ನವದೆಹಲಿ: ಪೇಮೆಂಟ್ ಬ್ಯಾಂಕ್ಗಳ ಮುಖ್ಯಸ್ಥರೊಂದಿಗೆ ಈ ವಾರಾಂತ್ಯದಲ್ಲಿ ಆರ್ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಅವರು ಮಹತ್ವದ ಸಭೆ ನಡೆಸಲಿದ್ದಾರೆ. ಪೇಮೆಂಟ್ ಬ್ಯಾಂಕ್ಗಳ ಸಮಸ್ಯೆಗಳು ಹಾಗೂ ಅವುಗಳ ಕಾರ್ಯವೈಖರಿಗಳ ಬಗ್ಗೆ ಮಾತುಕತೆ ನಡೆಸಲಾಗುವುದು ಎಂದು ಆರ್ಬಿಐ ಗವರ್ನರ್ ಹೇಳಿದ್ದಾರೆ.
ಪ್ರಮುಖವಾಗಿ ಏಳು ಪೇಮೆಂಟ್ ಬ್ಯಾಂಕ್ಗಳ ಚಟುವಟಿಕೆಗಳ ಬಗ್ಗೆ ಪ್ರಮುಖವಾಗಿ ಚರ್ಚೆಗೆ ಬರಲಿದೆ. ಡಿಜಿಟಟ್ ಪೇಮೆಂಟ್ ಅಥವಾ ಫಿನ್ಟೆಕ್ಗಳ ಬಗ್ಗೆ ಇನ್ನೆರಡು ತಿಂಗಳಲ್ಲಿ ಒಂದು ಗೈಡ್ಲೈನ್ಸ್ ಹಾಗೂ ಒಂದು ಸ್ಯಾಂಡರ್ಡ್ ನಿಯಮಾವಳಿಗಳನ್ನ ಮಾಡಲಾಗುವುದು ಎಂದು ಇದೇ ವೇಳೆ ಕೇಂದ್ರ ಬ್ಯಾಂಕ್ನ ಮುಖ್ಯಸ್ಥರು ತಿಳಿಸಿದ್ದಾರೆ.
ಏನಿದು ಸ್ಯಾಂಡ್ ಬಾಕ್ಸ್:
ಬ್ಯಾಕಿಂಗ್ ವ್ಯವಸ್ಥೆಗೆ ಹೊಸ ತಂತ್ರಜ್ಞಾನ ಅಳವಡಿಸಿಕೊಳ್ಳುವ ಮುನ್ನ ಪ್ರಯೋಗ ಹಾಗೂ ಕಲಿಕೆಯನ್ನ ಕಡ್ಡಾಯವಾಗಿ ಮಾಡಬೇಕು ಹಾಗೂ ಪರೀಕ್ಷಿಸುವ ವಿಧಾನಕ್ಕೆ ಸ್ಯಾಂಡ್ ಬಾಕ್ಸ್ ಎಂದು ಹೇಳಬಹುದಾಗಿದೆ. ಹೀಗೆ ಮಾಡುವುದರಿಂದ ಸಮಸ್ಯೆಯಿಂದ ದೂರ ಇರುವುದು ಹಾಗೂ ವೈಫಲ್ಯದಿಂದ ದೂರ ಇರುವುದಾಗಿದೆ.
ಡಿಜಿಟಲ್ ಪೇಮೆಂಟ್ ಹಾಗೂ ತಂತ್ರಜ್ಞಾನ ಆಧರಿತ ಹಣಕಾಸು ವ್ಯವಹಾರಗಳ ಸುರಕ್ಷತೆ ಹಾಗೂ ಇನ್ನಿತರ ಚಟುವಟಿಕೆಗಳ ಮೇಲೆ ನಿಯಂತ್ರಣ ಮಾಡುವ ಸಲುವಾಗಿ ಆಧಾರ್ ಜನಕ ನಂದನ್ ನಿಲೇಕಣಿ ಅಧ್ಯಕ್ಷತೆಯಲ್ಲಿ ಐವರು ಸದಸ್ಯರ ಸಮಿತಿಯನ್ನ ಈಗಾಗಲೇ ಆರ್ಬಿಐ ನೇಮಕ ಮಾಡಿದೆ. ಮೂರು ತಿಂಗಳೊಳಗಾಗಿ ವರದಿ ಸಲ್ಲಿಸುವಂತೆಯೂ ನಿರ್ದೇಶನ ನೀಡಿದೆ.
