ನವದೆಹಲಿ: ಇಂಗ್ಲೆಂಡ್ನಲ್ಲಿ ನಡೆಯಲಿರುವ ವಿಶ್ವಕಪ್ನಲ್ಲಿ ಟೀಂ ಇಂಡಿಯಾ ಫೆವರೇಟ್ ತಂಡ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ವಿರಾಟ್ ಕೊಹ್ಲಿ ನೇತೃತ್ವದಲ್ಲಿ ಆಯ್ಕೆಗೊಂಡಿರುವ 15 ಸದಸ್ಯರು ವಿಶ್ವಕಪ್ ಫೈಟ್ಗೆ ಸಜ್ಜಾಗಿದ್ದಾರೆ. ಆದರೆ, ಇದರ ಮಧ್ಯೆ ಜ್ಯೋತಿಷಿಯೊಬ್ಬರು ನುಡಿದಿರುವ ಮಾತು ಕ್ರೀಡಾಭಿಮಾನಿಗಳಲ್ಲಿ ಆತಂಕ ಮೂಡಿಸಿದೆ.
ಮುಂಬೈ ಮೂಲದ ಖ್ಯಾತ ಜ್ಯೋತಿಷಿ ಗ್ರೀನ್‌ಸ್ಟೋನ್‌ ಲೋಬೊ ತಿಳಿಸಿರುವ ಪ್ರಕಾರ, ಈ ಸಲ ಟೀಂ ಇಂಡಿಯಾ ವಿಶ್ವಕಪ್ ಗೆಲ್ಲುವುದಿಲ್ವಂತೆ. ಇದಕ್ಕೆ ಕಾರಣವಾಗಿರುವುದು ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಜನ್ಮಜಾತಕವಂತೆ. ಜ್ಯೋತಿಷಿ ತಿಳಿಸಿರುವ ಪ್ರಕಾರ ವಿರಾಟ್ ಕೊಹ್ಲಿ ಹುಟ್ಟಿರುವುದು 1988ರಲ್ಲಿ. ಒಂದು ವೇಳೆ ಅವರು 1986 ಅಥವಾ 1987ರಲ್ಲಿ ಜನ್ಮ ತಾಳಿದರೇ ಭಾರತ ವಿಶ್ವಕಪ್ ಗೆಲ್ಲುವ ಅವಕಾಶಗಳು ಹೆಚ್ಚಾಗಿದ್ದವು ಎಂದು ತಿಳಿಸಿದ್ದಾರೆ.
ಈ ಹಿಂದೆ ಗ್ರಿನ್ ಸ್ಟೋನ್ 2011 ಹಾಗೂ 2015ರಲ್ಲಿ ನುಡಿದಿದ್ದ ಭವಿಷ್ಯ ನಿಜವಾಗಿದೆಯಂತೆ. ಈ ಸಲ ಅವರು ನುಡಿದಿರುವ ಭವಿಷ್ಯ ಕೂಡ ನಿಜವಾಗುವುದೇ ಎಂಬ ಅನುಮಾನ ಈಗಾಗಲೇ ಶುರುವಾಗಿದೆ.
