ಸ್ಯಾನ್ ಫ್ರಾನ್ಸಿಸ್ಕೋ: ನ್ಯೂಸ್ ಫೀಡ್ ವಿಂಗಡಣೆ ಮತ್ತು ಬ್ರೌಸ್ ಮಾಡಲು ಸುಲಭವಾಗುವಂತಹ ಸರಳ ಫೀಚರ್ ಪರಿಚಯಿಸಲಾಗಿದೆ ಎಂದು ಸಾಮಾಜಿಕ ಜಾಲತಾಣ ದೈತ್ಯ ಫೇಸ್ಬುಕ್ ನೆಟ್ವರ್ಕ್ ಹೇಳಿದೆ.
ಬಳಕೆದಾರರಿಗೆ ನೀವು ನೋಡುವ ವಿಷಯಗಳ ಮೇಲೆ ಹೆಚ್ಚಿನ ನಿಯಂತ್ರಣ ಹೇರಬಹುದು. ನಿಮ್ಮ ಪೋಸ್ಟ್ ನೋಡಬಯಸುವ ಯಾರಾದರೂ ಮತ್ತು ಟ್ಯಾಗ್ ಮಾಡುವ ಪೇಜ್ಗಳಲ್ಲಿನ ಆಯ್ಕೆಗಳ ಮೆನುವಿನಿಂದ ಇಚ್ಛಿಸುವವರ ಆಯ್ದು ಕೊಳ್ಳುವ ಮೂಲಕ ನಿರ್ದಿಷ್ಟ ಸಾರ್ವಜನಿಕ ಪೋಸ್ಟ್‌ಗೆ ನಿಮ್ಮ ಕಾಮೆಂಟ್ ಮಾಡುವ ಪ್ರೇಕ್ಷಕರನ್ನು ನೀವು ನಿಯಂತ್ರಿಸಬಹುದು ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಕಂಪನಿಯು ಇತ್ತೀಚೆಗೆ 'ಫೇವರೆಟ್ಸ್' ಆಯ್ಕೆ ಪ್ರಾರಂಭಿಸಿದೆ. ಬಳಕೆದಾರರು ನ್ಯೂಸ್ ಫೀಡ್‌ನಲ್ಲಿ ಹೆಚ್ಚು ಕಾಳಜಿವಹಿಸುವ ಸ್ನೇಹಿತರು ಮತ್ತು ಪುಟಗಳಿಂದ ಪೋಸ್ಟ್‌ಗಳನ್ನು ನಿಯಂತ್ರಿಸಬಹುದು ಹಾಗೂ ಆದ್ಯತೆ ನೀಡಬಹುದು. ಫೇವರೆಟ್ಸ್ಗೆ ಸೇರಿಸಲು 30 ಸ್ನೇಹಿತರು ಮತ್ತು ಪೇಜ್ಗಳ ಆಯ್ಕೆ ಮಾಡುವ ಮೂಲಕ, ಅವರ ಪೋಸ್ಟ್‌ಗಳು ಹೆಚ್ಚು ಗೋಚರಿಸುವ ಶ್ರೇಯಾಂಕಿತ ನ್ಯೂಸ್ ಫೀಡ್‌ನಲ್ಲಿ ಹಾಗೂ ಅದನ್ನು ಪ್ರತ್ಯೇಕ ಫಿಲ್ಟರ್‌ನಂತೆ ಸಹ ವೀಕ್ಷಿಸಬಹುದು. ಫೇವರೆಟ್ಸ್ಗಳನ್ನು ಆಗಾಗ್ಗೆ ಬಳಸುವ ಜನರು ಅದನ್ನು ಫೀಡ್ ಫಿಲ್ಟರ್ ಬಾರ್‌ನಿಂದ ಪ್ರವೇಶಿಸಬಹುದು. ಇದು ನ್ಯೂಸ್ ಫೀಡ್‌ನ ಮೇಲ್ಭಾಗದಲ್ಲಿ ಇರುವ ಹೊಸ ಮೆನುವಾಗಿದೆ.
ಇದನ್ನೂ ಓದಿ: GST ಅನುಷ್ಠಾನ: ಮೊದಲ ಬಾರಿಗೆ ಕೇಂದ್ರದ ಖಜಾನೆಗೆ ಹರಿದು ಬಂತು ದಾಖಲೆಯ ತೆರಿಗೆ
ಆಂಡ್ರಾಯ್ಡ್ ಅಪ್ಲಿಕೇಷನ್ ಬಳಕೆದಾರರು ನ್ಯೂಸ್ ಫೀಡ್‌ನಲ್ಲಿ ಸ್ಕ್ರಾಲ್ ಮಾಡಿದಾಗ ಫೀಡ್ ಫಿಲ್ಟರ್ ಬಾರ್ ಪ್ರವೇಶಿಸಬಹುದು. ಮುಂಬರುವ ವಾರಗಳಲ್ಲಿ ಅದೇ ಕಾರ್ಯವು ಐಒಎಸ್ ಅಪ್ಲಿಕೇಷನ್‌ನಲ್ಲಿ ಲಭ್ಯವಿರುತ್ತದೆ.
ನಿಮ್ಮ ಕಾಮೆಂಟ್ ಮಾಡುವ ಪ್ರೇಕ್ಷಕರನ್ನು ಸರಿಹೊಂದಿಸುವ ಮೂಲಕ, ನಿಮ್ಮ ಸಾರ್ವಜನಿಕ ಪೋಸ್ಟ್‌ಗಳಿಗೆ ಸಂಭಾಷಣೆಯನ್ನು ಹೇಗೆ ಆಹ್ವಾನಿಸಲು ನೀವು ಬಯಸುತ್ತೀರಿ ಮತ್ತು ಅನಗತ್ಯ ಸಂವಹನಗಳನ್ನು ನೀವು ಮಿತಿಗೊಳಿಸಬಹುದು ಎಂದು ಫೇಸ್ಬುಕ್ ಹೇಳಿದೆ.
ಫೇಸ್ಬುಕ್ ಮತ್ತೊಂದು ಹೊಸ ಸಾಧನ ಪರಿಚಯಿಸುತ್ತಿದ್ದು, ಬಳಕೆದಾರರು ತಮ್ಮ ಪೋಸ್ಟ್‌ಗಳಲ್ಲಿ ಯಾರೆಲ್ಲಾ ಕಾಮೆಂಟ್ ಮಾಡಬಹುದು ಎಂಬುದನ್ನು ಮಿತಿಗೊಳಿಸಬಹುದು. ನಾನು ಇದನ್ನು ಏಕೆ ನೋಡುತ್ತಿದ್ದೇನೆ? ಎಂಬ ವೈಶಿಷ್ಟ್ಯ ಸಹ ಒಳಗೊಂಡಿದೆ.
