ಮುಂಬೈ: ಮುಖೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್ಐಎಲ್) ಬುಧವಾರದ ಆರಂಭಿಕ ವಹಿವಾಟಿನಲ್ಲಿ 16 ಲಕ್ಷ ಕೋಟಿ ರೂ. ಮಾರುಕಟ್ಟೆ ಬಂಡವಾಳ ಮೌಲ್ಯ ಗಳಿಸಿದ ಮೊದಲ ಭಾರತೀಯ ಸಂಸ್ಥೆಯಾಗಿದೆ.
ಮಾರುಕಟ್ಟೆಯಲ್ಲಿ ರಿಲಯನ್ಸ್ ಷೇರು ದಿನದ ವಹಿವಾಟು ಸಾರ್ವಕಾಲಿಕ ಗರಿಷ್ಠ 2,368 ರೂ.ಗೆ ತಲುಪಿದ ಬಳಿಕ ಈ ಸಾಧನೆಗೈದ ದೇಶದ ಪ್ರಪ್ರಥಮ ಸಂಸ್ಥೆ ಎಂಬ ಹೆಗ್ಗಳಿಕೆ ಪಡೆದಿದೆ. ಆರ್ಐಎಲ್ನ ಷೇರು ಬೆಲೆ ಬಿಎಸ್‌ಇನಲ್ಲಿ ಹಿಂದಿನ ವಹಿವಾಟಿನದ 2,317 ರೂ.ಗೆ ಹೋಲಿಸಿದರೆ ಶೇ 2.2ರಷ್ಟು ಏರಿಕೆ ಕಂಡು 2,368 ರೂ.ಗೆ ತಲುಪಿತು.
ಬಿಗ್ ಕ್ಯಾಪ್ ಸ್ಟಾಕ್ ಕಳೆದ ಎರಡು ದಿನಗಳಲ್ಲಿ ಶೇ 1.57ರಷ್ಟು ಗಳಿಕೆ ಕಂಡಿವೆ. ಆರ್ಐಎಲ್ನ ಮಾರುಕಟ್ಟೆ ಕ್ಯಾಪ್ 16 ಲಕ್ಷ ಕೋಟಿ ರೂ. ದಾಟಿದ ಮೊದಲ ಭಾರತೀಯ ಅತ್ಯಮೂಲ್ಯ ಕಂಪನಿಯಾಗಿದೆ.
ಆರ್ಐಎಲ್ನ ಷೇರು ಬೆಲೆ ಒಂದು ವಾರದಲ್ಲಿ ಶೇ 8.27ರಷ್ಟು ಮತ್ತು ಒಂದು ತಿಂಗಳಲ್ಲಿ ಶೇ 10.69ರಷ್ಟು ಗಳಿಕೆಯಾಗಿದೆ. ಈ ವರ್ಷದ ಆರಂಭದಿಂದ ಷೇರು ಮೌಲ್ಯದಲ್ಲಿ ಶೇ 54.55ರಷ್ಟು ಗಳಿಸಿದೆ. ಕಳೆದ ಒಂದು ವರ್ಷದ ಅವಧಿಯಲ್ಲಿ ಶೇ 93.26ರಷ್ಟು ಏರಿಕೆಯಾಗಿದೆ.
