ನವದೆಹಲಿ: ಅಂತಾರಾಷ್ಟ್ರೀಯ ರುಪೇ ಕಾರ್ಡ್ ಬಳಕೆದಾರರಿಗೆ ಪ್ರಸ್ತುತ 'ರುಪೇ ಟ್ರಾವಲ್ ಟೆಲಸ್'ನಡಿ ಜಾಗತಿಕ ಆಫರ್ ಒಂದನ್ನು ನೀಡಲಾಗಿದೆ ಎಂದು ನ್ಯಾಷನಲ್ ಪೇಮೆಂಟ್ ಕಾರ್ಪೆರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ) ತಿಳಿಸಿದೆ.
ಗ್ರಾಹಕರು ಇಂಟರ್ನ್ಯಾಷನಲ್ ರುಪೇ ಕಾರ್ಡ್ ಬಳಕೆಯ ಮೇಲೆ ಶೇ 40ರಷ್ಟು ಕ್ಯಾಶ್ ಬ್ಯಾಕ್ ಆಫರ್ ಪಡೆಯಬಹುದು. ಈ ಕೊಡುಗೆಯನ್ನು ಆಯ್ದೆ ರಾಷ್ಟ್ರಗಳಿಗೆ ಮಾತ್ರ ಅನ್ವಯವಾಗಲಿದೆ. ಯುಎಇ, ಸಿಂಗಾಪುರ, ಶ್ರೀಲಂಕಾ, ಅಮೆರಿಕ, ಸ್ಪೇನ್, ಸ್ವಿಟ್ಜರ್ಲ್ಯಾಂಡ್ ಮತ್ತು ಥೈಲ್ಯಾಂಡ್ ರಾಷ್ಟ್ರಗಳಲ್ಲಿನ ಪಾಯಿಂಟ್ ಆಫ್ ಸೇಲ್ (ಪಿಒಎಸ್) ವಹಿವಾಟುಗಳಿಗೆ ಅನ್ವಯಿಸಲಿದೆ.
ಗ್ರಾಹಕರು ಕನಿಷ್ಠ 1,000 ರೂ. ಆದರೂ ಪಾವತಿಸಬೇಕು. ಕ್ಯಾಶ್ ಬ್ಯಾಕ್ನ ಗರಿಷ್ಠ ಮೊತ್ತವು 4,000 ರೂ.ಯಿದ್ದು, ಒಂದು ತಿಂಗಳಲ್ಲಿ ನಾಲ್ಕು ಬಾರಿ ಕ್ಯಾಶ್ ಬ್ಯಾಕ್ ಪಡೆಯುವ ಅವಕಾಶವಿದೆ. ಒಟ್ಟಾರಿ ಮಾಸಿಕ 16,000 ರೂ.ವರೆಗೂ ಪಡೆಯಬಹುದು. ಹೆಚ್ಚು - ಹೆಚ್ಚು ಬಳಸಿದಂತೆ ಹೆಚ್ಚು ಕ್ಯಾಶ್ ಪಡೆಯುವ ಸುವರ್ಣಾವಕಾಶ ಇದೆ.
ರುಪೇ ಡಿಸ್ಕವರ್ ಫೈನಾನ್ಸಿಯಲ್ ಸರ್ವೀಸ್ (ಡಿಎಫ್ಎಸ್) ಹಾಗೂ ಜಪಾನ್ ಮೂಲದ ಜೆಸಿಬಿ ಇಂಟರ್ನ್ಯಾಷನಲ್ ಜೊತೆಗೂಡಿ 190 ರಾಷ್ಟ್ರಗಳಲ್ಲಿ ಕಾರ್ಡ್ ಪಾವತಿ ಸೇವೆಯನ್ನು ಕಲ್ಪಿಸುತ್ತಿವೆ. ಪ್ರಸ್ತುತ ಎಸ್ಬಿಐ, ಎಚ್ಡಿಎಫ್ಸಿ, ಆ್ಯಕ್ಸಸ್ ಬ್ಯಾಂಕ್ ಸೇರಿ ಒಟ್ಟು 1,100 ಬ್ಯಾಂಕ್ಗಳಿಗೆ ಕಾರ್ಡಿಂಗ್ ಸೇವೆ ನೀಡುತ್ತಿವೆ.
