ಸೌತಾಂಪ್ಟನ್: ವಿಶ್ವಕಪ್ ಟೂರ್ನಿಯ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು ಆರು ವಿಕೆಟ್ಗಳಿಂದ ಮಣಿಸುವ ಮೂಲಕ ಟೀಂ ಇಂಡಿಯಾ ಶುಭಾರಂಭ ಮಾಡಿದ್ದು, ಈ ಪಂದ್ಯದಲ್ಲಿ ಹಿರಿಯ ಆಟಗಾರ ಎಂ.ಎಸ್.ಧೋನಿ ಕೆಲ ದಾಖಲೆಗಳನ್ನು ಬರೆದಿದ್ದಾರೆ.
ತಮ್ಮ ಬ್ಯಾಟ್ ಮೂಲಕ ಸಮಯೋಚಿತ 34 ರನ್ ಬಾರಿಸಿ ತಂಡಕ್ಕೆ ನೆರವಾದ ಧೋನಿ, ವಿಕೆಟ್ ಕೀಪಿಂಗ್ ವಿಚಾರದಲ್ಲಿ ಎರಡು ಪ್ರತ್ಯೇಕ ರೆಕಾರ್ಡ್ ತಮ್ಮ ಹೆಸರಿಗೆ ಬರೆಸಿಕೊಂಡಿದ್ದಾರೆ.
ಎಬಿಡಿ ಬರ್ತೀನಿ ಅಂದ್ರು ಬೇಡ ಎಂದ ಮ್ಯಾನೇಜ್ಮೆಂಟ್! ಹರಿಣಗಳ ಸ್ಥಿತಿ ಏನಾಯ್ತು?
ಇನ್ನಿಂಗ್ಸ್ ಲೆಕ್ಕಾಚಾರದಲ್ಲಿ ಅತೀ ಹೆಚ್ಚು ವಿಕೆಟ್ ಕೀಪಿಂಗ್ ಮಾಡಿರುವ ವಿಶೇಷ ದಾಖಲೆ ಧೋನಿ ಪಾಲಾಗಿದೆ. ಬುಧವಾರದ ಪಂದ್ಯದ ಮೂಲಕ ಧೋನಿ 600 ಇನ್ನಿಂಗ್ಸ್ ಆಡಿದ ವಿಶ್ವದ ಮೊದಲ ಕೀಪರ್ ಎನ್ನುವ ದಾಖಲೆಗೆ ಭಾಜನರಾದರು.
ಆಲ್ರೌಂಡರ್ ಆ್ಯಂಡಿಲೆ ಪೆಹ್ಲುಕ್ವಾಯೋರನ್ನು ಸ್ಟಂಪ್ ಮಾಡುವ ಮೂಲಕ ಧೋನಿ ಲಿಸ್ಟ್ ಎ ಕ್ರಿಕೆಟ್ನಲ್ಲಿ 139 ಆಟಗಾರರನ್ನು ಔಟ್ ಮಾಡಿ ಪಾಕಿಸ್ತಾನದ ಮೊಯಿನ್ ಖಾನ್ ದಾಖಲೆ ಸರಿಗಟ್ಟಿದ್ದಾರೆ. ವಿಶ್ವಕಪ್ನಲ್ಲಿ ವಿಕೆಟ್ ಹಿಂದೆ ಬಲಿ ಪಡೆದ ವಿಚಾರದಲ್ಲಿ ಧೋನಿ, ಸಂಗಕ್ಕಾರ ಹಾಗೂ ಗಿಲ್ಕ್ರಿಸ್ಟ್ ನಂತರದ ಸ್ಥಾನ ಪಡೆದಿದ್ದಾರೆ.
ಅತಿ ಹೆಚ್ಚು ಇನ್ನಿಂಗ್ಸ್ ಆಡಿದ ವಿಕೆಟ್ ಕೀಪರ್ಗಳು:
- ಎಂ.ಎಸ್.ಧೋನಿ - 600
- ಮಾರ್ಕ್ ಬೌಚರ್ - 596
- ಕುಮಾರ ಸಂಗಕ್ಕಾರ - 499
- ಆ್ಯಡಮ್ ಗಿಲ್ಕ್ರಿಸ್ಟ್ - 485
ವಿಶ್ವಕಪ್ನಲ್ಲಿ ಹೆಚ್ಚು ಬಲಿ ಪಡೆದ ಕೀಪರ್:
- ಕುಮಾರ ಸಂಗಕ್ಕಾರ - 54
- ಆ್ಯಡಮ್ ಗಿಲ್ಕ್ರಿಸ್ಟ್ - 52
- ಎಂ.ಎಸ್.ಧೋನಿ - 33
- ಬ್ರೆಂಡನ್ ಮೆಕ್ಕಲಂ - 32
