ಹೈದರಾಬಾದ್: ಟ್ವಿಟರ್ ಎನ್ನುವುದು ಸದ್ಯ ಜಗತ್ತಿನ ಸುದ್ದಿಗಳು ಕ್ಷಿಪ್ರ ಗತಿಯಲ್ಲಿ ಒಂದು ಮೂಲೆಯಿಂದ ಮತ್ತೊಂದು ಮೂಲೆಗೆ ತಲುಪಿಸುತ್ತಿದೆ. ಅದೇ ರೀತಿ ದಿನದ ಪ್ರಮುಖ ಘಟನಾವಳಿಗಳು ಟ್ರೆಂಡ್ ಆಗಿ ಬಳಕೆದಾರರ ಮನವನ್ನು ಬಹಿರಂಗ ಮಾಡುತ್ತಿದೆ.
ಮೋದಿ ತಮ್ಮ ಟ್ವಿಟರ್ ಹೆಸರಿಗೆ ಚೌಕಿದಾರ್ ಎಂದು ಸೇರಿಸಿಕೊಂಡಾಗ #Chowkidar ಎನ್ನುವುದು ವರ್ಲ್ಡ್ವೈಡ್ ಟ್ರೆಂಡ್ ಆಗಿ ಸಂಚಲನ ಮೂಡಿಸಿತ್ತು.
ಇಂದಿನ ಟ್ರೆಂಡಿಂಗ್ನಲ್ಲಿ ಕನ್ನಡದ ಹ್ಯಾಶ್ಟ್ಯಾಗ್ ಇದೆ. #ಒಂದ್_ಕೈ_ನೋಡ್ತೀವಿ ಎನ್ನುವುದು ವರ್ಲ್ಡ್ವೈಡ್ ಟ್ರೆಂಡಿಂಗ್ನಲ್ಲಿ ಮೂರನೇ ಸ್ಥಾನದಲ್ಲಿದೆ. ಕನ್ನಡದ ಹ್ಯಾಶ್ಟ್ಯಾಗ್ ಜಗತ್ತಲ್ಲೇ ಮೂರನೇ ಸ್ಥಾನದಲ್ಲಿರುವುದು ವಿಶೇಷ ಎನ್ನಬಹುದು.
ಏನಿದು #ಒಂದ್_ಕೈ_ನೋಡ್ತೀವಿ..?
ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಲೋಕಸಭಾ ಚುನಾವಣೆಯಲ್ಲಿ ಕರ್ನಾಟಕದಿಂದ ಸ್ಪರ್ಧೆ ನಡೆಸಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ.
ಇದೇ ಗಾಳಿ ಸುದ್ದಿಯನ್ನು ಆಧಾರವಾಗಿಸಿ ಬಿಜೆಪಿ ಹಿಂಬಾಲಕರು #ಒಂದ್_ಕೈ_ನೋಡ್ತೀವಿ ಎನ್ನುವುದನ್ನು ಹಾಸ್ಯದ ರೂಪದಲ್ಲಿ ಟ್ರೆಂಡ್ ಮಾಡುತ್ತಿದ್ದಾರೆ.
