ನವದೆಹಲಿ: ಏಷ್ಯಾದ ಶ್ರೀಮಂತ ಉದ್ಯಮಿಯ ನಿಯಂತ್ರಣದಲ್ಲಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಸೌದಿ ಅರಾಮ್ಕೊ ನಂತರ ವಿಶ್ವದ ಅತಿದೊಡ್ಡ ಇಂಧನ ಕಂಪನಿಯಾದ ಎಕ್ಸ್ಕ್ಸಾನ್ ಮೊಬಿಲ್ ಕಾರ್ಪೊರೇಷನ್ (ExxonMobil Corp) ಅನ್ನು ಹಿಂದಿಕ್ಕಿದೆ ಎರಡನೇ ಸ್ಥಾನ ಪಡೆದಿದೆ.
ಅತಿದೊಡ್ಡ ರಿಫೈನರಿ ಸಂಕೀರ್ಣ ನಿರ್ವಹಿಸುವ ರಿಲಯನ್ಸ್ ಶುಕ್ರವಾರ ಮುಂಬೈಯಲ್ಲಿ ಶೇ 4.3ರಷ್ಟು ಗಳಿಸಿ ತನ್ನ ಮಾರುಕಟ್ಟೆ ಮೌಲ್ಯಕ್ಕೆ 8 ಬಿಲಿಯನ್ ಡಾಲರ್ ಸೇರ್ಪಡೆ ಮಾಡಿಕೊಂಡು 189 ಬಿಲಿಯನ್ ಡಾಲರ್ಗೆ ತಲುಪಿತು. ಎಕ್ಸಾನ್‌ನ ಷೇರು ಮೌಲ್ಯದ ಶೇ 39ರಷ್ಟು ಕುಸಿತಕ್ಕೆ ಹೋಲಿಸಿದರೆ, ಈ ವರ್ಷ ರಿಲಯನ್ಸ್‌ನ ಷೇರು ಮೌಲ್ಯದಲ್ಲಿ ಶೇ 43ರಷ್ಟು ಏರಿಕೆಯಾಗಿದೆ. 1.76 ಟ್ರಿಲಿಯನ್ ಮಾರುಕಟ್ಟೆ ಬಂಡವಾಳ ಹೊಂದಿರುವ ಅರಾಮ್ಕೊ ವಿಶ್ವದ ಅತಿದೊಡ್ಡ ಇಂಧನ ಕಂಪನಿಯಾಗಿದೆ.
ಈ ವರ್ಷದ ಮಾರ್ಚ್ 31ಕ್ಕೆ ಕೊನೆಗೊಂಡ ಅವಧಿಯಲ್ಲಿ ರಿಲಯನ್ಸ್‌ನ ಇಂಧನ ವ್ಯವಹಾರದ ಆದಾಯ ಶೇ 80ರಷ್ಟು ಹೊಂದಿದೆ. ಈ ವರ್ಷ ಅಂಬಾನಿಯ ಸಂಪತ್ತಿಗೆ 22.3 ಬಿಲಿಯನ್ ಡಾಲರ್ ಸಂಪತ್ತು ಸೇರ್ಪಡೆಯಾಗಿದೆ. ಬ್ಲೂಮ್‌ಬರ್ಗ್ ಬಿಲಿಯನೇರ್‌ಗಳ ಸೂಚ್ಯಂಕದಲ್ಲಿ ಅಂಬಾನಿ ಈಗ ಐದನೇ ಸ್ಥಾನಕ್ಕೆ ತಲುಪಿದ್ದಾರೆ.
