ಲಂಡನ್: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ 13,500 ಕೋಟಿ ರೂ. ವಂಚನೆ ಎಸಗಿ ವಿದೇಶಗಳಲ್ಲಿ ತಲೆ ಮರೆಸಿಕೊಂಡು ಲಂಡನ್ ಜೈಲಿನಲ್ಲಿ ಇರುವ ಆರ್ಥಿಕ ಅಪರಾಧಿ/ ವಜ್ರೋದ್ಯಮಿ ನೀರವ್ ಮೋದಿ ಹಸ್ತಾಂತರದ ಅಂತಿಮ ವಿಚಾರಣೆ 2021ರ ಜನವರಿಯಲ್ಲಿ ನಡೆಯಲಿದೆ.
ಭಾರತದಿಂದ ಪರಾರಿಯಾಗಿದ್ದ ವಜ್ರ ವ್ಯಾಪಾರಿ ನೀರವ್, ವಿದೇಶಗಳಲ್ಲಿ ತಲೆ ಮರೆಸಿಕೊಂಡಿದ್ದರು. ಇಂಟರ್ಪೋಲ್ ರೆಡ್ ಕಾರ್ನರ್ ನೋಟಿಸ್ ಹೊರಡಿಸಿದ ಬಳಿಕ ಬ್ರಿಟನ್ ಪೊಲೀಸರಿಂದ ಬಂಧಿತರಾಗಿ ಲಂಡನ್ನ ವಾಂಡ್ಸ್ವರ್ತ್ ಕಾರಾಗೃಹ ಖೈದಿ ಆಗಿದ್ದಾರೆ.
ಲಂಡನ್ ವೆಸ್ಟ್ಮಿನ್ಸ್ಟರ್ ಮ್ಯಾಜಿಸ್ಟ್ರೇಟ್ನ ನ್ಯಾಯಮೂರ್ತಿಗಳು ನೀರವ್ ಮೋದಿಯ ಬಂಧನ ಅವಧಿಯನ್ನು ವಿಸ್ತರಿಸಿದ್ದು, ಅಂತಿಮ ಹಸ್ತಾಂತರ ವಿಚಾರಣೆಯು 2021ರ ಜನವರಿ 7 ಮತ್ತು 8ರಂದು ನಡೆಯಲಿದೆ ಎಂದು ತಿಳಿಸಿದ್ದಾರೆ.
ಚಿನ್ನಾಭರಣ ಖರೀದಿದಾರರಿಗೆ ಕಹಿ ಸುದ್ದಿ: 1,280 ರೂ. ಜಿಗಿದ ಬೆಳ್ಳಿ, ಬಂಗಾರ ದರ ಕೇಳುವಂತಿಲ್ಲ!
49 ವರ್ಷದ ನೀರವ್ ದಕ್ಷಿಣ ಲಂಡನ್ನ ವಾಂಡ್ಸ್ವರ್ತ್ ಕಾರಾಗೃಹದಿಂದ ವಿಡಿಯೋಲಿಂಕ್ ಮೂಲಕ ವಿಚಾರಣೆಗೆ ಒಳಗಾದರು. 2019ರ ಮಾರ್ಚ್ನಲ್ಲಿ ಬಂಧಿಸಿದಾಗಿನಿಂದ ಇದೇ ಕಾರಾಗೃಹದಲ್ಲಿ ಇದ್ದಾರೆ.
ಭದ್ರತೆಗಾಗಿ ಹೆಚ್ಚಿನ ಹಣವನ್ನು ಖಾತ್ರಿಯಾಗಿ ನೀಡಿ ಕಠಿಣವಾದ ಜಾಮೀನು ಷರತ್ತುಗಳನ್ನು ಒಪ್ಪಿಕೊಂಡಿದ್ದರೂ ನೀರವ್ ಮನವಿ ಮಾಡಿದ ಹಲವಾರು ಜಾಮೀನು ಅರ್ಜಿಗಳನ್ನು ಪದೇ ಪದೆ ನಿರಾಕರಿಸಲಾಗಿದೆ. ಭಾರತಕ್ಕೆ ನೀರವ್ ಹಸ್ತಾಂತರ ಅಂತಿಮ ವಿಚಾರಣೆ ವರ್ಷದ ಆರಂಭದಲ್ಲಿ ನಡೆಯಲಿದೆ.
