು ಈ ಹಿಂದೆ 3 ಕಂತುಗಳಲ್ಲಿ 6,854 ಕೋಟಿ ರೂ.ಯೊಂದಿಗೆ ಒಟ್ಟಾರೆ 7,854 ಕೋಟಿ ರೂ. ಎಜಿಆರ್ ಬಾಕಿ ಪಾವತಿಸಿದೆ ಎಂದು ಹೇಳಿದೆ.
ಸರ್ಕಾರಕ್ಕೆ ಸಲ್ಲಿಸಬೇಕಿರುವ ಹೊಂದಾಣಿಕೆಯ ಒಟ್ಟು ಆದಾಯ (ಎಜಿಆರ್) ಸಂಬಂಧಿತ ಬಾಕಿ ಪಾವತಿಸುವ ಸಂಸ್ಥೆಗಳ ಸಾಮರ್ಥ್ಯ ಖಚಿತಪಡಿಸಿಕೊಳ್ಳಲು ಕಳೆದ 10 ವರ್ಷಗಳ ಹಣಕಾಸು ಸ್ಟೇಟ್ಮೆಂಟ್ ಮತ್ತು ಖಾತೆಗಳ ಮಾಹಿತಿ ನೀಡುವಂತೆ ಸುಪ್ರೀಂಕೋರ್ಟ್ ಜೂನ್ 18ರಂದು ಟೆಲಿಕಾಂ ಕಂಪನಿಗಳಿಗೆ ಸೂಚಿಸಿತ್ತು.
