ವಿಲಿಯಮ್ಸನ್​​​​ ಅಬ್ಬರ... ಆರ್​ಸಿಬಿಗೆ 176 ರನ್​ ಟಾರ್ಗೆಟ್​​​ ನೀಡಿದ ಹೈದರಾಬಾದ್​​​

ಕೇನ್​ ವಿಲಿಯಮ್ಸನ್​ 43 ಎಸೆತಗಳಲ್ಲಿ 70 ರನ್ ​ಗಳಿಸಿದ ಪರಿಣಾಮ ಹೈದರಾಬಾದ್​ ತಂಡ ಆರ್​ಸಿಬಿಗೆ 176 ರನ್​ಗಳ ಗುರಿ ನೀಡಿದೆ.

ಬೆಂಗಳೂರು: ಪ್ಲೇ ಆಫ್​​​ ತಲುಪಲು ಗೆಲ್ಲಲೇಬೇಕಿರುವ ಪಂದ್ಯದಲ್ಲಿ ಸನ್​ರೈಸರ್ಸ್​ ಹೈದರಾಬಾದ್​ ನಾಯಕ ವಿಲಿಯಮ್ಸನ್​ ಸ್ಫೋಟಕ ಅರ್ಧಶತಕದ ನೆರವಿನಿಂದ 20 ಓವರ್​ಗಳಲ್ಲಿ 176 ರನ್ ​ಗಳಿಸಿದೆ.

ಟಾಸ್ ​ಗೆದ್ದ ಬೆಂಗಳೂರು ತಂಡ ಹೈದರಬಾದ್​ ತಂಡವನ್ನು ಬ್ಯಾಟಿಂಗ್​ಗೆ​ ಆಹ್ವಾನಿಸಿತು. ಎಸ್​ಆರ್​ಹೆಚ್​ ಪರ ಆರಂಭಿಕರಾಗಿ ಕಣಕ್ಕಿಳಿದ ವೃದ್ಧಿಮಾನ್​ ಸಹಾ(20) ಹಾಗೂ ಮಾರ್ಟಿನ್​ ಗಪ್ಟಿಲ್​ ಮೊದಲ ವಿಕೆಟ್​ಗೆ 46 ರನ್​ಗಳ ಜೊತೆಯಾಟ ನೀಡಿದರು. ಸಹಾ ಸೈನಿ ಬೌಲಿಂಗನಲ್ಲಿ ಉಮೇಶ್​ ಯಾದವ್​ಗೆ ಕ್ಯಾಚ್​ ನೀಡಿದರು. ಗಪ್ಟಿಲ್(30)​ ವಾಷಿಂಗ್ಟನ್​ ಸುಂದರ್​ ಬೌಲಿಂಗ್​ನಲ್ಲಿ ಕೊಹ್ಲಿಗೆ ಕ್ಯಾಚ್​ ನೀಡಿ ಔಟಾದರು.

• Innings Break!
  
  The @SunRisers post a total of 175/7 after 20 overs. Is this enough for the #SRH bowlers to defend?#RCBvSRH pic.twitter.com/2grGC3nXOI

  — IndianPremierLeague (@IPL) May 4, 2019 " class="align-text-top noRightClick twitterSection" data="

  Innings Break!
  
  The @SunRisers post a total of 175/7 after 20 overs. Is this enough for the #SRH bowlers to defend?#RCBvSRH pic.twitter.com/2grGC3nXOI

  — IndianPremierLeague (@IPL) May 4, 2019

  ">

  Innings Break!
  
  The @SunRisers post a total of 175/7 after 20 overs. Is this enough for the #SRH bowlers to defend?#RCBvSRH pic.twitter.com/2grGC3nXOI

  — IndianPremierLeague (@IPL) May 4, 2019

ಇವರಿಬ್ಬರ ವಿಕೆಟ್​ ಪತನದ ನಂತರ ಬಂದ ಕನ್ನಡಿಗ ಪಾಂಡೆ ಕೇವಲ 9 ರನ್​ಗಳಿಗೆ ವಿಕೆಟ್​ ಒಪ್ಪಿಸಿ ಹೈದರಾಬಾದ್​ಗೆ ನಿರಾಸೆ ಮೂಡಿಸಿದರು. ನಂತರ ಒಂದಾದ ನಾಯಕ ವಿಲಿಯಮ್ಸನ್​ ಹಾಗೂ ವಿಜಯ್​ ಶಂಕರ್​(27) 45 ರನ್​ಗಳ ಜೊತೆಯಾಟ ನೀಡಿ ತಂಡಕ್ಕೆ ಚೇತರಿಕೆ ಮೂಡಿಸಿದರು. ಸುಂದರ್​ ಬೌಲಿಂಗ್​ನಲ್ಲಿ ಸತತ 2 ಸಿಕ್ಸರ್​ ಸಿಡಿಸಿ ಮೂರನೇ ಎಸೆತದಲ್ಲಿ ಗ್ರ್ಯಾಂಡ್​ಹೋಮ್​ಗೆ ಕ್ಯಾಚ್​ ನೀಡಿ ಪೆವಿಲಿಯನ್​ ಸೇರಿಕೊಂಡರು.

ನಂತರ ಬಂದ ಯೂಸುಫ್​ ಪಠಾಣ್​(3), ನಬಿ(4) ರಶೀದ್​ ಖಾನ್​(1) ಬಂದಷ್ಟೇ ವೇಗವಾಗಿ ವಾಪಸ್​ ತೆರಳಿದರು. ಒಂದು ಕಡೆ ವಿಕೆಟ್​ ಉರುಳುತ್ತಿದ್ದರು ಏಕಾಂಗಿಯಾಗಿ ಹೋರಾಡಿದ ವಿಲಿಯಮ್ಸನ್ 43 ಎಸೆತಗಳಲ್ಲಿ 4 ಸಿಕ್ಸರ್​, 5 ಬೌಂಡರಿ ನೆರವಿನಿಂದ 70 ರನ್ ​ಗಳಿಸಿ 176 ರನ್​ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು.