ನವದೆಹಲಿ: ಐಷರಾಮಿ ಸ್ಮಾರ್ಟ್ಫೋನ್ ತಯಾರಿಕಾ ಕಂಪನಿ ಸ್ಯಾಮ್ಸಂಗ್ನ 'ಗ್ಯಾಲಕ್ಸಿ ಫೋಲ್ಡ್' ಮೊಬೈಲ್ ಪ್ರಿ-ಬುಕ್ಕಿಂಗ್ ಚಾಲನೆಗೊಂಡು 30 ನಿಮಿಷದಲ್ಲಿ ಸೋಲ್ಡ್ ಔಟ್ ಆಗಿದೆ.
ಸ್ಯಾಮ್ಸಂಗ್ ಇತ್ತೀಚೆಗೆ ಗ್ಯಾಲಕ್ಸಿ ಫೋಲ್ಡ್ ಮೊಬೈಲ್ ಅನ್ನು ಮಾರುಕಟ್ಟೆಗೆ ತರುವುದಾಗಿ ಘೋಷಿಸಿದ ಬಳಿಕ 1,64,999 ರೂ. ಬೆಲೆಯಲ್ಲಿ ಪ್ರಿ-ಬುಕ್ಕಿಂಗ್ಗೆ ನಿನ್ನೆ ಚಾಲನೆ ನೀಡಿತ್ತು. ಲಿಮಿಟೆಡ್ ಪ್ರಮಾಣದಲ್ಲಿ ತಯಾರಿಸಿದ್ದ ಮೊಬೈಲ್ಗಳನ್ನು ಮೊದಲ ಹಂತದಲ್ಲಿ 1,600 ಯೂನಿಟ್ಗಳನ್ನು ಮಾತ್ರವೇ ಆನ್ಲೈನ್ ಮೂಲಕ ಮಾರಾಟ ಮಾಡುವುದಾಗಿ ಹೇಳಿತ್ತು. ಮುಂಗಡ ಬುಕ್ಕಿಂಗ್ ಆದ 30 ನಿಮಿಷದಲ್ಲಿ ಎಲ್ಲ ಮೊಬೈಲ್ಗಳು ಬಿಕರಿಯಾಗಿವೆ. ಆಕ್ಟೋಬರ್ 20ರ ಒಳಗೆ ಬುಕ್ ಮಾಡಿದ ಗ್ರಾಹಕರಿಗೆ ಈ ಫೋನ್ಗಳು ಕೈಸೇರಲಿವೆ.
ಗ್ಯಾಲಕ್ಸಿ ಫೋಲ್ಡ್ ಫೋನ್ 7.3 ಅಂಗುಲದ ಇನ್ಫಿನಿಟಿ ಫ್ಲೆಕ್ಸ್ ಪರದೆ ಹೊಂದಿದ್ದು, 4.6 ಅಮಲೋಡ್ ಹೊರಾಂಗಣ ಪರದೆ ಇದೆ. ಮುಂಭಾಗದ ಕ್ಯಾಮೆರಾ 10ಎಂಪಿ, ಹಿಂಭಾಗದ ಎರಡೂ ಕ್ಯಾಮೆರಾಗಳು ಕ್ರಮವಾಗಿ 10ಎಂಪಿ ಹಾಗೂ 8ಎಂಪಿ ಸಾಮರ್ಥ್ಯ ಹೊಂದಿವೆ. 3 ಕ್ಯಾಮೆರಾ ಸೆಟಿಂಗ್ಸ್ನಡಿ 12ಎಂಪಿಯ ಮುಖ್ಯ ಕ್ಯಾಮೆರಾ ಜೊತೆಗೆ 16 ಎಂಪಿಯ ವೈಡ್ ಆ್ಯಂಗಲ್ ಕ್ಯಾಮೆರಾ ಮತ್ತು 12ಎಂಪಿಯ ಟೆಲಿಪೋನ್ ಕ್ಯಾಮೆರಾವಿದೆ. 12ಜಿಬಿ RAM ಮತ್ತು 512ಜಿಬಿಯ ಮೆಮೊರಿ ಸಾಮರ್ಥ್ಯವಿದೆ. 4,380mAh ಸಾಮರ್ಥ್ಯದ ಎರಡು ಬ್ಯಾಟರಿ ಒಳಗೊಂಡಿರುವ ಈ ಫೋನ್ ಅನೇಕ ಹೊಸ ಫೀಚರ್ಸ್ ಹೊಂದಿದೆ.
