ನವದೆಹಲಿ: ಮಂದಗತಿಯ ಜಾಗತಿಕ ಆರ್ಥಿಕತೆ ಹಾಗೂ ಚೀನಾ- ಅಮೆರಿಕ ನಡುವಿನ ವಾಣಿಜ್ಯ ಸಮರದಿಂದಾಗಿ ಸೋಮವಾರದ ಪೇಟೆಯಲ್ಲಿ ವಿಶ್ವದ ಅಗ್ರ 500 ಶ್ರೀಮಂತರ ಕಂಪನಿಗಳು ಋಣಾತ್ಮಕ ನಡೆ ಪ್ರದರ್ಶಿಸಿವೆ.
ಅಮೇಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್, ಫ್ರಾನ್ಸ್‌ನ ಎಲ್ವಿಎಂಎಚ್ ಸಿಇಒ ಬರ್ನಾರ್ಡ್ ಅರ್ನಾಲ್ಟ್, ಫೇಸ್‌ಬುಕ್ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಅವರ ಕಂಪನಿಗಳ ಷೇರುಗಳ ಮೌಲ್ಯದಲ್ಲಿ ಕುಸಿತ ದಾಖಲಿಸಿದ್ದರೇ ಭಾರ್ತಿ ಏರ್ಟೆಲ್ ಮುಖ್ಯಸ್ಥ ಸುನೀಲ್ ಮಿತ್ತಲ್ ಅವರ ಕಂಪನಿಯ ಷೇರು ಗ್ರೀನ್ ಮಾರ್ಕ್ನಲ್ಲಿ ಮುಂದುವರಿದಿದೆ.
ಭಾರತದ ಫವರ್ಫುಲ್ ವ್ಯಕ್ತಿಗಳ ಸಾಲಿನಲ್ಲಿ ಸುನೀಲ್ ಮಿತ್ತಲ್ ಅವರು 20ನೇ ಸ್ಥಾನದಲ್ಲಿದ್ದಾರೆ. ಸುನೀಲ್ ಅವರು ₹ 3,630 ಕೋಟಿಯಷ್ಟು ಸಂಪತ್ತು ಹೊಂದಿದ್ದು, ಅವರ ಮಾಲೀಕತ್ವದ ಭಾರ್ತಿ ಏರ್ಟೆಲ್ ಭಾರತದ 2ನೇ ಅತಿದೊಡ್ಡ ಮೊಬೈಲ್ ನೆಟ್ವರ್ಕ್ ಕಂಪನಿಯಾಗಿದೆ. 400 ಮಿಲಯನ್ ಗ್ರಾಹಕರು ಹಾಗೂ 16 ರಾಷ್ಟ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ.
ಇಂದಿನ ಮುಂಬೈ ಷೇರುಪೇಟೆಯಲ್ಲಿ ಭಾರ್ತಿ ಏರ್ಟೆಲ್ನ ಪ್ರತಿ ಷೇರಿನ ಮೌಲ್ಯದಲ್ಲಿ ₹ 11.35 ಏರಿಕೆಯೊಂದಿಗೆ ಶೇ 3.18ರಷ್ಟು ಜಿಗಿತ ದಾಖಲಿಸಿದೆ. ಪ್ರತಿ ಷೇರಿನ ಬೆಲೆಯು 368.40ರಲ್ಲಿ ವಹಿವಾಟು ನಡೆಸಿತ್ತು.
