ಹೈದರಾಬಾದ್: ಪ್ಲೆ ಆಫ್ ಮೇಲೆ ಕಣ್ಣಿಟ್ಟಿರುವ ತಂಡಗಳಾದ ಸನ್ರೈರ್ಸ್ ಹೈದರಾಬಾದ್ ಹಾಗೂ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಗಳು ಇಂದು ಹೈದರಾಬಾದ್ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಇಂದು ಮುಖಾಮುಖಿಯಾಗುತ್ತಿವೆ.
12ನೇ ಆವೃತ್ತಿಯಲ್ಲಿ ಆಡಿರುವ 11 ಪಂದ್ಯಗಳಲ್ಲಿ 5 ಗೆಲುವು ಹಾಗೂ 6 ಸೋಲು ಕಂಡಿರುವ ಸನ್ರೈಸರ್ ಹಾಗೂ ಪಂಜಾಬ್ ತಂಡಗಳಿಗೆ ಈ ಪಂದ್ಯ ಪ್ಲೇ ಆಫ್ ದೃಷ್ಟಿಯಿಂದ ಪ್ರಮುಖವಾಗಿದೆ. ಈಗಾಗಲೆ ಡೆಲ್ಲಿ ಹಾಗೂ ಚೆನ್ನೈ ಪ್ಲೇ ಆಫ್ ಸ್ಥಾನ ಖಚಿತಪಡಿಸಿಕೊಂಡಿವೆ. ಮೂರನೇ ತಂಡಕ್ಕೆ ಮುಂಬೈ ತುಂಬಾ ಹತ್ತಿರದಲ್ಲಿದೆ. ನಾಲ್ಕನೇ ಸ್ಥಾನಕ್ಕೆ ಪಂಜಾಬ್, ಹೈದರಾಬಾದ್, ಕೆಕೆಆರ್ ಹಾಗೂ ರಾಜಸ್ಥಾನ್ ರಾಯಲ್ಸ್ ತಂಡಗಳ ನಡುವೆ ಭಾರಿ ಪೈಪೋಟಿ ನಡೆಯುತ್ತಿದೆ.
ಕಾಡುತ್ತಿರುವ ಬೈರ್ಸ್ಟೋವ್ ಅನುಪಸ್ಥಿತಿ
ಸನ್ರೈಸರ್ಸ್ ತಂಡ ಬ್ಯಾರ್ಸ್ಟೋವ್ ಇಲ್ಲದೆ ಉತ್ತಮ ಆರಂಭ ಪಡೆಯಲು ಕಷ್ಟಪಡುತ್ತಿದೆ. ನಾಯಕ ವಿಲಿಯಮ್ಸನ್ ವಾರ್ನರ್ ಜೊತೆ ಇನ್ನಿಂಗ್ಸ್ ಆರಂಭಿಸುತ್ತಿದ್ದು ದೊಡ್ಡ ಜೊತೆಯಾಟ ಬರುತ್ತಿಲ್ಲ. ಆದರೆ, ಮನೀಷ್ ಪಾಂಡೆ ಅದ್ಭುತ ಫಾರ್ಮ್ನಲ್ಲಿರುವುದು ತಂಡಕ್ಕೆ ಸಮಾಧಾನ ತಂದಿದೆ. ಇನ್ನು ಬೌಲಿಂಗ್ ವಿಭಾಗದಲ್ಲಿ ಭುವಿ, ರಶೀದ್, ಖಲೀಲ್ ಅಹ್ಮದ್ ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ. ಉಳಿದ ಬೌಲರ್ಗಳು ಲಯ ಕಳೆದುಕೊಳ್ಳುತ್ತಿರುವುದು ಹೈದರಾಬಾದ್ ಸಂಕಟಕ್ಕೆ ಕಾರಣವಾಗಿದೆ.
ಮಧ್ಯಮ ಕ್ರಮಾಂಕದ ಕಳಪೆ ಬ್ಯಾಟಿಂಗ್
ಇತ್ತ ಪಂಜಾಬ್ ಬಲಿಷ್ಠ ಬ್ಯಾಟಿಂಗ್ ಪಡೆ ಹೊಂದಿದೆ. ಆದರೆ ಗೇಲ್, ರಾಹುಲ್, ಮಯಾಂಕ್ ಹೊರತುಪಡಿಸಿದರೆ ಮಧ್ಯಮ ಕ್ರಮಾಂಕ ತೀರಾ ಕಳಪೆ ಪ್ರದರ್ಶನ ತೋರುತ್ತಿರುವುದರಿಂದ ಪ್ಲೇ ಆಫ್ ರೇಸ್ನಲ್ಲಿ ಮುಂದಿದ್ದ ತಂಡ ಇದೀಗ 4 ತಂಡಗಳ ಜೊತೆ ಪೈಪೋಟಿ ಎದುರಿಸುವಂತಾಗಿದೆ.
ಸನ್ರೈಸರ್ಸ್ ಹೈದರಾಬಾದ್:
ಡೇವಿಡ್ ವಾರ್ನರ್, ಕೇನ್ ವಿಲಿಯಮ್ಸನ್(ನಾಯಕ) , ವಿಜಯ್ ಶಂಕರ್, ಯೂಸಫ್ ಪಠಾಣ್, ಭುವನೇಶ್ವರ್ ಕುಮಾರ್, ರಶೀದ್ ಖಾನ್, ಮನೀಷ್ ಪಾಂಡೆ, ಸಿದ್ದಾರ್ಥ್ ಕೌಲ್/ಸಂದೀಪ್ ಶರ್ಮಾ, /ದೀಪಕ್ ಹೂಡ, ಶಹ್ಬಾಜ್ ನದೀಮ್,ಖಲೀಲ್ ಅಹ್ಮದ್,ಮಾರ್ಟಿನ್ ಗಪ್ಟಿಲ್/ಶಕಿಬ್ ಅಲ್ ಹಸನ್,ವೃದ್ಧಿಮಾನ್ ಸಹಾ
ಕಿಂಗ್ಸ್ ಇಲೆವೆನ್ ಪಂಜಾಬ್:
ಆರ್ ಅಶ್ವಿನ್ (ನಾಯಕ), ಕೆಎಲ್ ರಾಹುಲ್ , ಕ್ರಿಸ್ ಗೇಲ್ , ಮಯಾಂಕ್ ಅಗರವಾಲ್, ಸರ್ಫರಾಜ್ ಖಾನ್, ಡೇವಿಡ್ ಮಿಲ್ಲರ್, ಕರುಣ್ ನಾಯರ್/ಮಂದೀಪ್ ಸಿಂಗ್, ಮುರುಗನ್ ಅಶ್ವಿನ್, ,ಮಹಮ್ಮದ್ ಶಮಿ, ಹಾರ್ಡಸ್ ವಿಜೋನ್,ಮುರುಗನ್ ಅಶ್ವಿನ್,ನಿಕೋಲಸ್ ಪೂರನ್/ಮುಜೀಬ್ ಉರ್ ರೆಹಮಾನ್
