ಫೆಬ್ರವರಿಯಲ್ಲಿ ಭಾರತದ ಕೈಗಾರಿಕೆ ಉತ್ಪಾದನೆ ಶೇ 3.6ರಷ್ಟು ಕುಸಿತ

ರಾಷ್ಟ್ರೀಯ ಸಂಖ್ಯಾಶಾಸ್ತ್ರೀಯ ಕಚೇರಿ ಬಿಡುಗಡೆ ಮಾಡಿದ ಕೈಗಾರಿಕಾ ಉತ್ಪಾದನಾ ಸೂಚ್ಯಂಕ ದತ್ತಾಂಶದ ಪ್ರಕಾರ, ಉತ್ಪಾದನಾ ವಲಯದ ಉತ್ಪಾದನೆಯು 2021ರ ಫೆಬ್ರವರಿಯಲ್ಲಿ ಶೇ 3.7ರಷ್ಟು ಕುಸಿದಿದೆ. ಕಳೆದ ವರ್ಷ ಮಾರ್ಚ್‌ನಿಂದ ಕೋವಿಡ್​ -19 ಸಾಂಕ್ರಾಮಿಕ ರೋಗದಿಂದಾಗಿ ಕೈಗಾರಿಕಾ ಉತ್ಪಾದನೆಯು ಶೇ 18.7ರಷ್ಟು ಸಂಕುಚಿತಗೊಂಡಿದೆ.

ನವದೆಹಲಿ: ಫೆಬ್ರವರಿಯಲ್ಲಿ ಭಾರತದ ಕೈಗಾರಿಕಾ ಉತ್ಪಾದನೆಯು ಶೇ 3.6ರಷ್ಟು ಕುಗ್ಗಿದೆ ಎಂದು ಅಧಿಕೃತ ಅಂಕಿ - ಅಂಶಗಳು ತಿಳಿಸಿವೆ.

ಗಣಿಗಾರಿಕೆ ಉತ್ಪಾದನೆಯು ಶೇ 5.5ರಷ್ಟು ಕುಸಿದಿದ್ದರೆ, ಫೆಬ್ರವರಿಯಲ್ಲಿ ವಿದ್ಯುತ್ ಉತ್ಪಾದನೆಯು ಶೇ 0.1ರಷ್ಟು ಏರಿಕೆಯಾಗಿದೆ. 2020ರ ಫೆಬ್ರವರಿಯಲ್ಲಿ ಐಐಪಿ ಶೇ 5.2ರಷ್ಟು ಏರಿಕೆಯಾಗಿತ್ತು. ಏಪ್ರಿಲ್-ಫೆಬ್ರವರಿ ಅವಧಿಯಲ್ಲಿ ಐಐಪಿ ಶೇ 11.3ರಷ್ಟು ಸಂಕುಚಿತಗೊಂಡಿತ್ತು. 2019-20ರ ಇದೇ ಅವಧಿಯಲ್ಲಿ ಶೇ 1ರಷ್ಟು ಬೆಳವಣಿಗೆಗೆ ಹೊಂದಿತ್ತು.

ಕಳೆದ ವರ್ಷ ಮಾರ್ಚ್‌ನಿಂದ ಕೋವಿಡ್​ -19 ಸಾಂಕ್ರಾಮಿಕ ರೋಗದಿಂದಾಗಿ ಕೈಗಾರಿಕಾ ಉತ್ಪಾದನೆಯು ಶೇ 18.7ರಷ್ಟು ಸಂಕುಚಿತಗೊಂಡಿದೆ.