ಮುಂಬೈ: ಮುಂಬೈ ಉಪನಗರ ರೈಲೈ ವ್ಯವಸ್ಥೆಯ 'ಲೈಫ್ ಲೈನ್' ಎಂದು ಕರೆಯಲಾಗುವ ಸಬ್ ಅರ್ಬನ್ ರೈಲ್ವೆ ಹಳಿಗಳ ಮೇಲೆ ನಿತ್ಯ 9 ಮಂದಿ ಸಾವನ್ನಪ್ಪುತ್ತಾರೆ. ಆದರೆ, ಇದೇ ನಗರದಲ್ಲಿ ಇದಕ್ಕೆ ತದ್ವಿರುದ್ಧವಾದ ಸಂಚಾರ ವ್ಯವಸ್ಥೆ ಕಳೆದ ಐದು ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದೆ.
ರಿಲಯನ್ಸ್ ಇನ್ಫ್ರಾಸ್ಟ್ರಕ್ಷರ್- ಪ್ರಮೋಟೆಡ್ ಮುಂಬೈ ಮೆಟ್ರೊ ತನ್ನ ಐದನೇ ವಾರ್ಷಿಕೋತ್ಸವವನ್ನು ಶೂನ್ಯ ಅಪಘಾತದೊಂದಿಗೆ ಆಚರಣೆ ಮಾಡುತ್ತಿದೆ.
2014ರ ಜೂನ್ 8ರಂದು ಸಾರ್ವಜನಿಕ ಬಳಕೆಗೆ ಲಭ್ಯವಾದ ಮುಂಬೈ ಮೆಟ್ರೊ, ಶೇ 99.9 ಪ್ರತಿಶತ ಸಮಯಕ್ಕೆ ಅನುಗುಣವಾಗಿ ಸಂಚರಿಸಿ 6.17 ಲಕ್ಷ ಟ್ರಿಪ್ಗಳನ್ನು ಈ ಐದು ವರ್ಷಗಳಲ್ಲಿ ಪೂರ್ಣಗೊಳಿಸಿದೆ.
ಕಳೆದ ಐದು ವರ್ಷಗಳಲ್ಲಿ 540 ದಶಲಕ್ಷ ಜನರು ಮೆಟ್ರೊ ಸೇವೆ ಪಡೆದಿದ್ದು, ಶೂನ್ಯ ಅಪಘಾತ ಹಾಗೂ ಯಾವುದೇ ಸಾವು ಕೂಡ ಸಂಭವಿಸಿಲ್ಲ. ಮುಂಬೈನ ಒಟ್ಟು ಜನಸಂಖ್ಯೆಯಲ್ಲಿ ಶೇ 40ರಷ್ಟು ಜನರು ಮೆಟ್ರೊ ಸೇವೆ ಪಡೆದವರಿದ್ದಾರೆ. ವರ್ಸೊವಾ- ಅಂದೇರಿ0 ಘಾಟ್ಕಾಪುರ್ ಮಾರ್ಗದಲ್ಲಿ ಅತ್ಯಧಿಕ ಪ್ರಯಾಣಿಕರು ಸಂಚರಿಸಿದ್ದಾರೆ ಎಂದು ಮೆಟ್ರೊ ಸಂಸ್ಥೆ ವಕ್ತಾರರು ಮಾಹಿತಿ ನೀಡಿದ್ದಾರೆ.
