ಕೆಲಸದ ನಿರೀಕ್ಷೆಯಲ್ಲಿದವರಿಗೆ ಸಿಹಿ ಸುದ್ದಿ: UST ಕಂಪನಿಯಲ್ಲಿ 10,000 ಉದ್ಯೋಗಾವಕಾಶ

ಕೇರಳದ ಯುಎಸ್​​ಟಿ ಗ್ಲೋಬಲ್​ ಐಟಿ ಕಂಪನಿಯು ನೂತನ ಕೇಂದ್ರಗಳನ್ನು ತೆರೆಯುತಿದ್ದು, ಮುಂಬರುವ ದಿನಗಳಲ್ಲಿ ಸುಮಾರು 10 ಸಾವಿರ ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳಲಾಗುವುದು ಎಂದು ಕಂಪನಿಯ ಅಧಿಕಾರಿ ತಿಳಿಸಿದ್ದಾರೆ.

ತಿರುವನಂತಪುರಂ: ಕೇರಳದ ಅತಿದೊಡ್ಡ ಐಟಿ ಉದ್ಯೋಗದಾತ ಯುಎಸ್​ಟಿ ಗ್ಲೋಬಲ್ ಕಂಪನಿ 10,000ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ನೇಮಿಸಿಕೊಳ್ಳಲಿದೆ ಎಂದು ಕಂಪನಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಕಂಪನಿಯ ವಾರ್ಷಿಕ ಡೆವಲಪರ್ ಡಿ- 3 ಕಾನ್ಫರೆನ್ಸ್ ವೇಳೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಮನು ಗೋಪಿನಾಥ್, ಶೀಘ್ರವೇ ಕೊಚ್ಚಿಯಲ್ಲಿ ಹೊಸ ಕ್ಯಾಂಪಸ್ ತೆರೆಯಲಾಗುತ್ತಿದೆ. ಇದರ ಕಾರ್ಯಾರಂಭ ಆದ ಕೂಡಲೇ 8,000ದಿಂದ 10,000 ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳಲಾಗುವುದು ಎಂದರು.