ನವದೆಹಲಿ: ಹ್ಯಾಟ್ರಿಕ್ ಜಯ ಸಾಧಿಸಿ ಪ್ಲೇ ಆಫ್ ಕನಸಿನಲ್ಲಿರುವ ಆರ್ಸಿಬಿ ಇಂದು ಮೂರನೇ ಸ್ಥಾನದಲ್ಲಿರುವ ಡೆಲ್ಲಿ ಕ್ಯಾಪಿಟಲ್ ತಂಡವನ್ನು ಫಿರೋಜ್ ಷಾ ಕೋಟ್ಲಾ ಮೈದಾನದಲ್ಲಿ ಎದರಿಸಲಿದೆ.
ಸತತ ಆರು ಸೋಲುಗಳ ನಂತರ ಗೆಲುವಿನ ಟ್ರ್ಯಾಕ್ಗೆ ಮರಳಿರುವ ಆರ್ಸಿಬಿ ಇಂದಿನ ಪಂದ್ಯ ಸೇರಿದಂತೆ ಉಳಿದಿರುವ 3 ಪಂದ್ಯಗಳನ್ನು ಗೆಲ್ಲಲೇ ಬೇಕಿದೆ. ಕೊಹ್ಲಿ ತವರೂರಾದ ಡೆಲ್ಲಿಯಲ್ಲಿ ಈ ಪಂದ್ಯ ನಡೆಯುತ್ತಿದ್ದು ತವರಿನ ಜನರ ಮುಂದೆ ಕೊಹ್ಲಿ ಗೆಲುವಿನ ನಗೆ ಬೀರಲು ಸಿದ್ದವಾಗಿದ್ದಾರೆ.
ಆರ್ಸಿಬಿ ಮಧ್ಯಮ ಕ್ರಮಾಂಕದ ಆದಾರ ಸ್ಥಂಭವಾಗಿದ್ದ ಮೊಯಿನ್ ಅಲಿ ತಂಡದಿಂದ ನಿರ್ಗಮಿಸಿರುವುದು ತಂಡಕ್ಕೆ ದೊಡ್ಡ ಹೊಡೆತ ನೀಡಿದೆ. ಇದರಿಂದ ಅವರ ಜಾಗಕ್ಕೆ ಹೆಟ್ಮೈರ್ ಅಥವಾ ಗ್ರ್ಯಾಂಡ್ಹೋಮ್ ಆಡುವ ಸಾಧ್ಯತೆ ಇದೆ. ಎಬಿಡಿ,ಪಾರ್ಥೀವ್ ಪಟೇಲ್ ಅಸ್ಭುತ ಫಾರ್ಮ್ನಲ್ಲಿದ್ದು, ಕೊಹ್ಲಿ ಇವರ ಜೊತೆಗೂಡಿದರೆ ಗೆಲುವು ಕಷ್ಟವೇನಲ್ಲ.
ಇನ್ನು ಬೌಲಿಂಗ್ನಲ್ಲಿ ಉಮೇಶ್ ಯಾದವ್,ಸೈನಿ ಸೌಥಿ,ಚಹಾಲ್ ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ. ಆದರೆ ನೇಗಿ ಬದಲು ತಂಡ ಸೇರಿದ್ದ ವಾಷಿಂಗ್ಟನ್ ಸುಂದರ್ ಮಾತ್ರ ಕಳೆದ ಪಂದ್ಯದಲ್ಲಿ ದುಬಾರಿಯಾಗಿದ್ದು, ಇವರಿಗೆ ಕೊಹ್ಲಿ ಮತ್ತೊಂದು ಅವಕಾಶ ನೀಡುವರೆ ಎಂದು ಕಾದು ನೋಡಬೇಕಿದೆ.
