ಟೋಕಿಯೊ(ಜಪಾನ್): ಮಹಿಳೆಯರ 53 ಕೆಜಿ ಫ್ರೀಸ್ಟೈಲ್ ಕುಸ್ತಿಯಲ್ಲಿ ಸ್ವೀಡನ್‌ನ ಸೋಫಿಯಾ ಮ್ಯಾಗ್ಡಲೇನಾ ಮ್ಯಾಟ್ಸನ್ ಅವರನ್ನು ಸೋಲಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದ ವಿನೇಶ್ ಪೋಗಟ್ ಬೆಲಾರಸ್ನ ಸ್ಪರ್ಧಿ ವಿರುದ್ಧ ಸೋಲು ಅನುಭವಿಸಿದ್ದಾರೆ.
ಬೆಲಾರಸ್ನ ವೆನೆಸಾ ಕಲದಿಜಿಂಸ್ಕಯಾ ಅವರ ವಿರುದ್ಧ ಕ್ವಾರ್ಟರ್ ಫೈನಲ್ನಲ್ಲಿ ಸ್ಪರ್ಧಿಸಿದ್ದ ಅವರು 9-3 ಅಂಕಗಳಿಂದ ಪರಾಭವಗೊಂಡಿದ್ದಾರೆ. ಇದರಿಂದ ಭಾರತದ ಪದಕದ ಆಸೆಗೆ ನೀರೆರಚಿದಂತಾಗಿದೆ.
ಇದಕ್ಕೂ ಮೊದಲು ಸ್ವೀಡನ್‌ನ ಸೋಫಿಯಾ ಮ್ಯಾಗ್ಡಲೇನಾ ಮ್ಯಾಟ್ಸನ್ ವಿರುದ್ಧ ಸ್ಪರ್ಧಿಸಿದ್ದ ವಿನೇಶ್ ಪಂದ್ಯದುದ್ದಕ್ಕೂ ಪೋಗಟ್ ಮುಂಚೂಣಿಯಲ್ಲಿದ್ದು, ಆಕ್ರಮಣಕಾರಿ ಆಟ ಪ್ರದರ್ಶಿಸಿ ಗೆಲುವು ಸಾಧಿಸಿದ್ದರು.
ಹಿಂದಿನ ಬಾರಿ ರಿಯೋ ಒಲಿಂಪಿಕ್ನ ವೇಳೆ ಗಾಯದ ಸಮಸ್ಯೆಯಿಂದ ಬಳಲಿದ್ದ ವಿನೇಶ್ ಪೋಗಟ್ ಈ ಬಾರಿ ಪದಕದ ಭರವಸೆ ಮೂಡಿಸಿದ್ದರು. ಆದರೆ ಬೆಲಾರಸ್ ವಿರುದ್ಧ ಸೋಲನ್ನು ಅನುಭವಿಸಿದ್ದು, ಪದಕ ಪಡೆಯಲು ವಿಫಲರಾಗಿದ್ದಾರೆ.
ಇದನ್ನೂ ಓದಿ: ದೇಶದ ಮೊದಲ ಸ್ವದೇಶಿ ವಿಮಾನವಾಹಕ INS ವಿಕ್ರಾಂತ್ ಪರೀಕ್ಷಾರ್ಥ ಸಂಚಾರ- ವಿಡಿಯೋ
