ಬೆಂಗಳೂರು: ಇ-ಕಾಮರ್ಸ್ ದೈತ್ಯ ಅಮೆಜಾನ್ ಇಂಡಿಯಾ ನಗರದ ಆಯ್ದ ಭಾಗಗಳಲ್ಲಿ ಆಹಾರ ಮತ್ತು ದಿನಸಿ ವಸ್ತುಗಳನ್ನು ಪೂರೈಸುವ 'ಅಮೆಜಾನ್ ಫ್ರೆಶ್' ಸೇವೆಗೆ ಚಾಲನೆ ನೀಡಲಾಗಿದೆ ಎಂದು ಪ್ರಕಟಿಸಿದೆ.
ಅಮೆಜಾನ್ ಫ್ರೆಶ್ ಸ್ಟೋರ್ನ ಅಮೆಜಾನ್.ಇನ್ನಲ್ಲಿ ಗ್ರಾಹಕರು ಬೆಳಗ್ಗೆ 6ರಿಂದ ಮಧ್ಯರಾತ್ರಿಯವರೆಗೆ ಅತ್ಯಂತ ಅಗತ್ಯವಾದ ದಿನಸಿ ಪದಾರ್ಥಗಳನ್ನು ಆರ್ಡರ್ ಮಾಡಿದರೇ 2 ಗಂಟೆಗಳೊಳಗೆ ವಿತರಿಸಲಾಗುವುದು. ಈ ಸೇವೆಯು ನಗರದ ಆಯ್ದ ಭಾಗಗಳಲ್ಲಿ ಲಭ್ಯವಿದೆ ಎಂದು ಕಂಪನಿ ಹೇಳಿಕೆಯಲ್ಲಿ ತಿಳಿಸಿದೆ.
ಅಮೆಜಾನ್ ಫ್ರೆಶ್‌ನಲ್ಲಿ ಗ್ರಾಹಕರು ತಮ್ಮ ಕಿರಾಣಿ ಅಂಗಡಿಗಳ ಅವಶ್ಯಕತೆಗಳಾದ 5,000ಕ್ಕೂ ಹೆಚ್ಚು ವಿಧದ ಹಣ್ಣು- ತರಕಾರಿಗಳು, ಹಾಲು, ಮಾಂಸ, ಐಸ್‌ಕ್ರೀಮ್‌, ಪ್ಯಾಕೇಜ್ಡ್ ಆಹಾರ ಸೇರಿದಂತೆ ಇತರೆ ಸಾಮಗ್ರಿಗಳನ್ನು ವಿತರಿಸಲಾಗುವುದು. ಈ ಸೇವೆಯು ಪ್ರೈಮ್ ನೌ ಆ್ಯಪ್ನಲ್ಲಿ ಮಾತ್ರವೇ ದೊರೆಯಲಿದೆ ಎಂದು ಹೇಳಿದೆ.
