ನವದೆಹಲಿ: ಲಾಕ್ಡೌನ್ ವೇಳೆಯಲ್ಲಿ ನಿವೃತ್ತಿ ನಿಧಿ ಸಂಸ್ಥೆಯ ಇಪಿಎಫ್ಒ ಮತ್ತು ಖಾಸಗಿ ಪಿಎಫ್ ಟ್ರಸ್ಟಿಗಳಿಂದ 8.2 ಲಕ್ಷ ನೌಕರರು 3,243.17 ಕೋಟಿ ರೂ. ಹಿಂತೆಗೆದುಕೊಂಡಿದ್ದಾರೆ.
ಕಳೆದ ಮಾರ್ಚ್ 28 ರಂದು ನೌಕರರ ಭವಿಷ್ಯನಿಧಿ ಸಂಘಟನೆಯು ಔಪಚಾರಿಕ ವಲಯದ ಕಾರ್ಮಿಕರಿಗೆ ಲಾಕ್ಡೌನ್ ಸಂಕಷ್ಟಗಳನ್ನು ನಿಭಾಯಿಸಲು ತಮ್ಮ ನಿವೃತ್ತಿಯ ಉಳಿತಾಯದಿಂದ ಹಣ ಪಡೆಯಲು ಅವಕಾಶ ನೀಡಿತ್ತು.
ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದಡಿ ಇಪಿಎಫ್ಒ ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ್ ಯೋಜನೆ (ಪಿಎಂಜಿಎಸ್ವೈ) ಪ್ಯಾಕೇಜ್ ಅಡಿ 7.40 ಲಕ್ಷ ಕ್ಲೇಮ್ಗಳು ಸೇರಿ ಒಟ್ಟು 12.91 ಲಕ್ಷ ಕ್ಲೇಮ್ಗಳನ್ನು ಇತ್ಯರ್ಥಪಡಿಸಿದೆ ಎಂದು ಕಾರ್ಮಿಕ ಸಚಿವಾಲಯ ಪ್ರಕಟಣೆಯಲ್ಲಿ ಹೇಳಿದೆ.
ಕ್ಲೇಮ್ಸೆಟ್ಲ್ಮೆಂಟ್ ಅಡಿ ಒಟ್ಟು 4,684. 52 ಕೋಟಿ ರೂ. ವರ್ಗಾಯಿಸಿದೆ. ಈ ಪೈಕಿ ಪಿಎಂಜಿಎಸ್ ಪ್ಯಾಕೇಜ್ ಅಡಿ 2,367.65 ಕೋಟಿ ರೂ. ಕೋವಿಡ್ 19 ಕ್ಲೇಮ್ ಒಳಗೊಂಡಿದೆ.
