ಇಸ್ಲಾಮಾಬಾದ್: ಭಾರತೀಯ ವಾಯುಸೇನೆ ಏರ್ಸ್ಟ್ರೈಕ್ ನಡೆಸಿದ ಬಾಲಕೋಟ್ ಪ್ರದೇಶಕ್ಕೆ ಭಾರತೀಯ ಪತ್ರಕರ್ತರು ಇಷ್ಟಪಟ್ಟಲ್ಲಿ ಭೇಟಿ ನೀಡಬಹುದು ಎಂದು ಪಾಕ್ ಮಿಲಿಟರಿ ವಕ್ತಾರ ಮೇಜರ್ ಜನರಲ್ ಆಸಿಫ್ ಗಫೂರ್ ಹೇಳಿದ್ದಾರೆ.
ಭಾರತೀಯ ಪತ್ರಕರ್ತರು ಸತ್ಯವನ್ನು ಅರಿಯುವ ಉದ್ದೇಶವಿದ್ದಲ್ಲಿ ಬಾಲಕೋಟ್ಗೆ ಬರಬಹುದು ಎಂದು ಆಸಿಫ್ ಗಫೂರ್ ಆಹ್ವಾನ ನೀಡಿದ್ದಾರೆ.
ಪುಲ್ವಾಮಾ ಉಗ್ರದಾಳಿಗೆ ಭಾರತ ಬಾಲಕೋಟ್ ಮೇಲೆ ವಾಯುದಾಳಿ ನಡೆಸಿ ತಕ್ಕ ಪ್ರತೀಕಾರ ತೀರಿಸಿಕೊಂಡಿತ್ತು.
ಬಾಲಕೋಟ್ ಪ್ರದೇಶದಲ್ಲಿ ಹಲವಾರು ಉಗ್ರರು ಸಾವನ್ನಪ್ಪಿದ್ದರು ಎಂದು ಭಾರತ ಹೇಳಿತ್ತು. ಆದರೆ ನಿಖರ ಸಂಖ್ಯೆ ಹೇಳುವುದು ಕಷ್ಟ ಎಂದಿತ್ತು. ಆದರೆ ಈ ಮಾತನ್ನು ಪಾಕ್ ಸರ್ಕಾರ ಅಲ್ಲಗಳೆಯುತ್ತಲೇ ಬಂದಿದೆ.
