ವಾರ್ಸಾ: ಕೋವಿಡ್-19 ಸಾಂಕ್ರಾಮಿಕ ರೋಗ ನಿವಾರಣೆಯಾಗಿ 2022ರ ಅಂತ್ಯದ ವೇಳೆಗೆ ಜಗತ್ತು ಸಂಪೂರ್ಣವಾಗಿ ಸಹಜ ಸ್ಥಿತಿಗೆ ಬರುತ್ತದೆ ಎಂದು ಬಿಲ್ ಗೇಟ್ಸ್ ಭವಿಷ್ಯ ನುಡಿದಿದ್ದಾರೆ.
ಸಾಂಕ್ರಾಮಿಕ ರೋಗವು ನಂಬಲಾಗದ ದುರಂತ ಎಂದ ಮೈಕ್ರೋಸಾಫ್ಟ್ ಸಹ-ಸಂಸ್ಥಾಪಕ ಮತ್ತು ಲೋಕೋಪಕಾರಿ ಗೇಟ್ಸ್, ವೈರಸ್ ಅನ್ನು ಎರಡು ವರ್ಷಗಳಿಗಿಂತಲೂ ಕಡಿಮೆ ಅವಧಿಯಲ್ಲಿ ಹತೋಟಿಗೆ ತರಬಹುದು. ಕೋವಿಡ್ -19 ಲಸಿಕೆಗಳಿಗೆ ಧನ್ಯವಾದಗಳು, 2022ರ ಅಂತ್ಯದ ವೇಳೆಗೆ ಜಗತ್ತು ಸಾಮಾನ್ಯ ಸ್ಥಿತಿಗೆ ಬರಲಿದೆ ಎಂದು ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಇದನ್ನೂ ಓದಿ: ಪ್ಯಾನ್ ಕಾರ್ಡ್-ಆಧಾರ್‌ ಲಿಂಕ್ ಮಾಡಲು ಐದೇ ದಿನ ಬಾಕಿ
ಇದು ನಂಬಲಾಗದ ದುರಂತ. ಲಸಿಕೆಗಳ ಚಾಲನೆಯಲ್ಲಿ ಇರುವುದು ಮಾತ್ರ ಒಂದೊಳ್ಳೆಯ ಸುದ್ದಿ. 2022ರ ಅಂತ್ಯದ ವೇಳೆಗೆ ನಾವು ಮೂಲತಃ ಸಂಪೂರ್ಣವಾಗಿ ಸಹಜ ಸ್ಥಿತಿಗೆ ಮರಳಬೇಕು ಎಂದರು.
2014ರಲ್ಲಿ ಮೈಕ್ರೋಸಾಫ್ಟ್ನ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿದ ಕೋಟ್ಯಾಧಿಪತಿ ಗೇಟ್ಸ್, ತನ್ನ ಲೋಕೋಪಕಾರಿ ಬಿಲ್ ಮತ್ತು ಮೆಲಿಂಡಾ ಗೇಟ್ಸ್ ಫೌಂಡೇಷನ್ ಮೂಲಕ ಕೋವಿಡ್-19 ಸಾಂಕ್ರಾಮಿಕ ರೋಗದ ಜಾಗತಿಕ ಪ್ರತಿಕ್ರಿಯೆಗೆ ಕನಿಷ್ಠ 1.75 ಶತಕೋಟಿ ಡಾಲರ್ ನೀಡಿದರು. ಲಸಿಕೆಗಳ ಅಭಿವೃದ್ಧಿ, ರೋಗನಿರ್ಣಯ ಮತ್ತು ಸಂಭಾವ್ಯ ಚಿಕಿತ್ಸೆಗಳ ಕೆಲವು ತಯಾರಕರಿಗೆ ಬೆಂಬಲ ನೀಡುವುದು ಈ ನಿಧಿಯ ಉದ್ದೇಶವಾಗಿದೆ.
