ನವದೆಹಲಿ: ವಾಣಿಜ್ಯ ಸಚಿವಾಲಯ ಶುಕ್ರವಾರ ಬಿಡುಗಡೆ ಮಾಡಿದ ಅಂಕಿಅಂಶಗಳ ಪ್ರಕಾರ, ದೇಶದ ರಫ್ತು ವಹಿವಾಟು ಸತತ ಆರನೇ ತಿಂಗಳು ಕುಸಿದು ಜನವರಿಯಲ್ಲಿ ಶೇ 1.66ರಷ್ಟಾಗಿ 25.97 ಶತಕೋಟಿ ಡಾಲರ್ಗೆ ಇಳಿಕೆಯಾಗಿದೆ.
ಆಮದು ಕೂಡ ಶೇ 0.75 ರಷ್ಟು ಇಳಿಕೆಯಾಗಿ 41.14 ಬಿಲಿಯನ್ ಡಾಲರ್‌ಗಳಷ್ಟಿದೆ. ಪರಿಶೀಲನೆಯ ತಿಂಗಳಲ್ಲಿ 15.17 ಬಿಲಿಯನ್ ಡಾಲರ್ ವ್ಯಾಪಾರ ಕೊರತೆ ಕಂಡುಬಂದಿದೆ. 2019ರ ಜನವರಿಯಲ್ಲಿ ವಾಣಿಜ್ಯ ಕೊರತೆ 15.05 ಬಿಲಿಯನ್ ಡಾಲರ್ ಆಗಿತ್ತು.
2019-20ರ ಏಪ್ರಿಲ್-ಜನವರಿ ಅವಧಿಯಲ್ಲಿ ರಫ್ತು ಶೇ 1.93 ರಷ್ಟು ಕುಸಿದು 265.26 ಬಿಲಿಯನ್ ಡಾಲರ್ಗೆ ಕ್ಷೀಣಿಸಿದೆ. ಆಮದು ಕೂಡ ಶೇ 8.12 ತಗ್ಗಿದ್ದು, 398.53 ಡಾಲರ್ಗೆ ಬಂದು ನಿಂತಿದೆ ಎಂದು ಅಂಕಿಅಂಶಗಳು ತಿಳಿಸಿವೆ.
