ಬೆಂಗಳೂರು: ಬೆಂಗಳೂರು- ಆಫ್ರಿಕಾ ನಡುವೆ ಅಕ್ಟೋಬರ್ 27ರಿಂದ ನೇರ ವಿಮಾನ ಸೇವೆ ಲಭ್ಯವಾಗಲಿದೆ.
ಆಫ್ರಿಕಾದ ಅತಿದೊಡ್ಡ ವಿಮಾನಯಾನ ಸಂಸ್ಥೆ ಇಥಿಯೋಪಿಯಾ ಏರ್ಲೈನ್ಸ್ ಮತ್ತು ಸ್ಕೈಟ್ರಾಕ್ಸ್ ಮಾನ್ಯತೆ ಪಡೆದಿರುವ ಜಾಗತಿಕ ವಾಯುಯಾನ ಸಂಸ್ಥೆ ಫೋರ್ ಸ್ಟಾರ್ ಏರ್ ಲೈನ್ಸ್ ಇದೇ ಮೊದಲ ಬಾರಿಗೆ ಸಿಲಿಕಾನ್ ಸಿಟಿ ಬೆಂಗಳೂರಿಗೆ ವಿಮಾನ ಸೇವೆ ಒದಗಿಸಲಿದೆ.
ಬೆಂಗಳೂರು ಐಟಿ, ಬಿಟಿ ಕ್ಲಸ್ಟರ್ ಆಗಿಯೂ ಜಗತ್ತಿನ ಗಮನ ಸೆಳೆದಿದ್ದು, ಜಾಗತಿಕ ಆಕರ್ಷಣೆಯ ವಿವಿಧ ತಂತ್ರಜ್ಞಾನ ಪಾರ್ಕ್ಗಳಿವೆ. ಇಂತಹ ನಗರವನ್ನು ಸಂಪರ್ಕಿಸಲು ವಾರದಲ್ಲಿ ನಾಲ್ಕು ದಿನಗಳ ನೇರ ವಿಮಾನ ಸೇವೆ ಆರಂಭವಾಗಲಿದೆ. ಅಕ್ಟೋಬರ್ 27ರಿಂದ ಮಂಗಳವಾರ, ಗುರುವಾರ, ಶುಕ್ರವಾರ ಮತ್ತು ಭಾನುವಾರಗಳಂದು ವಿಮಾನ ಹಾರಾಟವಿರಲಿದೆ.
