ವಾಷಿಂಗ್ಟನ್, ಅಮೆರಿಕ: ಭಾರತದಲ್ಲಿ ಅಸಂಘಟಿತ ಕಾರ್ಮಿಕರಾಗಿ ದುಡಿಯುತ್ತಿರುವ ಬಹುತೇಕ ಮಂದಿ ಕೋವಿಡ್ನಿಂದ ತತ್ತರಿಸಿದ್ದು, ಅವರಿಗಾಗಿ ಸುಮಾರು 500 ಮಿಲಿಯನ್ ಡಾಲರ್ ಸಾಲ ಮಂಜೂರು ಮಾಡಿರುವುದಾಗಿ ವಿಶ್ವಬ್ಯಾಂಕ್ ಸ್ಪಷ್ಟನೆ ನೀಡಿದೆ.
ಭಾರತದ ಕರೆನ್ಸಿಯಲ್ಲಿ ವಿಶ್ವಬ್ಯಾಂಕ್ ಮಂಜೂರು ಮಾಡಿರುವ ಸಾಲ ಸುಮಾರು 3,700 ಕೋಟಿ ರೂಪಾಯಿಗಳಿಗೂ ಹೆಚ್ಚಿರಲಿದ್ದು, ಕೊರೊನಾವನ್ನು ಮತ್ತು ಮುಂಬರುವ ಸಂಕಷ್ಟನ್ನು ಎದುರಿಸಲು ಈ ಸಾಲ ಸಹಾಯ ಮಾಡಲಿದೆ.
ಈ ಸಾಲ ಕೇಂದ್ರ ಸರ್ಕಾರ ಮತ್ತು ರಾಜ್ಯಗಳು ಅಸಂಘಟಿತ ಕಾರ್ಮಿಕರಿಗಾಗಿ ಹಮ್ಮಿಕೊಂಡಿರುವ ಯೋಜನೆಗಳನ್ನು ಸಾಮರ್ಥ್ಯವನ್ನು ಬಲಿಷ್ಠಗೊಳಿಸುತ್ತದೆ ಮತ್ತು ಸಾಮಾಜಿಕ ರಕ್ಷಣಾ ವ್ಯವಸ್ಥೆಗೆ ಸಹಕರಿಸುತ್ತದೆ ಎಂದು ವಿಶ್ವಬ್ಯಾಂಕ್ ಹೇಳಿದೆ.
ಇದನ್ನೂ ಓದಿ: Darbhanga Blast Case: ಹೈದರಾಬಾದ್ನಲ್ಲಿ ಇಬ್ಬರು ಭಯೋತ್ಪಾದಕ ಬ್ರದರ್ಸ್ ಅರೆಸ್ಟ್
ಈಗ ಮಂಜೂರಾಗಿರುವ 500 ಮಿಲಿಯನ್ ಡಾಲರ್ಗಳಲ್ಲಿ 112.5 ಮಿಲಿಯನ್ ಡಾಲರ್ ಸಾಲವನ್ನು ಇಂಟರ್ನ್ಯಾಷನಲ್ ಡೆವೆಲಪ್ಮೆಂಟ್ ಅಸೋಸಿಯೇಷನ್ (ಐಡಿಎ), ಪುನರ್ನಿರ್ಮಾಣ ಮತ್ತು ಅಭಿವೃದ್ಧಿಯ ಅಂತಾರಾಷ್ಟ್ರೀಯ ಬ್ಯಾಂಕ್ (ಐಬಿಆರ್ಡಿ) 387.5 ಮಿಲಿಯನ್ ಡಾಲರ್ ಸಾಲ ನೀಡಲಿದೆ.
ವಿಶ್ವಬ್ಯಾಂಕ್ ಬೋರ್ಡ್ನ ಕಾರ್ಯಕಾರಿ ನಿರ್ದೇಶಕರು ಈ ನಿರ್ಧಾರ ತಗೆದುಕೊಂಡಿದ್ದು, 18 ವರ್ಷದ ಮುಕ್ತಾಯದ ಅವಧಿಯನ್ನು ಈ ಸಾಲ ಹೊಂದಿರಲಿದೆ.
