ಜಗತ್ತಿನ ನಂ.1 ಶ್ರೀಮಂತ ಜೆಫ್​ ಫೋನ್​ ಹ್ಯಾಕ್​ ಮಾಡ್ಸಿ ವಿಚ್ಚೇದನಕ್ಕೆ ಕಾರಣವಾದರೇ ಸೌದಿ ಪ್ರಿನ್ಸ್​?

ಜೆಫ್ ಬೆಜೊಸ್- ಮೆಕೆಂಜಿ ಬೆಜೊಸ್ ಅವರ ವಿಚ್ಛೇದನ ಜಗತ್ತಿನಲ್ಲಿ ಅತ್ಯಂತ ದುಬಾರಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. 1993ರಲ್ಲಿ ಮದುವೆಯಾದ ಈ ಜೋಡಿ ಸುದೀರ್ಘ 26 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದರು. ಜೀವನಾಂಶವಾಗಿ ಜೆಫ್​ ಅವರು ವಿಚ್ಛೇದಿತ ಪತ್ನಿಗೆ ₹ 2.6 ಲಕ್ಷ ಕೋಟಿ ( 38 ಬಿಲಿಯನ್ ಡಾಲರ್​) ನೀಡಿದ್ದರು. ಸೌದಿ ದೊರೆ ಖಾತೆಯಿಂದ ಕಳುಹಿಸಲಾದ ವಾಟ್ಸ್​ಆ್ಯಪ್​ ಸಂದೇಶ ಮೂಲಕ ಜೆಫ್​ ಬೆಜೊಸ್​ ಅವರ ಫೋನ್​ ಹ್ಯಾಕ್​ ಮಾಡಲಾಗಿತ್ತು. ಇದರಿಂದ ಬೆಜೊಸ್​ ಅವರ ಖಾಸಗಿ ಫೋಟೋಗಳು ಬಹಿರಂಗಗೊಂಡಿದ್ದು ವಿಚ್ಛೇದನಕ್ಕೆ ಕಾರಣವಾಯಿತು ಎಂಬ ಆರೋಪ ಕೇಳಿಬಂದಿದೆ.

ವಾಷಿಂಗ್ಟನ್​/ರಿಯಾದ್: ಇ- ಕಾಮರ್ಸ್ ದೈತ್ಯ ಅಮೆಜಾನ್​ ಸಂಸ್ಥಾಪಕ/ ವಿಶ್ವದ ಆಗರ್ಭ ಶ್ರೀಮಂತ ಜೆಫ್ ಬೆಜೊಸ್ ತನ್ನ ಪತ್ನಿ ಮೆಕೆಂಜಿ ಬೆಜೊಸ್​ಗೆ ನೀಡಿದ್ದ ವಿಚ್ಛೇದನದ ಜೀವನಾಂಶ ಮೊತ್ತ ಸಾಕಷ್ಟು ಸುದ್ದಿಮಾಡಿತ್ತು.

ಈಗ ಈ ಡಿವೋರ್ಸ್​ ಹಿಂದೆ ಫೋನ್​ ಕದ್ದಾಲಿಕೆ ಆಪಾದನೆ ಕೇಳಿಬಂದಿದೆ. ಸೌದಿ ದೊರೆ ಖಾತೆಯಿಂದ ಕಳುಹಿಸಲಾದ ವಾಟ್ಸ್​ಆ್ಯಪ್​ ಸಂದೇಶ ಮೂಲಕ ಜೆಫ್​ ಬೆಜೊಸ್​ ಅವರ ಫೋನ್​ ಹ್ಯಾಕ್​ ಮಾಡಲಾಗಿತ್ತು ಎಂಬ ಆರೋಪದ ವರದಿ ಪ್ರಕಟವಾಗಿದೆ.

