ಕೊಯಮತ್ತೂರು (ತಮಿಳುನಾಡು): ಮದುವೆಯಾಗುವುದಾಗಿ ನಂಬಿಸಿ ಲಿವ್ ಇನ್ ರಿಲೇಷನ್ನಲ್ಲಿ ಉಳಿದಿದ್ದ ಯುವಕನ ಮೇಲೆ ಯುವತಿ ಆ್ಯಸಿಡ್ ದಾಳಿ ನಡೆಸಿದ್ದಾಳೆ. ತಮಿಳುನಾಡಿನ ಕೊಯಮತ್ತೂರಿನಲ್ಲಿ ಈ ಘಟನೆ ನಡೆದಿದ್ದು, ಇಬ್ಬರ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಜಯಂತಿ(27) ಹಾಗೂ ರಾಕೇಶ್(30) ಕಳೆದ ಕೆಲ ತಿಂಗಳಿಂದ ಕೊಯಮತ್ತೂರಿನ ಅಪಾರ್ಟ್ಮೆಂಟ್ನಲ್ಲಿ ಲಿವ್ ಇನ್ ರಿಲೇಷನ್ನಲ್ಲಿ ಉಳಿದಿದ್ದರು. ಆದರೆ, ಕೆಲ ದಿನಗಳ ಹಿಂದೆ ರಾಕೇಶ್ ತಮ್ಮ ಸ್ವಃತ ಊರು ಕೇರಳಕ್ಕೆ ಭೇಟಿ ನೀಡಿದ್ದರು. ಈ ವೇಳೆ, ಬೇರೆ ಯುವತಿ ಜೊತೆ ಮದುವೆ ಮಾಡಿಕೊಂಡಿದ್ದಾಗಿ ತಿಳಿದು ಬಂದಿದ್ದು, ಇದರ ಬಗ್ಗೆ ಯಾವುದೇ ರೀತಿಯ ಸ್ಪಷ್ಟತೆ ಇಲ್ಲ.
ವಾಪಸ್ ಕೊಯಮತ್ತೂರಿಗೆ ಬಂದಿದ್ದ ರಾಕೇಶ್, ಜಯಂತಿ ಜೊತೆಗಿನ ಸಂಬಂಧ ಮುರಿದುಕೊಳ್ಳಲು ಮುಂದಾಗಿದ್ದಾನೆ. ಜೊತೆಗೆ ತಾನು ಬೇರೆ ಮದುವೆ ಮಾಡಿಕೊಂಡಿದ್ದಾಗಿ ತಿಳಿಸಿದ್ದಾನೆ. ಇದರಿಂದ ಆಕ್ರೋಶಗೊಂಡಿರುವ ಯುವತಿ ಆತನ ಮೇಲೆ ಆ್ಯಸಿಡ್ನಿಂದ ದಾಳಿ ನಡೆಸಿದ್ದಾಳೆ. ಇದರ ಬೆನ್ನಲ್ಲೇ ನಿದ್ರೆ ಮಾತ್ರೆ ತೆಗೆದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳಲು ಮುಂದಾಗಿದ್ದಾಳೆ. ಘಟನೆ ಬಗ್ಗೆ ಪೊಲೀಸರಿಗೆ ಮಾಹಿತಿ ಗೊತ್ತಾಗುತ್ತಿದ್ದಂತೆ ಸ್ಥಳಕ್ಕಾಗಮಿಸಿದ್ದು, ಇಬ್ಬರನ್ನು ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ.
ಇದನ್ನೂ ಓದಿರಿ: ಶಿವರಾಮ್ ಅಣ್ಣನ ಸಾವಿನ ಸುದ್ದಿ ಕೇಳಿ ಅತೀವ ನೋವಾಗಿದೆ: ಕುಂಬ್ಳೆ ಭಾವುಕ ಟ್ವೀಟ್
ಘಟನೆಗೆ ಸಂಬಂಧಿಸಿದಂತೆ ಈಗಾಗಲೇ ಜಯಂತಿ ವಿರುದ್ಧ ಸೆಕ್ಷನ್ 323,324 ಹಾಗೂ 326(A) ಅಡಿ ಪ್ರಕರಣ ದಾಖಲಾಗಿದ್ದು, ಜಯಂತಿ ವಿರುದ್ಧ ಸೆಕ್ಷನ್ 417,420 ಅಡಿ ದೂರು ದಾಖಲಾಗಿವೆ.