ಇನ್ನು ಡೆಲ್ಲಿ ತಂಡದಲ್ಲಿ ಶಾ,ಶ್ರೇಯಸ್ ಅಯ್ಯರ್,ಪಂತ್ ಹಾಗೂ ಡೆಲ್ಲಿಯವರೇ ಆದ ಧವನ್ ತಂಡಕ್ಕೆ ಬಲ ತುಂಬಲಿದ್ದಾರೆ. ಇವರ ಜೊತೆಗೆ ಇಂಗ್ರಾಮ್,ಅಕ್ಷರ್ ಪಟೇಲ್,ರುದರ್ಫರ್ಡ್ ಆಲ್ರೌಂಡರ್ ಪ್ರದರ್ಶನ ಹಾಗೂ ರಬಡಾ, ಮೋರಿಸ್,ಲಾಮಿಚ್ಛಾನೆ,ಇಶಾಂತ್ ಕೂಡ ತಂಡದಲ್ಲಿ ತಂಡದಲ್ಲಿರುವುದು ಆರ್ಸಿಬಿಗೆ ಕಠಿಣ ಪೈಪೋಟಿ ನೀಡಲಿದ್ದಾರೆ.
ಬೆಂಗಳೂರಿನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಕೊಹ್ಲಿ ಪಡೆ ರಬಡಾ ದಾಳಿಗೆ ತತ್ತರಿಸಿ ಕೇವಲ 149 ರನ್ಗಳಿಸಿತ್ತು. ಈ ಪಂದ್ಯದಲ್ಲಿ ಡೆಲ್ಲಿ 4 ವಿಕೆಟ್ಗಳಿಂದ ಗೆಲುವು ಸಾಧಿಸಿತ್ತು.
ಮುಖಾಮುಖಿ:
12 ಆವೃತ್ತಿಗಳ ಐಪಿಎಲ್ನಲ್ಲಿ ಎರಡು ತಂಡಗಳು 23 ಬಾರಿ ಮುಖಾಮುಖಿಯಾಗಿದ್ದು, ಆರ್ಸಿಬಿ 15 ಬಾರಿ, ಡೆಲ್ಲಿ 7 ಬಾರಿ ಜಯಸಾಧಿಸಿವೆ. ಫಿರೋಜ್ ಕೋಟ್ಲಾ ಮೈದಾನದಲ್ಲಿ ನಡೆದಿರುವ 8 ಪಂದ್ಯಗಳಲ್ಲಿ ಆರ್ಸಿಬಿ 6, ಡೆಲ್ಲಿ 2 ಪಂದ್ಯಗಳಲ್ಲಿ ಜಯ ಸಾಧಿಸಿವೆ.
ಡೆಲ್ಲಿ ಕ್ಯಾಪಿಟಲ್:
ಶಿಖರ್ ಧವನ್, ಪೃಥ್ವಿ ಶಾ, ಶ್ರೇಯಸ್ ಅಯ್ಯರ್(ನಾಯಕ), ಕಾಲಿನ್ ಇಂಗ್ರಾಮ್, ರಿಷಬ್ ಪಂತ್, ಅಕ್ಷರ್ ಪಟೇಲ್, ರಾಹುಲ್ ತೆವಾಟಿಯಾ/ಅಮಿತ್ ಮಿಶ್ರಾ, ಕ್ರಿಸ್ ಮೋರಿಸ್, ಕಾಗಿಸೋ ರಬಾಡ, ಸಂದೀಪ್ ಲಾಮಿಚಾನೆ, ಇಶಾಂತ್ ಶರ್ಮಾ
ಆರ್ಸಿಬಿ:
ಪಾರ್ಥಿವ್ ಪಟೇಲ್(ವಿಕೆಟ್ ಕೀಪರ್‌), ವಿರಾಟ್ ಕೊಹ್ಲಿ(ಕ್ಯಾಪ್ಟನ್), ಎಬಿಡಿ ವಿಲಿಯರ್ಸ್, ಸ್ಟೋನಿಸ್, ಆಕಾಶ್ದೀಪ್ ನಾಥ್, ಸೌಥಿ, ಮೊಹಮ್ಮದ್ ಸಿರಾಜ್, ಯಜುವೇಂದ್ರ ಚಹಾಲ್,ಹೆಟ್ಮೈರ್,ನವದೀಪ್ ಸೈನಿ,ಪವನ್ ನೇಗಿ/ವಾಷಿಂಗ್ಟನ್ ಸುಂದರ್