ಈ ಬಗ್ಗೆ ವರದಿ ಪ್ರಕಟವಾಗುತ್ತಿದ್ದಂತೆ ಸೌದಿ ಅರೇಬಿಯಾ ರಾಯಭಾರಿ ಕಚೇರಿ ಟ್ವಿಟ್ಟರ್ ಮೂಲಕ ಪ್ರತಿಕ್ರಿಯೆ ನೀಡಿದ್ದು, 'ಜೆಫ್​ ಬಿಜೊಸ್​ ಅವರ ಫೋನ್​ ಹ್ಯಾಕಿಂಗ್ ಹಿಂದ ಸೌದಿ ಅರೇಬಿಯಾ ಕೈವಾಡ ಇದೆ ಎಂಬುದು ಅಸಂಬದ್ಧವಾದದ್ದು. ಈ ಬಗ್ಗೆ ಸತ್ಯಾಸತ್ಯತೆಗಳನ್ನು ಪತ್ತೆಹಚ್ಚಲು ತನಿಖೆಗೆ ಆದೇಶಿಸಿದ್ದೇವೆ. ಈ ಮೂಲಕ ಸತ್ಯವನ್ನು ಜಗತ್ತಿನ ಮುಂದೆ ಇಡುತ್ತೇವೆ' ಎಂದು ಹೇಳಿಕೆ ನೀಡಿದೆ.

• Recent media reports that suggest the Kingdom is behind a hacking of Mr. Jeff Bezos' phone are absurd. We call for an investigation on these claims so that we can have all the facts out.

  — Saudi Embassy (@SaudiEmbassyUSA) January 22, 2020 " class="align-text-top noRightClick twitterSection" data="

  Recent media reports that suggest the Kingdom is behind a hacking of Mr. Jeff Bezos' phone are absurd. We call for an investigation on these claims so that we can have all the facts out.

  — Saudi Embassy (@SaudiEmbassyUSA) January 22, 2020

  ">

  Recent media reports that suggest the Kingdom is behind a hacking of Mr. Jeff Bezos' phone are absurd. We call for an investigation on these claims so that we can have all the facts out.

  — Saudi Embassy (@SaudiEmbassyUSA) January 22, 2020

ದೊರೆ ಮೊಹಮ್ಮದ್ ಅವರದ್ದು ಎನ್ನಲಾದ ವಾಟ್ಸ್​ಆ್ಯಪ್​ ಖಾತೆಯಿಂದ ಮೆಸೇಜ್ ಬಂದ ಬಳಿಕ ಬೆಜೊಸ್ ಅವರ ಫೋನ್​ ಹ್ಯಾಕ್​ ಆಗಿದೆ. ಸಂದೇಶ ತಲುಪುತ್ತಿದ್ದಂತೆ ಮೊಬೈಲ್​ನಲ್ಲಿದ್ದ ಸಾಕಷ್ಟು ದತ್ತಾಂಶ ಕದಿಯಲಾಗಿದೆ ಎಂದು ವಿಶ್ವ ಸಂಸ್ಥೆಯ ತನಿಖಾ ಸಮಿತಿ ವರದಿ ನೀಡಲಿದೆ ಎಂದು ಅಮೆರಿಕ ಮೂಲದ ಮಾಧ್ಯಮವೊಂದು ವರದಿ ಮಾಡಿದೆ.

ಜೆಫ್ ಬೆಜೊಸ್- ಮೆಕೆಂಜಿ ಬೆಜೊಸ್ ಅವರ ವಿಚ್ಛೇದನ ಜಗತ್ತಿನಲ್ಲಿ ಅತ್ಯಂತ ದುಬಾರಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. 1993ರಲ್ಲಿ ಮದುವೆಯಾದ ಈ ಜೋಡಿ ಸುದೀರ್ಘ 26 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದರು. ಜೀವನಾಂಶವಾಗಿ ಜೆಫ್​ ಅವರು ವಿಚ್ಛೇದಿತ ಪತ್ನಿಗೆ ₹ 2.6 ಲಕ್ಷ ಕೋಟಿ ( 38 ಬಿಲಿಯನ್ ಡಾಲರ್​) ನೀಡಿದ್ದರು.