ಹೈದರಾಬಾದ್: ಭಾರತದಲ್ಲಿ 'ಸ್ಪುಟ್ನಿಕ್-ವಿ' ಲಸಿಕೆ ಹೊಂದಾಣಿಕೆಯ ಸ್ಟೇಜ್ 2/3 ಮಾನವ ಕ್ಲಿನಿಕಲ್ ಪ್ರಯೋಗ ನಡೆಸಲು ಭಾರತದ ಡ್ರಗ್ ಕಂಟ್ರೋಲ್ ಜನರೆಟ್ನಿಂದ ಅನುಮೋದನೆ ಪಡೆದಿರುವುದಾಗಿ ರಷ್ಯಾದ ಸಾವರಿನ್ ವೆಲ್ತ್ ಫಂಡ್ ಡಾ. ರೆಡ್ಡಿಸ್ ಲ್ಯಾಬೊರೇಟರೀಸ್ ಲಿಮಿಟೆಡ್ ಮತ್ತು ರಷ್ಯಾದ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್ ತಿಳಿಸಿದೆ.
ಇದು ಕೇಂದ್ರೀಯ ಮತ್ತು ಬಹು- ನಿಯಂತ್ರಿತ ಅಧ್ಯಯನವಾಗಲಿದೆ. ಇದೊಂದು ಸುರಕ್ಷತೆ ಮತ್ತು ಇಮ್ಯುನೊಜೆನೆಸಿಟಿ ಅಧ್ಯಯನದ ಅಂಶಗಳು ಒಳಗೊಂಡಿರುತ್ತವೆ ಎಂದು ಔಷಧ ತಯಾರಕರು ಪ್ರಕಟಣೆಯಲ್ಲಿ ಹೇಳಿದ್ದಾರೆ.
2020ರ ಸೆಪ್ಟೆಂಬರ್‌ನಲ್ಲಿ ಡಾ. ರೆಡ್ಡಿಸ್ ಮತ್ತು ಆರ್‌ಡಿಐಎಫ್ 'ಸ್ಪುಟ್ನಿಕ್-ವಿ' ಲಸಿಕೆ ಭಾರತದಲ್ಲಿ ಅದರ ವಿತರಣೆಯ ಕ್ಲಿನಿಕಲ್ ಪ್ರಯೋಗ ನಡೆಸಲು ಸಹಭಾಗಿತ್ವಕ್ಕೆ ಒಪ್ಪಿಕೊಂಡಿತು. ಭಾರತದಲ್ಲಿ ಪಾಲುದಾರಿಕೆಯ ಭಾಗವಾಗಿ ಆರ್‌ಡಿಐಎಫ್ 100 ಮಿಲಿಯನ್ ಡೋಸ್ ಲಸಿಕೆಯನ್ನು ಡಾ. ರೆಡ್ಡಿಸ್‌ಗೆ ನಿಯಂತ್ರಕ ಅನುಮೋದನೆಯ ಮೇರೆಗೆ ಪೂರೈಸುತ್ತದೆ.
ಇದೊಂದು ಮಹತ್ವದ ಬೆಳವಣಿಗೆಯಾಗಿದ್ದು, ಭಾರತದಲ್ಲಿ ಕ್ಲಿನಿಕಲ್ ಪ್ರಯೋಗ ಪ್ರಾರಂಭಿಸಲು ಅನುವು ಮಾಡಿಕೊಡುತ್ತದೆ. ಸಾಂಕ್ರಾಮಿಕ ರೋಗ ಎದುರಿಸಲು ಸುರಕ್ಷಿತ ಮತ್ತು ಪರಿಣಾಮಕಾರಿಯಾದ ಲಸಿಕೆ ತರಲು ನಾವು ಬದ್ಧರಾಗಿದ್ದೇವೆ ಎಂದು ಡಾ. ರೆಡ್ಡಿಸ್ನ ಸಹ ಅಧ್ಯಕ್ಷ/ ವ್ಯವಸ್ಥಾಪಕ ನಿರ್ದೇಶಕ ಜಿ ವಿ ಪ್ರಸಾದ್ ಹೇಳಿದರು.
ನಾವು ಭಾರತೀಯ ನಿಯಂತ್ರಕರೊಂದಿಗೆ ಸಹಕಾರ ಹೊಂದಿರುವುದಕ್ಕೆ ಸಂತೋಷವಾಗಿದೆ. ಭಾರತೀಯ ಕ್ಲಿನಿಕಲ್ ಟ್ರಯಲ್ ಡೇಟಾದ ಜೊತೆಗೆ, ರಷ್ಯಾದ ಹಂತ 3 ಕ್ಲಿನಿಕಲ್ ಪ್ರಯೋಗದಿಂದ ಸುರಕ್ಷತೆ ಮತ್ತು ರೋಗ ನಿರೋಧಕ ಅಧ್ಯಯನ ಒದಗಿಸುತ್ತೇವೆ. ಈ ಡೇಟಾವು ಭಾರತದಲ್ಲಿ 'ಸ್ಪುಟ್ನಿಕ್-ವಿ' ಲಸಿಕೆಯ ವೈದ್ಯಕೀಯ ಅಭಿವೃದ್ಧಿಯನ್ನು ಮತ್ತಷ್ಟು ಬಲಪಡಿಸುತ್ತದೆ ಎಂದು ರಷ್ಯಾದ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್ ಸಿಇಒ ಕಿರಿಲ್ ಡಿಮಿಟ್ರಿವ್ ಹೇಳಿದ್ದಾರೆ.
2020ರ ಆಗಸ್ಟ್ 11ರಂದು ಗಮಲೇಯ ನ್ಯಾಷನಲ್ ರಿಸರ್ಚ್ ಇನ್ಸ್ಟಿಟ್ಯೂಟ್ ಆಫ್ ಎಪಿಡೆಮಿಯಾಲಜಿ ಆ್ಯಂಡ್ ಮೈಕ್ರೋಬಯಾಲಜಿ ಅಭಿವೃದ್ಧಿಪಡಿಸಿದ 'ಸ್ಪುಟ್ನಿಕ್-ವಿ' ಲಸಿಕೆಯನ್ನು ರಷ್ಯಾ ಆರೋಗ್ಯ ಸಚಿವಾಲಯವು ನೋಂದಾಯಿಸಿತು. ಮಾನವ ಅಡೆನೊವೈರಲ್ ವೆಕ್ಟರ್ಸ್ ಪ್ಲಾಟ್‌ಫಾರ್ಮ್ ಆಧರಿಸಿ ಕೋವಿಡ್-19 ವಿರುದ್ಧದ ವಿಶ್ವದ ಮೊದಲ ನೋಂದಾಯಿತ ಲಸಿಕೆ ಇದಾಗಿದೆ.
