ನವದೆಹಲಿ: ದಕ್ಷಿಣ ಕೊರಿಯಾ ಮೂಲದ ಎಲ್ಜಿ ಕಂಪನಿಯು ಭಾರತೀಯ ಮಾರುಕಟ್ಟೆಗೆ 'W' ಶ್ರೇಣಿಯ ಮೂರು ಸ್ಮಾರ್ಟ್ ಫೋನ್ಗಳನ್ನು ಶೀಘ್ರವೇ ಪರಿಚಯಿಸಲಿದೆ.
'W' ಶ್ರೇಣಿಯಲ್ಲಿ ಮುಂಚೂಣಿಯಲ್ಲಿರುವ 'ಎಲ್ಜಿ ಡಬ್ಲ್ಯು30', 'ಎಲ್ಜಿ ಡಬ್ಲ್ಯು30 ಪ್ರೋ' ಹಾಗೂ 'ಎಲ್ಜಿ ಡಬ್ಲ್ಯು10' ಮೊಬೈಲ್ಗಳು ಬಿಡುಗಡೆ ಆಗಲಿವೆ. 'ಎಲ್ಜಿ ಡಬ್ಲ್ಯು10' ಬೆಲೆ ₹ 8,999 ಇದ್ದರೆ, 'ಎಲ್ಜಿ ಡಬ್ಲ್ಯು30' ₹ 9,999 ಇರಲಿದೆ. ಡಬ್ಲ್ಯು30 ಪ್ರೋ ಬೆಲೆಯನ್ನು ಶೀಘ್ರದಲ್ಲೇ ನಿರ್ಧರಿಸಿ ತಿಳಿಸಲಾಗುವುದು ಎಂದು ಭಾರತ ವ್ಯಾಪ್ತಿಯ ಎಲೆಕ್ಟ್ರಾನಿಕ್ ವಿಭಾಗದ ವ್ಯವಸ್ಥಾಪಕ ಕಿ ವಾನ್ ಕಿಮ್ ಹೇಳಿದ್ದಾರೆ.
ಇಂದು ನಮಗೆ ಅತ್ಯಂತ ಮಹತ್ವದ ದಿನ. ಎಲ್ಜಿ ತನ್ನ ಮೂರು ಉತ್ಪನ್ನಗಳನ್ನು ಭಾರತೀಯ ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಇಲ್ಲಿನ ಗ್ರಾಹಕರ ಆದ್ಯತೆಗಳನ್ನು ಗಮನದಲ್ಲಿ ಇರಿಸಿಕೊಂಡು ಈ ಉತ್ಪನ್ನಗಳನ್ನು ತಯಾರಿಸಲಾಗಿದೆ ಎಂದು ಹೇಳಿದ್ದಾರೆ.
'ಎಲ್ಜಿ ಡಬ್ಲ್ಯು30' ಮತ್ತು ಡಬ್ಲ್ಯು10 ಕ್ರಮವಾಗಿ 6.26 ಹಾಗೂ 6.19 ಇಂಚು ಹೆಚ್ಡಿ+ ಪ್ರದರ್ಶಕ ಹೊಂದಿರಲಿದೆ. ಪಿ 22 ಪ್ರೊಸೆಸರ್ ಜೊತೆಗೆ 3 ಜಿಬಿ ರ್ಯಾಮ್ ಮತ್ತು 32 ಜಿಬಿ ಆಂತರಿಕ ಮೆಮೋರಿ ಸಾಮರ್ಥ್ಯ ಹೊಂದಿದೆ ಎಂದು ವಿವರಿಸಿದರು.
ಡಬ್ಲ್ಯು30 ಮೊಬೈಲ್ ಮೂರು ಕ್ಯಾಮರಾಗಳನ್ನು ಹೊಂದಿದೆ. 12ಎಂಪಿ ಪ್ರೈಮರಿ ಲೋ ಲೈಟ್ ಸೆನ್ಸರ್, 13ಎಂಪಿ ವೈಡ್ ಆಂಗಲ್ ಲೆನ್ಸ್ ಹಾಗೂ 2 ಎಂಪಿ ಡೆಪ್ತ್ ಸೆನ್ಸರ್ ಹಾಗೂ 16 ಎಂಪಿ ಸೆಲ್ಫ್ ಶೂಟರ್ ಫೀಚರ್ಗಳಿವೆ.
'ಎಲ್ಜಿ ಡಬ್ಲ್ಯು10' 13ಎಂಪಿ ಪ್ರೈಮರಿ ಲೆನ್ಸ್ ಮತ್ತು 5 ಎಂಪಿ ಸೆಕೆಂಡರಿ ಶೂಟರ್ ಜೊತೆಗೆ 8 ಎಂಪಿ ಸೆಲ್ಫ್ ಶೂಟರ್ ಲಕ್ಷಣಗಳನ್ನು ಹೊಂದಿದೆ.
