ನವದೆಹಲಿ: ದೇಶದ ಅತಿದೊಡ್ಡ ಕಂಪನಿಯಾದ ಟಾಟಾ ಸನ್ಸ್, ಈ ಹಿಂದೆ ವಜಾಗೊಂಡಿದ್ದ ಕಾರ್ಯಕಾರಿ ಅಧ್ಯಕ್ಷ ಸೈರಸ್ ಮಿಸ್ತ್ರಿ ಅವರನ್ನು ಅದೇ ಹುದ್ದೆಗೆ ಮರು ನೇಮಕ ಮಾಡಿಕೊಳ್ಳುವಂತೆ ಎನ್ಸಿಎಲ್ಎಟಿ ತೀರ್ಪು ಪ್ರಶ್ನಿಸಿ, ಟಾಟಾ ಸನ್ಸ್ ಸುಪ್ರೀಂಕೋರ್ಟ್ ಮೊರೆ ಹೊಗಿದೆ.
ರಾಷ್ಟ್ರೀಯ ಕಂಪನಿ ಕಾನೂನುಗಳ ಮೇಲ್ಮನವಿ ನ್ಯಾಯಾಧಿಕರಣದ (ಎನ್ಸಿಎಲ್ಎಟಿ), ಡಿಸೆಂಬರ್ 18ರಂದು ಸೈರಸ್ ಮಿಸ್ತ್ರಿ ಅವರನ್ನು ಗುಂಪಿನ ಕಾರ್ಯನಿರ್ವಾಹಕ ಅಧ್ಯಕ್ಷರನ್ನಾಗಿ ನೇಮಕ ಮಾಡಿಕೊಳ್ಳುವಂತೆ ಟಾಟಾ ಸನ್ಸ್ಗೆ ಆದೇಶ ನೀಡಿತ್ತು. ಜೊತೆಗೆ ಟಾಟಾ ಗ್ರೂಪ್ ವಜಾ ನಡೆಯನ್ನು 'ಕಾನೂನುಬಾಹಿರ' ಎಂದು ಹೇಳಿತ್ತು.
'ನಾವು ಎನ್ಸಿಎಲ್ಎಟಿ ನಿರ್ಧಾರಕ್ಕೆ ಆಕ್ಷೇಪ ವ್ಯಕ್ತಪಡಿಸಿ ಸುಪ್ರೀಂಕೋರ್ಟ್ನಲ್ಲಿ ಪ್ರಶ್ನಿಸಿದ್ದೇವೆ' ಎಂದು ಟಾಟಾ ಸನ್ಸ್ ಪರ ವಕೀಲರು ತಿಳಿಸಿದ್ದಾರೆ.
2012ರಲ್ಲಿ ಟಾಟಾ ಕುಟುಂಬಸ್ಥರು ಹೊರತುಪಡಿಸಿ ಮೊದಲ ಬಾರಿಗೆ ಸೈರಸ್ ಮಿಸ್ತ್ರಿ ಅವರು, ಟಾಟಾ ಸಮೂಹದ ಅತ್ಯುನ್ನತ ಹುದ್ದೆಗೆ ನೇಮಕ ಮಾಡಲಾಯಿತು. 2016ರ ಅಕ್ಟೋಬರ್ ತಿಂಗಳಲ್ಲಿ ಅವರನ್ನು ಆ ಹುದ್ದೆಯಿಂದ ವಜಾಗೊಳಿಸಲಾಗಿತ್ತು. ಇದನ್ನು ಪ್ರಶ್ನಿಸಿ ಅವರು ಎನ್ಸಿಎಲ್ಎಟಿ ಮೊರೆ ಹೋಗಿದ್ದರು.
