ನವದೆಹಲಿ: ಲೋಕಸಭಾ ಚುನಾವಣೆಯಲ್ಲಿ ಎನ್ಡಿಎಗೆ ಟಕ್ಕರ್ ನೀಡಲು ಸಾಕಷ್ಟು ಪ್ರಯತ್ನ ನಡೆಸಿದ್ದ ಯುಪಿಎ ಮೋದಿ ಅಲೆಯಲ್ಲಿ ಕೊಚ್ಚಿಹೋಗಿದೆ.
ಕೇರಳದ ತಿರುವನಂತಪುರದಲ್ಲಿ ಕಾಂಗ್ರೆಸ್ನಿಂದ ಕಣಕ್ಕಿಳಿದಿದ್ದ ಶಶಿ ತರೂರ್ ಗೆಲುವಿನ ನಗೆ ಬೀರಿದ್ದಾರೆ. ಆದರೆ ರಾಷ್ಟ್ರಮಟ್ಟದಲ್ಲಿ ಯುಪಿಎ ಭಾರಿ ನಿರಾಸೆ ಮೂಡಿಸಿದ್ದು, ಬ್ಯಾಟ್ಸ್ಮನ್ ಶತಕ ಬಾರಿಸಿದ ಹೊರತಾಗಿಯೂ ತಂಡ ಸೋತಾಗ ಆಗುವ ಹತಾಶೆ ಸದ್ಯ ಉದ್ಭವವಾಗಿದೆ ಎಂದು ತರೂರ್ ಹೇಳಿದ್ದಾರೆ.
ಶೇ.72ರಷ್ಟು ಮತಎಣಿಕೆ ಮುಕ್ತಾಯವಾಗುವ ವೇಳೆಗೆ ನನ್ನ ಗೆಲುವು ನಿರ್ಧರಿತವಾಗಿತ್ತು. ಆದರೆ ಪಕ್ಷದ ಸಾಧನೆ ಶೋಚನೀಯವಾಗಿದೆ. ಇದನ್ನು ಅರಗಿಸಿಕೊಳ್ಳುವುದೂ ಕೊಂಚ ಕಷ್ಟ ಎಂದಿದ್ದಾರೆ.
ಪ್ರಸ್ತುತ ಯುಪಿಎ 55 ಕ್ಷೇತ್ರದಲ್ಲಿ ಗೆಲುವು ಸಾಧಿಸಿದ್ದು 31 ಕ್ಷೇತ್ರದಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ.ಯುಪಿಎ ನೂರರ ಗಡಿ ಮುಟ್ಟದಿರುವುದು ನಿಜಕ್ಕೂ ಪಕ್ಷಕ್ಕೆ ಬಹುದೊಡ್ಡ ಮುಖಭಂಗ ಎಂದು ಅವರ ಖೇದ ವ್ಯಕ್ತಪಡಿಸಿದ್ರು.
