ನವದೆಹಲಿ : ಮಧ್ಯಮ ಮತ್ತು ಉನ್ನತ ಶ್ರೇಣಿಯ ವಿಭಾಗಗಳಲ್ಲಿ ಗೃಹ ಸಾಲದ ಬೇಡಿಕೆ ಹೆಚ್ಚುತ್ತಿದೆ ಎಂದು ಮ್ಯಾಜಿಕ್ಬ್ರಿಕ್ಸ್ ನಡೆಸಿದ ಸಮೀಕ್ಷೆಯಿಂದ ತಿಳಿದು ಬಂದಿದೆ.
ಸುಮಾರು ಶೇ.38ರಷ್ಟು ಗ್ರಾಹಕರು 30 ಲಕ್ಷದಿಂದ 1 ಕೋಟಿ ರೂ.ವರೆಗಿನ ಗೃಹ ಸಾಲ ತೆಗೆದುಕೊಳ್ಳಲು ಇಚ್ಛಿಸುತ್ತಾರೆ ಎಂದಿದೆ. ಒಟ್ಟು 46 ಪ್ರತಿಶತ ಗ್ರಾಹಕರ ಆದ್ಯತೆಯು ಈಗ 30 ಲಕ್ಷದಿಂದ 1 ಕೋಟಿ ಮತ್ತು ಅದಕ್ಕಿಂತ ಹೆಚ್ಚಿನ ವರ್ಗದಲ್ಲಿದೆ. ಹೆಚ್ಚಿನ ಬೇಡಿಕೆಯು ಬೆಂಗಳೂರು, ಹೈದರಾಬಾದ್ ಮತ್ತು ದೆಹಲಿಯ ವಸತಿ ಮಾರುಕಟ್ಟೆಗಳಿಂದ ಕಂಡು ಬರುತ್ತಿದೆ.
ಮನೆಯಿಂದ ಕೆಲಸ' (ಡಬ್ಲ್ಯುಎಫ್‌ಹೆಚ್), ವೃತ್ತ ದರಗಳಲ್ಲಿನ ಕಡಿತ, ಸ್ಟಾಂಪ್ ಡ್ಯೂಟಿ ಮತ್ತು ಕಡಿಮೆ ಬಡ್ಡಿದರಗಳ ಕಾರಣದಿಂದಾಗಿ ಹೆಚ್ಚುವರಿ ಕೋಣೆಯ ಅವಶ್ಯಕತೆಯಂತಹ ಮುಂತಾದ ಹಲವು ಕಾರಣಗಳಿಂದಾಗಿ ಬೇಡಿಕೆ ಪುನರುಜ್ಜೀವನಕ್ಕೆ ಕಾರಣವಾಗಬಹುದು ಎಂದು ಮ್ಯಾಜಿಕ್ಬ್ರಿಕ್ಸ್ ವರದಿ ಹೇಳಿದೆ.
ಇದನ್ನೂ ಓದಿ: 2021ರಲ್ಲಿ ಖಾಸಗಿ ನೌಕರರ ವೇತನದಲ್ಲಿ ಭಾರಿ ಏರಿಕೆ : ಚೀನಾ, ರಷ್ಯಾಗಿಂತ ಭಾರತದಲ್ಲಿ ಅತ್ಯಧಿಕ
ಸಮೀಕ್ಷೆಯ ಪ್ರಕಾರ, ಶೇ.20ರಷ್ಟು ನಿರೀಕ್ಷಿತ ಮನೆ ಖರೀದಿದಾರರು 50 ಲಕ್ಷ ರೂ.ಯಿಂದ 1 ಕೋಟಿ ಮತ್ತು ಅದಕ್ಕಿಂತ ಹೆಚ್ಚಿನ ವರ್ಗದವರ ನಡುವೆ ಗೃಹ ಸಾಲ ತೆಗೆದುಕೊಳ್ಳಲು ಯೋಜಿಸುತ್ತಿದ್ದಾರೆ.
ಗ್ರಾಹಕರ ಪ್ರವೃತ್ತಿಯ ಬಗ್ಗೆ ಪ್ರತಿಕ್ರಿಯಿಸಿದ ಮ್ಯಾಜಿಕ್ಬ್ರಿಕ್ಸ್ ಸಿಇಒ ಸುಧೀರ್ ಪೈ, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಇತ್ತೀಚೆಗೆ ಕೈಗೊಂಡ ಉಪಕ್ರಮಗಳಿಗೆ ಧನ್ಯವಾದಗಳು. ಮಧ್ಯಮ ವಿಭಾಗ ಮತ್ತು ಉನ್ನತ ಶ್ರೇಣಿಯ ಆಸ್ತಿಗಳಿಗೆ ಗೃಹ ಸಾಲದ ಬೇಡಿಕೆಯ ಹೆಚ್ಚಳಕ್ಕೆ ನಾವು ಸಾಕ್ಷಿಯಾಗಿದ್ದೇವೆ ಎಂದರು.
ಮಾರುಕಟ್ಟೆ ಮನೋಭಾವವು ಬೇಡಿಕೆಯೊಂದಿಗೆ ಉತ್ತಮವಾಗಿ ಹೊಂದಿಕೆಯಾಗಿದೆ. ಮ್ಯಾಜಿಕ್ಬ್ರಿಕ್ಸ್ ಗೃಹ ಸಾಲಗಳಲ್ಲಿನ ಗ್ರಾಹಕರ ಹುಡುಕಾಟ ಮಾಹಿತಿಯಂತೆಯೇ ಪ್ರತಿಫಲಿಸುತ್ತದೆ. ಪ್ಲಾಟ್‌ಫಾರ್ಮ್‌ನಲ್ಲಿ ಹುಡುಕಿದ ಸರಾಸರಿ ಸಾಲದ ಮೊತ್ತ 34 ಲಕ್ಷ ರೂ. ಇದು ಉದ್ಯಮಕ್ಕೆ ಉತ್ತಮವಾಗಿದೆ.
ವಸತಿ ರಿಯಲ್ ಎಸ್ಟೇಟ್ನ ಎಲ್ಲಾ ವಿಭಾಗಗಳಲ್ಲಿ ವಹಿವಾಟುಗಳು ಕ್ರಮೇಣ ಹೆಚ್ಚಾಗುತ್ತಿವೆ ಎಂಬುದನ್ನು ಸೂಚಿಸುತ್ತದೆ ಎಂದು ಪೈ ಹೇಳಿದರು. ಬೆಂಗಳೂರು, ಹೈದರಾಬಾದ್, ದೆಹಲಿ, ಮುಂಬೈ ಮತ್ತು ಪುಣೆಯ ಪ್ರಮುಖ ವಸತಿ ಮಾರುಕಟ್ಟೆಗಳಿಂದ ಹೆಚ್ಚಿನ ಬೇಡಿಕೆ ಬರುತ್ತಿದೆ ಎಂದು ಸಮೀಕ್ಷೆಯು ತೋರಿಸಿದೆ.
