ಪ್ರತೀತಿಯಂತೆ ಬಿಜಲಿ ಮಹಾದೇವ ದೇವಾಲಯ ಸಮೀಪ ಮಿಂಚು: ವಿಡಿಯೋ ವೈರಲ್

ಪ್ರತೀತಿಯಂತೆ ಕುಲ್ಲು ಕಣಿವೆಯ ಬಿಜಲಿ ಮಹಾದೇವ ದೇವಾಲಯದ ಸಮೀಪದಲ್ಲಿ ಬೆಟ್ಟದಲ್ಲಿ ಮಿಂಚು ಕಾಣಿಸಿಕೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ.

ಕುಲ್ಲು, ಹಿಮಾಚಲ ಪ್ರದೇಶ: ದೇವಾಲಯಕ್ಕೆ ಸಮೀಪದ ಬೆಟ್ಟವೊಂದರಲ್ಲಿ ಮಿಂಚು ಬಡಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಈ ಮಿಂಚು ದಶಕದಲ್ಲಿ ಒಂದು ಬಾರಿಯಾದರೂ ದೇವಾಲಯಕ್ಕೆ ಸಮೀಪದಲ್ಲಿ ಮಿಂಚು ಕಾಣಿಸಿಕೊಳ್ಳುತ್ತದೆ ಎಂಬ ಪ್ರತೀತಿ ಇದೆ.

ಈ ಮಿಂಚು ಕಾಣಿಸಿಕೊಂಡಿರುವುದು ಹಿಮಾಚಲ ಪ್ರದೇಶದ ಕುಲ್ಲು ಕಣಿವೆಯ ಬಿಜಲಿ ಮಹಾದೇವ ದೇವಾಲಯದ ಸಮೀಪದಲ್ಲಿ ಬೆಟ್ಟದಲ್ಲಿ. ಸಮುದ್ರ ಮಟ್ಟದಿಂದ ಸರಿಸುಮಾರು 2,460 ಮೀಟರ್​ ಎತ್ತರದಲ್ಲಿ ಈ ದೇವಾಲಯವಿದ್ದು, ಈ ಬಾರಿಯ ಮಿಂಚಿಗೆ ದೇವಾಲಯದ ಆವರಣದ ಶಿವಲಿಂಗ ಒಡೆದು ಹೋಗಿದೆ. ಘಟನೆಯ ನಂತರ ಒಡೆದು ಹೋದ ಶಿವಲಿಂಗಕ್ಕೆ ಬೆಣ್ಣೆ ಹಚ್ಚಲಾಗಿದೆ.

ಈ ದೇವಾಲಯದ ಬಗ್ಗೆ ಇನ್ನಷ್ಟು..

ಈ ದೇವಾಲಯ ಬಿಯಾಸ್ ನದಿಯ ಬಳಿಯಿದ್ದು, ಕುಲ್ಲು ನಗರದಿಂದ 14 ಕಿಲೋಮೀಟರ್ ದೂರದಲ್ಲಿದೆ. ಮೂರು ಕಿಲೋಮೀಟರ್ ದೂರದಿಂದ ಟ್ರೆಕ್ಕಿಂಗ್ ನಡೆಸಲು ಅವಕಾಶವಿದೆ. ಈ ದೇವಾಲಯದಿಂದ ಕುಲ್ಲು ಮತ್ತು ಪಾರ್ವತಿ ಕಣಿವೆಗಳನ್ನು ಕಣ್ತುಂಬಿಕೊಳ್ಳಬಹುದಾಗಿದೆ.