ಮರೆತು ಹೋದ Gmail ಪಾಸ್‌ವರ್ಡ್​ ರಿಕವರಿಗಾಗಿ ಗೂಗಲ್​ CEOಗೆ ಟ್ವೀಟ್​: ಇದಕ್ಕೆ ನಿಮ್ಮ ಅಭಿಪ್ರಾಯವೇನು?

ಮರೆತು ಹೋದ ಜಿಮೇಲ್ ಪಾಸ್​ವರ್ಡ್​ ರಿಕವರಿಗೆ ಯೂಟ್ಯೂಬ್​ ಮೊರೆ ಹೋಗುತ್ತಾರೆ. ಒಂದು ವೇಳೆ ಯೂಟ್ಯೂಬ್ ವಿಡಿಯೋಗಳು ಅದಕ್ಕೆ ಪರಿಹಾರ ಒದಗಿಸದಿದ್ದರೆ, ಸಾಮಾನ್ಯವಾಗಿ ಗ್ರಾಹಕ ಸಹಾಯವಾಣಿ ಸೇವೆಗಳಿಗೆ ಸಂದೇಶ ಕಳುಹಿಸುತ್ತೇವೆ. ಹಾಗಾದರೇ ಜಿಮೇಲ್ ಖಾತೆಯೊಂದಿಗೆ ಯಾವುದೇ ಸಮಸ್ಯೆ ಎದುರಿಸಿದಾಗ ಗೂಗಲ್ ಸಿಇಒ ಸುಂದರ್ ಪಿಚೈ ಅವರನ್ನು ನೇರವಾಗಿ ಟ್ವೀಟ್ ಮಾಡಲು ನೀವು ಎಂದಾದರೂ ಯೋಚಿಸಿದ್ದೀರಾ? ಆದರೆ ಇಲ್ಲೊಬ್ಬ ವ್ಯಕ್ತಿ ಅಂತಹ ಕಾರ್ಯ ಮಾಡಿದ್ದಾನೆ.

ನವದೆಹಲಿ: ಮರೆತು ಹೋಗಿರುವ ತಮ್ಮ ಜಿಮೇಲ್ ಪಾಸ್​​ವರ್ಡ್​ ಮರುಹೊಂದಿಸಲು ಸಹಾಯ ಮಾಡುವಂತೆ ವ್ಯಕ್ತಿಯೋರ್ವ ಗೂಗಲ್ ಸಿಇಒ ಸುಂದರ್ ಪಿಚೈ ಅವರನ್ನು ಟ್ವೀಟರ್ ಮುಖಾಂತರ ಕೇಳಿಕೊಂಡಿದ್ದಾರೆ.

ಸಾಮಾನ್ಯವಾಗಿ ಜಿಮೇಲ್​ ಪಾಸ್‌ವರ್ಡ್ ಮರೆತು ಹೋದರೆ ತುಂಬಾ ಕಿರಿಕಿರಿಯಾಗುತ್ತದೆ. ಇದಕ್ಕೆ ಸಾಕಷ್ಟು ಪರಿಹಾರಗಳು ಯೂಟ್ಯೂಬ್‌ನಲ್ಲಿವೆ. ಆಗಾಗ್ಗೆ ಸಂಭವಿಸುವ ಈ ಸಣ್ಣ ಹಿನ್ನಡೆಗಳು ಅಂತಹ ದೊಡ್ಡ ಸಮಸ್ಯೆಯನ್ನು ಸೃಷ್ಟಿಸುವುದಿಲ್ಲ. ಆದರೆ, ಈ ಯುವಕ ಜಿಮೇಲ್​ ಪಾಸ್​ವರ್ಡ್​ಗೆ ಕಂಪನಿ ಸಿಇಒಗೆ ಮನವಿ ಮಾಡಿದ್ದು ನೆಟ್ಟಿಗರಿಗೆ ತಮಾಷೆಯ ಸಂಗತಿಯಾಗಿದೆ.

ಹಲೋ ಸರ್, ನೀವು ಹೇಗಿದ್ದೀರಿ. ನನಗೆ ನೀವು ಒಂದು ಸಹಾಯ ಮಾಡಬೇಕು. ನಾನು ಮರೆತು ಹೋದ ಜಿಮೇಲ್ ಪಾಸ್​ವರ್ಡ್​ ಅನ್ನು ಮರು ಹೊಂದಿಸುವುದು ಹೇಗೆಂದು ನೀವು ನನಗೆ ಸಹಾಯ ಮಾಡಿ ಎಂದು ಟ್ವಿಟರ್ ಬಳಕೆದಾರ ಮಾಧನ್ 67966174 ಎಂಬುವವರು ಕೇಳಿದ್ದಾರೆ.

• Hello sir
  How are you
  I need one help in my gmail id password I forgeted how to reset the password please help me

  — Madhan (@Madhan67966174) April 26, 2021 " class="align-text-top noRightClick twitterSection" data="

  Hello sir
  How are you
  I need one help in my gmail id password I forgeted how to reset the password please help me

  — Madhan (@Madhan67966174) April 26, 2021

  ">

  Hello sir
  How are you
  I need one help in my gmail id password I forgeted how to reset the password please help me

  — Madhan (@Madhan67966174) April 26, 2021

ಇತ್ತೀಚೆಗೆ ಕೋವಿಡ್ -19 ಸಾಂಕ್ರಾಮಿಕದ ಮಧ್ಯೆ ಸುಂದರ್ ಪಿಚೈ ಅವರು ಭಾರತ ಬೆಂಬಲಿಸಲು ಮುಂದೆ ಬಂದರು. ವೈದ್ಯಕೀಯ ಸರಬರಾಜು, ಅಪಾಯಕ್ಕ ತುತ್ತಾದ ಸಮುದಾಯಗಳನ್ನು ಬೆಂಬಲ, ನಿರ್ಣಾಯಕ ಮಾಹಿತಿ ಹಂಚಿಕೆಗೆ ಸಹಾಯ ಮಾಡುವ ಭಾರತ ಮತ್ತು ಯುನಿಸೆಫ್‌ಗೆ 135 ಕೋಟಿ ರೂ. ನೀಡುವುದಾಗಿ ಟ್ವೀಟ್ ಮಾಡಿದ್ದರು. ಟ್ವಿಟರ್ ಬಳಕೆದಾರ ಮಾಧನ್, ಇದೇ ಟ್ವೀಟ್​​ನಲ್ಲಿ ತಮ್ಮ ಜಿಮೇಲ್ ಪ್ರಶ್ನೆ ಪೋಸ್ಟ್ ಮಾಡಿದ್ದಾರೆ.

ಗೂಗಲ್ ಸಿಇಒ ಈ ವ್ಯಕ್ತಿಯ ಟ್ವೀಟ್ ಅನ್ನು ಇನ್ನೂ ನೋಡದಿದ್ದರೂ, ಅವರು ಏನು ಉತ್ತರಿಸುತ್ತಾರೆ ಎಂದು ಹಲವರು ಆಶ್ಚರ್ಯದಿಂದ ಎದುರು ನೋಡುತ್ತಿದ್ದಾರೆ. ಈ ಟ್ವೀಟ್ ಬಗ್ಗೆ ನಿಮ್ಮ ಅಭಿಪ್ರಾಯವೇನು?