ನವದೆಹಲಿ: ರಿಲಯನ್ಸ್ ಇಂಡಸ್ಟ್ರೀಸ್ (ಆರ್ಐಎಲ್) ಮಾರುಕಟ್ಟೆ ಮೌಲ್ಯ ₹ 9 ಲಕ್ಷ ಕೋಟಿ ಗಡಿ ದಾಟುವ ಮೂಲಕ ಗರಿಷ್ಠ ಮೌಲ್ಯ ತಲುಪಿದ ದೇಶದ ಪ್ರಥಮ ಹಾಗೂ ನಂ.1 ಕಂಪನಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಮುಂಬೈ ಷೇರು ಮಾರುಕಟ್ಟೆಯಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ಬೆಲೆ ನಿರಂತರವಾಗಿ ಏರುತ್ತಲೇ ಇದೆ. ಕಂಪನಿಯ ಮಾರುಕಟ್ಟೆ ಬಂಡವಾಳದ ಮೌಲ್ಯ ₹ 9,00,317.35 ಕೋಟಿಗೂ ಅಧಿಕವಾಗಿದೆ. ಕಳೆದ 54 ವಾರಗಳಲ್ಲಿ ಪ್ರತಿ ಷೇರು ಗರಿಷ್ಠ ₹ 1,428 ಮಾರಾಟ ಆಗುತ್ತಿದೆ.
ಮಾರುಕಟ್ಟೆಯ ಬಂಡವಾಳದ ಹೂಡಿಕೆ ಮೌಲ್ಯಮಾಪನ ಆಧಾರದಲ್ಲಿ ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ ದೇಶಿ ಕಂಪನಿಗಳ ಪೈಕಿ ಆರ್ಐಎಲ್ ₹ 8 ಲಕ್ಷ ಕೋಟಿ ಗಡಿ ದಾಟಿತ್ತು. ಷೇರು ಮಾರುಕಟ್ಟೆಯಲ್ಲಿ ಷೇರುಗಳ ಖರೀದಿಸುವಿಕೆ ಆಧಾರ ಮೇಲೆ ಬಂಡವಾಳ ನಿರ್ಧರಿಸಲಾಗುತ್ತದೆ. ಅಂತೆಯೇ ರಿಲಯನ್ಸ್ ತನ್ನ ಮಾರುಕಟ್ಟೆ ಮೌಲ್ಯವನ್ನು ವೃದ್ಧಿಸಿಕೊಳ್ಳುತ್ತಿದ್ದು, ಒಂದೇ ವರ್ಷದಲ್ಲಿ ₹ 1 ಲಕ್ಷ ಕೋಟಿಪಯಷ್ಟು ಸಂಪತ್ತು ವೃದ್ಧಿಸಿಕೊಂಡಿದೆ.
